Waebulania 1:9 - Biblia Kikutu

⁹ Gweye kuganogela ganogile na kugehila gehile. Lekaavo Imulungu, yeli Imulungu wako kakugwaa ukulu, kubanza wayago, avo kudeng'helela.”

Waebulania 1:9 ပူးပေါင်းရင်းမြစ်များ

Zabuli 11:5

Mndewa Imulungu, kowageza iwanhu wanogile, lakini kowehila iwanhu wehile na iwanhu wasede.

Zabuli 119:104

Kubitila malagizo gako nopata nzewele, avo nogehila gaja ga uvizi.

Zabuli 119:128

Avo, nogoga malagizo gako gose, nogehila gaja ga uvizi.

Zabuli 2:2

Iwandewa wa mwiisi waitanda, na iwakulu okala kiseto, mbuli ya Mndewa Imulungu na mbuli ya ayo iyamsagule, olonga,

Zabuli 2:6

“Na niye nimwika mndewa wangu uchanha ya Sayuni, ulugongo lwangu lung'ala.”

Zabuli 23:5

Konitendela nyimwilinyimwili kuulongozi wa iwanhu onihila, kunigidila mavuta kudipala jangu, kikasi changu kukimemeza mbaka chokwitika.

Zabuli 33:5

Imulungu konogezwa na ganogile na haki, isi yose imema unogelo hawishaga wa Mndewa Imulungu.

Zabuli 37:28

Kwavija Mndewa Imulungu konogezwa na haki, hawaleka iwanhu wake otamanilwa, kowakaliza milele, lakini iwana wa iwanhu wehile osegesigwa.

Zabuli 40:8

Go Mndewa Imulungu, nosulukila kutenda gaja goulonda, malagizo gako gammoyo wangu.”

Zabuli 45:6

Go Imulungu, kigoda chako cha ukulu chosigala siku zose na milele, fimbo ya undewa wako yokuwa fimbo ya haki.

Zabuli 45:7

Koinogela haki na kogehila gehile, avo Imulungu, Imulungu wako kakusagula, kwa kukugwaa deng'ho kubanza wayago wose.

Zabuli 89:20

Nimpata Daudi msang'hanaji wangu, nimgidila mavuta gangu gong'ala.

Zabuli 89:26

Na heyo konikema, ‘Gweye kwa tatangu, Imulungu wangu, dibwe da ukombola wangu.’

Nongezi 8:13

Kumdumba Mndewa Imulungu kuigala na kwihila gehile, nokihila kibuli na kuitapa, na ukazi wihile, na ulonzi wihile.

Kupetigwa 7:43

Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,

Luka 4:18

“Loho wa Mndewa Imulungu kamgati mmwangu, kwavija kanisagula niwagalile wanhu wakiwa Mbuli Inogile. Kanituma niwapetele wagodekigwe kamba olekesigwa, na waja wasuwameso walole, na kuwakombola waja wadununzigwe,

Yohana 1:41

Bahaja Andeleya viyamone Simoni ndugu yake, kamulongela, “Tumona Masihi.” Masihi fambulo jake “Kilisito Mkombola.”

Yohana 10:17

“Tata koninogela kwavija noulava ugima wangu kwa kulonda mwenyego, ili nidahe kuubweza kabili.

Yohana 20:17

Yesu kamulongela, “Sikuungoge kwavija ning'hali sinachola kwa Tata kuulanga. Lakini genda kwa ndugu zangu ukawalongele nochola kwa Tatangu vivija Tata yenu, Imulungu wangu vivija Imulungu wenu.”

Yohana 3:34

Heyo yatumigwe na Imulungu kolonga mbuli za Imulungu, kwavija Imulungu kamgwaa ng'hani Loho wake Yang'alile.

Sang'hano 10:38

Mumjuwa Imulungu viyamsagule Yesu wa Nazaleti kwa kumgwaa Loho Yang'alile na udahi. Kila hanhu hayacholile katenda ganogile na kuwahonya wanhu wose wakalile mmakono ga Mwenembago, kwavija Imulungu kakala nayo.

Sang'hano 4:26

Wandewa wa mwiisi waitanda wenyego, vilongozi waiting'hana hamoja kumbiduka Mndewa na Mkombola ayo yaamsagule.’

Sang'hano 4:27

Kwavija Helode na Pontio Pilato waiting'hana hamoja mna idibuga dino da wanhu haweli Wayahudi na wanhu wa Izilaeli kumbiduka Yesu, Mtumigwa wako Yang'alile, Kilisito Mkombola yuumsagule.

Walumi 12:9

Unogelwa wenu uwe wa ukweli, gehileni gehile, gagogeni ganogile.

Walumi 15:13

Imulungu yotamaniligwa, yawatende mudeng'helele ng'hani na muwe na tindiwalo kwa kumtamanila kwenu, ili kutamanila kwenu kukule kwa udahi wa Loho Yang'alile.

1 Wakolinto 1:9

Imulungu yawakemile mweye muilumbe na Mwanage, Yesu Kilisito Mndewa wetu, kotenda gaja gayalongile.

2 Wakolinto 11:31

Imulungu, Tata wa Mndewa Yesu, yotogoligwa siku zose, kojuwa niye siviza bule.

Wagalatia 5:22

Lakini muugima wa munhu yolongozigwa na Loho wa Imulungu vinhu vino vokoneka mgati mmwake, unogelwa na deng'ho na tindiwalo na kufunga umoyo na bazi na moyo unogile na kutenda kija kiyalongile,

Waefeso 1:3

Tumgwee nhogolwa Imulungu yeli Tata wa Mndewa wetu Yesu Kilisito! Kwavija kwa kuilumba na Kilisito katutenda tumwede kwa kutugwaa kila kinhu kinogile cha kiloho cha ako kuulanga.

Wafilipi 2:9

Lekaavo Imulungu kamwinula mbaka uchanha ng'hani, kamgwaa twaga kulu kubanza matwaga gose.

Waebulania 2:11

Yesu kowasunha wanhu nzambi zao, heyo hamoja na iwaja wasunhigwe, wose Tatao imoja. Lekaavo Yesu hakona kinyala kuwakema ndugu zake.

Waebulania 2:9

Lakini tomona Yesu yatendigwe munhu mdodo kubanza wasenga wa kuulanga kwa kipindi kidodo, ili mbuli ya ng'hekewa ya Imulungu kumwetu Yesu kafa mbuli ya wanhu wose. Sambi tomona kavazigwa taji ya ukulu na kutegelezigwa mbuli ya kugaya kwake mbaka kufa.

Waebulania 7:26

Avo siye tulonda mulava nhosa mkulu kamba ayo, yotusang'hanila vitulonda na yang'alile na yelibule kitala hebu nzambi. Yainegile na wanhu otenda nzambi na kenuligwa kuchola kuulanga kwa Imulungu.

1 Petulo 1:3

Tumgwee nhogolwa Imulungu, yeli Tata wa Mndewa wetu Yesu Kilisito! Kwavija kwa bazi jake, katutenda tuwe na ugima wa sambi, kwa kumzilibula Yesu Kilisito kwa wafile. Sambi tugweleligwa tamanilo da ugima,

1 Yohana 1:3

Towapetela kija kituwone na kituhulike, ili na mweye vivija muilumbe na siye mna ukuilumba kwetu na Tata na Mwanage Yesu Kilisito.

Ugubulo 2:15

Vivija kuna wanhu kumwenu okweleleza mafundizo ga Wanikolai.