Ugubulo 6:9 - Biblia Kikutu

⁹ Abaho Mwanang'hondolo kabandula fundo ya itano ya uhota. Hasi ya upango wa kulavila nhosa nyona loho za wanhu wakomigwe mbuli ya kuwapetela wanhu usenga wa Imulungu na mbuli ya kugendelela kugoga usindila wao.

Ugubulo 6:9 ပူးပေါင်းရင်းမြစ်များ

Mwanduso 4:10

Abaho Mndewa kalonga, “Gweye kutenda choni? Damu ya ndugu yako yonililila kulawa mwiisi.

Kulawa 29:12

Sola damu kidogo na uibake kwa kidole chako mzimhembe za upango wa kulavila nhosa, na damu yonda isigale ite hasi ya uupango.

Walawi 4:7

Abaho ayo imulava nhosa yeke damu kidogo mzimhembe zili muupango wa kusomela ubani uli kuulongozi wa Mndewa Imulungu mdihema da mting'hano. Damu isigale yaigide hasi mdidako da upango wa kulavila nhosa za kusoma moto uli behi ya ulwivi lwa dihema da mting'hano.

Yohana 16:2

Wanhu owawinga mna zing'anda za kumpula Imulungu, na kipindi chokwiza baho kila munhu yowakoma mweye kogesa komsang'hanila Imulungu.

2 Wakolinto 5:8

Lakini togangamala na tolonda kuleka ukazi uno wa lukuli na kukala hamoja na Mndewa.

Wafilipi 1:23

Miyenu na mnzila mhanda. Kuno nolonda kusegela na kukala na Kilisito, mbuli ayo ibanza kunoga,

Wafilipi 2:17

Hata kamba ugima wangu ogidigwa uwe nhambiko mna isang'hano yenu ya kutamaniligwa ili nhosa kwa Imulungu, yahawa avo, nodeng'helela ng'hani na mweye modeng'helela na niye.

2 Timoseo 1:8

Avo sikuukone kinyala kuwalongela wanhu mbuli ya Mndewa, na sikuukone kinyala kuilumba na niye mfungwa wake, lakini ilumbe na niye mna ukugaya mbuli ya Mbuli Inogile, kamba Imulungu viyokugwaa nguvu ya kutenda vivo.

2 Timoseo 4:6

Kwavija kipindi changu cha kufa cha mmabehi na damu yangu yogidigwa kamba vija walava nhosa viwogida divai.

Waebulania 12:23

Mweye muvika kuna ikibumbila cha wana wa chaudele wa Imulungu, waja matwaga gao gandikigwe kuulanga. Mweye mwiza kwa Imulungu yeli msemi wa wanhu wose na mwiza mziloho za wanhu wanogile watendigwe watelele.

Ugubulo 1:2

Nayo Yohana kasindila kila kinhu kiyawone. Yohana kasimulila usenga wa Imulungu na ukweli ugubuligwe na Yesu Kilisito.

Ugubulo 1:9

Niye Yohana ndugu yenu, na kwa kuilumba na Yesu nina fungu hamoja na mweye mna gamagayo na nina fungu hamoja na mweye muundewa wake na kufunga umoyo. Niye ngaligwa kugodekigwa mkisiwa kikemigwa Patimo mbuli ya kuwapetela wanhu mbuli ya Imulungu na kwa mbuli ya kuwalongela wanhu ukweli ugubuligwa na Yesu.

Ugubulo 14:18

Abaho msenga iyagwe wa kuulanga, yakalile mulolesaji wa moto, kalawa muupango wa kulavila nhosa kamulongela kwa sauti ng'hulu ayo msenga wa kuulanga yakalile na sengo ikutwa, “Sola sengo yako ikutwa ukanhe vimvaba va zabibu vili mumgunda wa mizabibu uli mwiisi, kwavija zabibu zipa!”

Ugubulo 16:7

Abaho mhulika sauti kulawa muupango wa kulavila nhosa ilonga, “Ona, Mndewa Imulungu uli na Udahi wose! Nhaguso zako ni za kweli na vivo viilondigwa!”

Ugubulo 19:10

Nigwa kingubanguba mmagulu gake nilonda kumtambikila, lakini kanongela, “Sikuutende vivo! Niye na msang'hanaji kamba gweye na wayago wamtogole Yesu, ogoga ukweli ugubuligwe na Yesu. Mtambikile Imulungu! Kwavija wanhu ogoga ukweli ugubuligwe na Yesu olongozigwa na loho yawalongoze watula ndagu wa Imulungu.”

Ugubulo 2:13

Nihajuwa hanhu aho houkala, aho kili kigoda cha undewa wa Mwenembago. Lakini gweye kwa mkweli kumwangu, hulekile bule kunitamanila hata mna ikipindi kija munhu wangu Antipasi yotamaniligwa mna ikila kiyolonga, viyakomigwe aho hakili kigoda cha Mwenembago.

Ugubulo 20:4

Abaho nyona vigoda va undewa, na wanhu wavikalile wagweleligwa udahi wa kutagusa. Vivija nyona loho za wanhu waja wakanhigwe mapala mbuli ya kugoga ukweli ugubuligwe na Yesu na mbuli ya kuwapetela wanhu mbuli ya Imulungu. Hawaditambikile dija ding'onyo hebu sanamu yake, vivija hawekigwe kilaguso mvihanga vao hebu mmakono gao. Wagweleligwa ugima kabili na olongoza hamoja na Kilisito kwa miyaka elufu imoja.

Ugubulo 8:3

Msenga iyagwe wa kuulanga yakalile na kiya cha zahabu cha kusomela ubani, keza kema kuulongozi wa upango wa kulavila nhosa. Kagweleligwa ubani mwingi na kupula kwa wanhu wa Imulungu, yavilave nhosa muupango wa zahabu uli kuulongozi wa kigoda cha undewa.

Ugubulo 9:13

Abaho msenga wa sita wa kuulanga katowa mhalati yake. Mhulika sauti yolawa mna izimhembe nne za upango wa kulavila nhosa utengenezigwe kwa zahabu uli kuulongozi wa Imulungu.