Waebulania 11:4 - Biblia Kikutu

⁴ Kutamanila ako kumtendile Habili yamulavile Imulungu nhosa inogile kubanza Kaini. Kutamanila kwake kumtenda yatogoligwe na Imulungu kamba kanoga, kwavija Imulungu mwenyego kazigwaa nhogolwa nhunza zake. Kwa kutamanila kwake hata kamba Habili kafa, mbuli zake ziyatendile zing'hali zotufunza.

Waebulania 11:4 ပူးပေါင်းရင်းမြစ်များ

Mwanduso 4:10

Abaho Mndewa kalonga, “Gweye kutenda choni? Damu ya ndugu yako yonililila kulawa mwiisi.

Mwanduso 4:15

Lakini Mndewa Imulungu kamwidika, “Bule! Munhu yahakukoma gweye Kaini kobwezeligwa miyanza saba.” Avo Mndewa kamwikila Kaini kilaguso cha kumzuma munhu yoyose yonda yamone sikuyamkome.

Mwanduso 4:25

Adamu kamuwasa kabili mwehe wake, kalela mwana wa kimbigalo, kamkema Seti, akuno kolonga, “Imulungu kangwaa mwana hanhu ha Abeli, yakomigwe na Kaini.”

Mwanduso 4:8

Abaho Kaini kamulongela mdodo wake Abeli, “Tuchole kumgunda.” Avo viwakalile kumgunda, Kaini kamvamila ndugu yake kamkoma.

Nongezi 15:8

Nhosa za wasang'hana gehile, ngevuzo kwa Mndewa Imulungu, lakini kupula kwa munhu yeli na haki ajo deng'ho da Imulungu.

Nongezi 21:27

Nhosa ya msang'hana gehile, ngevuzo, yogevuza ng'hani yahailava kwa gehile.

Walawi 9:24

Moto ulawa muukulu wa Mndewa Imulungu uzisoma nhosa zose na gamavuta geli muupango wa nhosa. Wanhu viwone avo, wakemelela kwa deng'ho waidulika mbaka hasi wamtambikila Mndewa Imulungu.

Matayo 23:35

Avo damu yose ya wanhu wanogile itike mwiisi yodaigwa kumwenu, kusongela damu ya Habili ija yakalile yanogile, mbaka damu ya Zakalia mwana wa Balakia yumumkomile hagati ya Ng'anda ya Imulungu na upango wa kulavila nhosa.

Luka 11:51

toka kukomigwa kwa Habili mbaka kukomigwa kwa Zakalia, ija yakomigwe hagati ha upango wa kulavila nhosa na Hanhu Hong'ala. Ona, nowalongela, wanhu wa lukolo luno otagusigwa kwa kuwakoma wao!”

Tito 1:16

Wanhu awo olonga kamba omjuwa Imulungu lakini sang'hano zao zolagusa kamba omulema. Wanhu ogevula mizoyo na hawategeleza, hawafaya kwa mbuli yoyose inogile.

Waebulania 11:2

Kwa kutamanila wanhu wa umwaka wagweleligwa nhogolwa na Imulungu.

Waebulania 12:1

Kwavija siye tuzungulukigwa na lunhu lwa wanhu otulola, avo tusegese kila kinhu kitukimila mnzila, na nzambi ija ituzingiliza ng'hani na tukimbile kwa kuwamba mna ukuihuma kwitwikiligwe.

Waebulania 12:24

Muvika kwa Yesu yogala kuilumba kwa lagano da sambi na damu yake imizigwe na ilonga mbuli zinogile ng'hani kubanza damu ija ya Habili.

Waebulania 5:1

Mulava nhosa mkulu yoyose kosaguligwa na Imulungu kulawa hagati ya wanhu na kotenda sang'hano za Imulungu mbuli yao. Kolava nhosa na nhunza kwa nzambi za wanhu.

Waebulania 9:22

Avo mna gamalagizo ga Musa kamba vija kila kinhu kisunhigwa kwa damu, na nzambi za wanhu zogeligwa kumgongo kamba damu yokwitigwa.

2 Petulo 2:8

munhu ayo yanogile kakala konyunyuwala ng'hani kila siku viyone na kuhulika gehile gasang'hanigwe na wanhu awo wehile.

Yuda 1:11

Wanhu awo ogaya! Kwavija wakweleleza mbuli ziyasang'hane Kaini. Mbuli ya kulonda sente waigala wenyego muimhome iija ya Balaamu. Walema kamba viyalemile Kola vivija na hewo onangigwa kamba viyanangigwe heyo.