Ugubulo 5:9 - Biblia Kikutu

⁹ Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.

Ugubulo 5:9 ပူးပေါင်းရင်းမြစ်များ

Zabuli 144:9

Go Imulungu, nokwimbila lwila lwa sambi, kwa bango dili na nzabi longo nokwimbila,

Zabuli 149:1

Mtogoleni Mndewa Imulungu. Mwimbileni Mndewa Imulungu lwila lwa sambi, mumgwee nhogolwa mumting'hano wa wanhu otamanilwa.

Zabuli 33:3

Mwimbileni lwila lwa sambi, toweni bango na mutowe ng'henze za deng'ho.

Zabuli 40:3

Keka lwila lwa sambi mmulomo wangu, lwila lwa kumtogola Mndewa Imulungu wetu. Wengi wone na wadumbe na wamtamanile Mndewa Imulungu.

Zabuli 96:1

Mwimbileni Mndewa Imulungu lwila lwa sambi, Mwimbileni Mndewa Imulungu mweye iwanhu wa isi zose.

Zabuli 98:1

Mwimbileni Mndewa Imulungu lwila lwa sambi, kwavija katenda sang'hano za unzonza. Mkono wake ung'ala umgalila mhumo, mkono wake mwenyego wene nguvu.

Matayo 20:28

Kamba vija Mwana wa Munhu, hezile kusang'hanilwa, lakini keza kuwasang'hanila na kuulava ugima wake kwa kuwakombola wanhu wengi.”

Matayo 26:28

Ino ayo damu yangu ya lagano, ikwitika mbuli ya wengi ili nzambi zao zigeligwe kumgongo.

Sang'hano 20:28

Avo muiteganye wenyego, diloleni goya bumbila jose diyawagwelele Loho Yang'alile mdikalize. Waloleni goya wanhu wa Imulungu, yawapatile Imulungu kubitila damu ya Mwanage.

1 Wakolinto 6:20

kwavija muguligwa kwa bei ng'hulu. Avo zisang'hanileni ng'huli zenu kwa ukulu wa Imulungu.

1 Wakolinto 7:23

Imulungu kawagula kwa bei ng'hulu, avo sikumuwe watumwa wa wanhu.

Waefeso 1:7

Kwavija kwa damu ya Kilisito siye tolekesigwa, nzambi zetu zogeligwa kumgongo kwa ukulu wa ng'hekewa ya Imulungu,

Waefeso 5:19

Longeni kwa mbuli za zabuli na nyila na tenzi za kiloho, mwimbileni Mndewa nyila na zabuli kwa kumgwaa nhogolwa mmizoyo yenu.

Wakolosai 1:14

kubitila heyo tolekesigwa na nzambi zetu zogeligwa kumgongo.

Wakolosai 1:23

Kamba mwahagendelela kugangamala mditamanilo mulinajo, sikumutogole kutigisigwa na kuleka tamanilo jenu mudipatile vimuhulike Mbuli inogile. Kwa Mbuli ino Inogile, niye Paulo niwa msang'hanaji wa Mbuli ino Inogile, ipetigwe kwa kila munhu mwiisi.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Waebulania 11:14

Wanhu olonga mbuli zino, ofambula goya kuwa ozahila isi ya kweli.

2 Petulo 2:1

Kukala na watula ndagu wa uvizi kwa wanhu, na vivija olawilila wafundiza wa uvizi kumwenu. Wanhu awo owafundiza kwa kinyelegezi malagizo ga uvizi gogala ubananzi, na ga kumulema Mndewa yawakombole, avo wao oigalila wenyego kubanangigwa kwa kusinhukiza.

1 Yohana 1:7

Lakini kamba tokala mna umulenge kamba heyo viyali mulenge, toilumba siye kwa siye, na damu ya mwanage, Yesu yotusunha nzambi zetu zose.

1 Yohana 2:2

Kilisito ayo nhosa isegesa nzambi zetu na siyo siye twiiyeka, lakini vivija na nzambi za wanhu wose wa mwiisi.

Ugubulo 10:11

Abaho nongeligwa, “Kolondigwa upete kabili usenga wa Imulungu mbuli ya wanhu wa kila isi na lukolo na ulonzi na wandewa wakulu!”

Ugubulo 11:9

Wanhu kulawa kila isi na lukolo na ulonzi na kabila oilola mitufi yao kwa siku ndatu na nusu na honda watogole izikigwe.

Ugubulo 13:7

Ng'onyo ajo ditogoleligwa kuitowa na wanhu wa Imulungu na diwahuma, na digweleligwa udahi kwa wanhu wa kila isi na lukolo na ulonzi na kabila.

Ugubulo 13:8

Wanhu wose okala mwiisi oditambikila ng'onyo ajo, ila waja waiyeka matwaga gao gandikigwe mna ikitabu cha ugima cha Mwanang'hondolo yachinjigwe isi ing'hali hainalumbigwa.

Ugubulo 14:6

Abaho nimona msenga iyagwe wa kuulanga kozumha kuulanga, kakala na Mbuli Inogile ilibule uhelelo kowapetela wanhu wa mwiisi, kila kabila na lukolo na ulonzi na isi.

Ugubulo 15:3

Wemba lwila lwa Musa msang'hanaji wa Imulungu na lwila lwa Mwanang'hondolo, “Gweye Mndewa Imulungu uli na Udahi wose, sang'hano zako ng'hulu na za unzonza! Mndewa wa isi zose, nzila zako zinoga na za ukweli!

Ugubulo 17:15

Vivija ayo imsenga wa kuulanga kanongela, “Mazi gawone aho hayakalile ija imgoni, awo wanhu wa kila isi na lukolo na kabila na ulonzi.

Ugubulo 4:11

“Mndewa wetu na Imulungu wetu, kofaya, kugweleligwa ukulu na kutegelezigwa na nguvu, kwavija kulumba kila kinhu, na kwa kulonda mwenyego viwa baho na vokoneka.”

Ugubulo 5:12

walonga kwa sauti ng'hulu, “Mwanang'hondolo yachinjigwe kofaya kubokela nguvu, udahi, ugoli, na nzewele, ukulu, kutegelezigwa na nhogolwa!”

Ugubulo 5:6

Abaho nyona hagati ha kigoda cha undewa, kema Mwanang'hondolo kazungulukigwa banzi zose na viumbe vine vili na ugima na waja iwavele. Ayo Imwanang'hondolo koneka kamba kachinjigwa kakala na mhembe saba na meso saba, na zizo azo loho saba za Imulungu zitumigwe kila hanhu mwiisi yose.