Ugubulo 6:10 - Biblia Kikutu

¹⁰ Wakemelela ng'hani, “Go Mndewa utawalaga, ung'alile na mkweli! Lini vonda uwataguse wanhu wa mwiisi na kuwakoboza kwa kutukoma siye?”

Ugubulo 6:10 ပူးပေါင်းရင်းမြစ်များ

Mwanduso 4:10

Abaho Mndewa kalonga, “Gweye kutenda choni? Damu ya ndugu yako yonililila kulawa mwiisi.

Zabuli 119:84

Msang'hanaji wako kokala miyaka mingahi? Lini kowatagusa iwanhu onidununza?

Zabuli 13:1

Mbaka lini gweye Mndewa Imulungu, konisemwa? Gweye konisemwa milele? Mbaka lini konifisa kihanga chako?

Zabuli 35:17

Mbaka lini gweye Mndewa kolola tu? Unikombole kulawa mmagazo, ukombole ugima wangu unogile, kulawa kwa iwanhu onivamila kamba simba.

Zabuli 79:10

Habali iwanhu wa isi ziyagwe walonge, “Ka kwahi Imulungu wenu?” Mgameso getu walagusile iwanhu wa isi ziyagwe, kamba gweye koliha damu itigwe ya iwasang'hanaji wako.

Zabuli 9:12

Kwavija ayo yolihaga mbuli ya kwita damu kokumbuka, haisemwile ikililo cha wakiwa.

Luka 2:29

“Mndewa, sambi kusang'hana kamba viulongile, muleke msang'hanaji wako yachole moyo uholile.

Luka 21:22

Kwavija kino acho kipindi cha nhaguso kutenda gaja gandikigwe galawilile.

Walumi 12:19

Mbwiga zangu, sikumulihe gehile, lakini lekeni ng'hasiliki ya Imulungu itende vivo. Kwavija Maandiko Gang'alile golonga, “Mndewa kolonga, niye ayo yonda nilihe gehile.”

Waebulania 12:24

Muvika kwa Yesu yogala kuilumba kwa lagano da sambi na damu yake imizigwe na ilonga mbuli zinogile ng'hani kubanza damu ija ya Habili.

2 Petulo 2:1

Kukala na watula ndagu wa uvizi kwa wanhu, na vivija olawilila wafundiza wa uvizi kumwenu. Wanhu awo owafundiza kwa kinyelegezi malagizo ga uvizi gogala ubananzi, na ga kumulema Mndewa yawakombole, avo wao oigalila wenyego kubanangigwa kwa kusinhukiza.

Ugubulo 11:18

Wanhu wa isi zose wagevuzika, lakini kipindi cha ng'hasiliki yako kivika, kipindi cha kutagusigwa wanhu wafile. Kipindi kivika cha kuwagwaa nhunza watula ndagu, awo iwasang'hanaji wako, wanhu wako wose okugwaa ukulu, wakulu kwa wadodo. Kipindi cha kuwananga wanhu wanangile isi kivika!”

Ugubulo 18:20

Ulanga, deng'helela mbuli ya kunangika kwake. Wanhu wa Imulungu na watumigwa na watula ndagu, deng'heleleni! Kwavija Imulungu kaditagusa mbuli ya gaja gayasang'hane kumwenu.

Ugubulo 18:24

Buga dijo da Babeli ditagusigwa kwavija mgati mmwake yoneka damu ya watula ndagu wa Imulungu na damu ya wanhu wa Imulungu na damu ya wanhu wose wakomigwe mwiisi.

Ugubulo 19:2

Kwavija nhaguso yake ya kweli na vivo viilondigwa! Imulungu kamtagusa ija imgoni mkulu yakalile yowagiza wanhu wa mwiisi kwa ugoni wake. Kamkoboza kwavija kawakoma wasang'hanaji zake!”

Ugubulo 3:10

Kwavija gweye kudigoga lagizo jangu da kufunga umoyo, na niye nokuhonya na magayo gonda geze mwiisi yose, kuwageza wanhu wose okala mwiisi.

Ugubulo 3:7

“Kwa msenga wa kuulanga wa kibumbila cha wanhu wamtogole Yesu ako Filadelifia wandike vino, “Usenga uno olawa kwa ayo yong'ala na mkweli. Ayo yeli na luvugulo lwa Daudi, na yahavugula kuduhu yodaha kuhinda, na yahahinda kuduhu yodaha kuvugula.

Wasemi 16:28

Baho Samsoni kampula Mndewa Imulungu kalonga, “Go, Mkulu Mndewa Imulungu nokupula unikumbuke. Nigwee nguvu mwanza uno umoja, ili niwabwezele awo Iwafilisiti wagang'olile meso gangu mabili.”

1 Samweli 24:12

Mndewa Imulungu kolamula hagati ya gweye na niye. Heyo ayo yokuliha gehile, kwa gehile gautendile, lakini niye sidaha kukutendela gehile.