Waebulania 13:6 - Biblia Kikutu

⁶ Lekaavo tolonga kwa kugangamala, “Mndewa ayo yonitaza, sidumba bule. Munhu konitenda choni?”

Waebulania 13:6 ပူးပေါင်းရင်းမြစ်များ

Mwanduso 15:1

Vizibitile mbuli azo, Mndewa Imulungu kamulongela Abulamu mzinzozi, “Abulamu, sikuudumbe! Niye ayo ngao yako. Niye na hamoja na gweye, na kinhu acho kinoga ng'hani kumwako.”

Zabuli 124:8

Kutazigwa kwetu kolawa mditwaga da Mndewa Imulungu, yalumbile ulanga na isi yose.

Zabuli 146:3

Sikuwike tamanilo jako kwa iwakulu, kwa iwanhu odanganika, hewo hawadaha kumkombola munhu.

Zabuli 27:9

Sikuuleke kunilola kwa bazi. Sikuundeme kwa ng'hasiliki yako niye msang'hanaji wako, gweye ayo unitaza siku zose. Sikuunitupe wala kundeka, Imulungu Mkombola wangu.

Zabuli 33:20

Mizoyo yetu yombetela Mndewa Imulungu. Heyo ayo yotutaza na ngao yetu.

Zabuli 40:17

Lakini niye mkiwa na nolonda vinhu, Mndewa yanigelegeze. Gweye ayo mtazaji wangu na mkombola wangu, go Imulungu, sikuukawe.

Zabuli 54:4

Lakini Imulungu ayo yonitaza, Mndewa ayo yougoga ugima wangu.

Zabuli 56:4

Kwa Imulungu kumwake noditogola twaga jake, kwa Imulungu notamanila, sidumba bule. Imunhu yofa konitenda choni?

Zabuli 63:7

Kwavija gweye konitaza, mmbeho ya mabawa gako nokwimba kwa deng'ho.

Zabuli 94:17

Maza Mndewa Imulungu sambi yanitaze himahima, nahakalile tuluu mwiifa.

Kulawa 18:4

na wa kabili Eliezeli, kwavija Musa kalonga, “Imulungu wa tata zangu ayo yanitazile, sikunikomigwe na Falao.”

Matayo 10:28

Sikumuwadumbe waja iwokoma lukuli, lakini hawadaha kuikoma loho, ila mumdumbe Imulungu yodaha kulukoma lukuli na loho muumoto wa jehanamu.

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Waefeso 3:12

Kwa kuilumba na Kilisito na kumtamanila, todaha kumgendela Imulungu bila kudumba na kuno totamanila kuwa kotubokela.

Kumbukumbu 33:26

Gweye Izilaeli haduhu kamba Imulungu wako, heyo kabita kuulanga keza kukutaza, kabita uchanha kuna uukulu wake.

Kumbukumbu 33:29

Mmweda mweye Waizilaeli. Nani kamba mweye, mweye mukomboligwe na Mndewa Imulungu, heyo yeli ngao yenu, na sime diwatenda muhume. Wanhu owehila okwiza kuno onyawanyawa mgameso genu, na mweye mowabojoga.

Waebulania 10:19

Avo ndugu zangu, damu ya Yesu yotugela moyo wa kugangamala kwingila Mdigati Ding'alile Ng'hani.

Waebulania 4:16

Avo tukikwesele bila kudumba kigoda cha undewa cha Imulungu yeli na ng'hekewa, ako tobokela ng'hekewa na uhole kututaza kipindi kituvilonda.

1 Samweli 23:17

Kamulongela, “Sikuudumbe, tatangu hakugoga bule, gweye kokuwa mndewa wa Izilaeli, na niye nokuwa wakabili yako. Hata tatangu Sauli koijuwa mbuli ayo.”