Waebulania 13:8 - Biblia Kikutu

⁸ Yesu Kilisito ayo yuyuja, jana, lelo na siku zose.

Waebulania 13:8 ပူးပေါင်းရင်းမြစ်များ

Mwanduso 21:33

Abaho Abulahamu kahanda biki dikemigwa tamalisiki ako Beelisheba, kamgwaa ukulu Mndewa Imulungu, Imulungu yelibule uhelelo.

Zabuli 103:17

Ila unogelo hawishaga wa Mndewa Imulungu okala kulawa milele mbaka milele na ochola kwa awo omdumba, na haki yake yokala kwa iwana na wazukulu zao.

Zabuli 90:2

Vigongo ving'hali havinakoneka, na gweye ung'hali hunalumba isi yose, gweye kwa Imulungu kulawa milele mbaka milele.

Zabuli 90:4

Kwavija kumwako miyaka elufu kamba siku imoja ibitile, hebu kamba kuwasilila kilo kimoja.

Kulawa 3:14

Imulungu kamulongela Musa, “Nene iyo Nene. Vino vivo viulondigwa kuwalongela Waizilaeli, ‘Ija yokemigwa Nene iyo Nene, kanhuma kumwenu.’ ”

2 Wakolinto 1:19

Kwavija Yesu Kilisito, Mwana wa Imulungu, itumpetile kumwenu, niye na Sila na Timoseo, hakalile munhu wa kulonga, “Ona” na “Bule”. Lakini kumwake heyo siku zose, “Ona.”

2 Wakolinto 1:20

Kwavija haitongigwa Imulungu kalonga miyanza mingahi, vija viyalongile kubitila Kilisito vokuwa, “Ona.” Lekaavo “Ona” yetu itulonga kubitila Kilisito, toilonga kwa kumgwaa ukulu Imulungu.

Waebulania 1:12

Kowakunzakunza kamba kitanga, nao ogaluka kamba mgolole ulalile. Lakini gweye kwa vivija, na miyaka yako yabule uhelelo.”

Yakobo 1:17

Kila nhunza inogile na itelele, yolawa kuulanga kwa Imulungu yalumbile vose vilava mulenge, heyo hagalukaga bule kamba sisila.

Yuda 1:25

Kwa Imulungu yaiyeka yeli Mkombola wetu, ukulu una heyo na nguvu na udahi, kubitila Mndewa wetu Yesu Kilisito kulawa ng'holo zose, sambi na siku zose! Ona.

Ugubulo 1:11

Inongela, “Wandike mkitabu mbuli zino ziwona, abaho kigale ikitabu kwa wanhu wamtogole Yesu mvibumbila vili mna gamabuga gano saba, Efeso na Simuna na Peligamoni na Tuatila na Salide na Filadelifia na Laodikea.”

Ugubulo 1:4

Niye Yohana nowandikila wanhu wamtogole Yesu mna ivibumbila saba vili ako Asiya. Ng'hekewa na tindiwalo kulawa kwa Imulungu, yakalile baha, yeli baha na yonda yawe baha, na kulawa kwa loho saba zili kuulongozi wa kigoda chake cha undewa,

Ugubulo 1:8

“Niye na Alufa na Omega, wa ichanduso na wa ikimambukizo,” kolonga Mndewa Imulungu yeli na Udahi wose, yakalile baha, yeli baha, na yonda yawe baha.