Ugubulo 9:1 - Biblia Kikutu

¹ Abaho msenga wa tano wa kuulanga katowa mhalati yake. Nyona nhondo ikalile ilagale mwiisi, nayo igweleligwa luvugulo lwa mwina wa kolombo dilibule uhelelo.

Ugubulo 9:1 ပူးပေါင်းရင်းမြစ်များ

Luka 10:18

YesTegelezeni! Niwagwaa udahi, avo modaha kukanyaga mgendela hasi na inge na kuzihuma nguvu zose za Mwenembago. Kuduhu kinhu chonda kiwalumize.u kawedika, “Nimona Mwenembago kolagala kulawa kuulanga kamba lumwesa.

Luka 8:31

Vinyamkela waja wampula Yesu sikuyawagale kuna dikolombo dikulu.

Walumi 10:7

“Vivija sikuuiuze, nani yonda yachole hasi kowochola wanhu wafile kumzilibula Kilisito?”

Ugubulo 1:18

Niye ayo heyo yeli mgima! Ng'hala nifile, lakini sambi na mgima siku zose. Nina luvugulo lwa ifa na kowochola wanhu wafile.

Ugubulo 1:20

Dino dijo fambulo da nhondo saba ziuwone mumkono wangu wa kudila, na vija vinhu saba va zahabu va kwikila taa. Nhondo saba awo wasenga wa kuulanga wa vibumbila saba va wanhu wamtogole Yesu, na vija vinhu saba va zahabu va kwikila taa vivo vibumbila saba va wanhu wamtogole Yesu.

Ugubulo 11:7

Wahamambukiza kulonga usenga wao, ng'onyo dilawa kudikolombo dilibule uhelelo doitowa nao. Najo dowahuma na dowakoma.

Ugubulo 17:8

Ng'onyo ajo diujone, aho haichanduso dikala gima lakini sambi difa. Dolawa kudikolombo dilibule uhelelo, lakini dobanangigwa. Wanhu okala mwiisi awo matwaga gao hagandikigwe mna ikitabu cha ugima toka kulumbigwa kwa isi, okanganya kujona ng'onyo ajo dikalile gima aho haichanduso na sambi difa na dolawilila kabili!

Ugubulo 20:1

Abaho nimona msenga wa kuulanga kohumuluka kulawa kuulanga kuno kagoga luvugulo lwa mwina wa kolombo dilibule uhelelo na mnyololo mkulu.

Ugubulo 20:10

Nayo Mwenembago yakalile yowavizila wanhu kasigwa mdilamba da moto na mabwe gokwaka, mumo muwakalile dija ding'onyo na mtula ndagu wa uvizi, wao ogaya imisi na ikilo, siku zose.

Ugubulo 6:13

Nhondo zilagala mwiisi kamba ng'hoga vizilagalaga, kipindi vizitigisigwa na beho kulu.

Ugubulo 8:10

Msenga wa kadatu wa kuulanga katowa mhalati yake. Nhondo ng'hulu, ikwaka kamba wenge da moto, igwa kulawa kuulanga na igwila selusi imoja ya mizanda ya mazi na vizanda.

Ugubulo 8:12

Abaho msenga wa ikane wa kuulanga katowa mhalati yake. Zuwa na mbalamwezi na nhondo vitowigwa na vagiza selusi imoja ya udahi wake wa kumwemwesa. Selusi imoja ya imisi ikala kuduhu mulenge wa zuwa, vivija selusi imoja ya ikilo ikala kuduhu mulenge wa mbalamwezi na nhondo.

Ugubulo 8:2

Abaho niwona wasenga saba wa kuulanga wema kuulongozi wa Imulungu, wagweleligwa mhalati saba.

Ugubulo 9:2

Ayo inhondo ifungula umwina wa kolombo dilibule uhelelo, na yosi kulu difililika kamba yosi kulu da biwi disomigwa. Zuwa na ulanga vigeligwa ziza mbuli ya yosi dijo.