Ugubulo 8:1 - Biblia Kikutu

¹ Mwanang'hondolo viyabandule fundo ya saba ya uhota, ako kuulanga kukala tuulu, kwa kipindi cha nusu saa.

Ugubulo 8:1 ပူးပေါင်းရင်းမြစ်များ

Zabuli 37:7

Ukale tuluu kuulongozi wa Mndewa Imulungu, na umbete kwa kufunga umoyo, sikuuigaze mbuli ya imunhu yomweda mnzila yake, na imunhu yogelegeza gehile.

Zabuli 62:1

Kwa Imulungu yaiyeka loho yangu yobwihila, ukombola wangu olawa kumwake.

Matayo 27:66

Avo wasegela wadikaliza dipanga na wakanda kilaguso mna idibwe na wawaleka wakalizi wadikalize.

Ugubulo 5:1

Abaho nyona kinhu kamba kitabu mumkono wa kudila wa ayo yakalile mkigoda cha undewa, kikala chandikigwe banzi zose na kikala kifungigwe fundo saba za uhota.

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.

Ugubulo 6:1

Abaho nimona Mwanang'hondolo kobandula fundo ya uhota ya ichanduso mna zifundo saba, nimuhulika imoja wa viumbe wane weli na ugima kolonga kwa sauti ng'hulu kamba ya ng'huwa, “Izo!”

Ugubulo 6:12

Abaho nimona Mwanang'hondolo kobandula fundo ya sita ya uhota. Kukala na mtigisiko mkulu wa isi, zuwa dikala titu fii kamba kaniki, mbalamwezi ikala dung'hu yau kamba damu.

Ugubulo 6:3

Abaho Mwanang'hondolo, kabandula fundo ya kabili ya uhota, nimuhulika kiumbe yeli na ugima wa kabili kolonga, “Izo!”

Ugubulo 6:5

Abaho Mwanang'hondolo kabandula fundo ya kadatu ya uhota, nimuhulika kiumbe yeli na ugima wa kadatu kolonga, “Izo!” Niye ndola, kalawilila falasi mtitu fii. Ayo yamkwelile kakala yagogile kinhu kili na vinhu vibili va kupimila vinhu vizamile.

Ugubulo 6:7

Abaho Mwanang'hondolo kabandula fundo ya ikane ya uhota, nimuhulika kiumbe yeli na ugima wa ikane kolonga, “Izo!”

Ugubulo 6:9

Abaho Mwanang'hondolo kabandula fundo ya itano ya uhota. Hasi ya upango wa kulavila nhosa nyona loho za wanhu wakomigwe mbuli ya kuwapetela wanhu usenga wa Imulungu na mbuli ya kugendelela kugoga usindila wao.