Ugubulo 5:11 - Biblia Kikutu

¹¹ Abaho ndola, mhulika sauti za wasenga wa kuulanga wengi ng'hani, kuduhu munhu yodaha kuwapeta! Wema kukizunguluka kigoda cha undewa, na vija viumbe vine vili na ugima na waja iwavele,

Ugubulo 5:11 ပူးပေါင်းရင်းမြစ်များ

Zabuli 103:20

Mtogoleni Mndewa Imulungu mweye iwasenga zake, mweye muli magalu mudigoga lagizo jake, na moitegeleza sauti ya lagizo jake.

Zabuli 148:2

Mtogoleni heyo, mweye wasenga zake wose wa kuulanga, mtogoleni heyo, mweye wakalizi wose wa kuulanga.

Zabuli 68:17

Mituka ya Imulungu ibanza maelufu longo, maelufu kwa maelufu, Mndewa keza kulawa Sinai mbaka hanhu hake hong'ala.

Kumbukumbu 33:2

“Mndewa Imulungu keza kulawa kulugongo lwa Sinai, katulawila kulawa kulugongo lwa Seili, katumwemwesela kulawa kulugongo lwa Palani. Kalawa hagati ya wasenga elufu kumi wa kuulanga, na moto ukwaka mumkono wake wa ukudila.

Waebulania 12:22

Lakini mweye muvika kuna Ulugongo lwa Sayuni, kudibuga da Imulungu yeli mgima, najo dijo Yelusalemu ya kuulanga. Muvika mumting'hano wa deng'ho da wasenga wa kuulanga magana kwa magana.

Yuda 1:14

Henoko, ulelo wa saba kulawa Adamu, kalagula mbuli ya wanhu awo kalonga, “Mndewa kokwiza hamoja na magana kwa magana ga wasenga zake wang'alile,

Ugubulo 19:6

Abaho mhulika kinhu kamba sauti ya lunhu mkulu lwa wanhu na sauti ya mazi mengi vigokilima na mdudumo, ilonga, “Imulungu yatogoligwe! Kwavija Mndewa Imulungu wetu yeli na Udahi wose kotawala!

Ugubulo 4:4

Kuzunguluka kigoda cha undewa kukala na vigoda viyagwe malongo mabili na nne, na mvigoda avo wakala wavele malongo mabili na nne wavalile viwalo vizelu na wana taji ya zahabu mmapala.

Ugubulo 4:6

Vivija kuulongozi wa kigoda cha undewa kukala na kinhu kamba bahali ya kiyoo, king'ala kamba dibwe dimetameta. Aho hagati ya kigoda acho cha undewa kizungulukigwa banzi zose na viumbe vine vili na ugima. Viumbe vine vili na ugima vikala vimemile meso kuulongozi na kuchugu.

Ugubulo 5:14

Viumbe vine vili na ugima vilonga, “Ona!” Na waja iwavele wagwa kingubanguba, watambika.

Ugubulo 5:6

Abaho nyona hagati ha kigoda cha undewa, kema Mwanang'hondolo kazungulukigwa banzi zose na viumbe vine vili na ugima na waja iwavele. Ayo Imwanang'hondolo koneka kamba kachinjigwa kakala na mhembe saba na meso saba, na zizo azo loho saba za Imulungu zitumigwe kila hanhu mwiisi yose.

Ugubulo 5:8

Bahaja viyakisolile acho ikitabu avo iviumbe vine vili na ugima hamoja na waja iwavele malongo mabili na nne wagwa kingubanguba kuulongozi wa Mwanang'hondolo. Kila imoja wao kakala na bango na bakuli za zahabu zimemile ubani, ubani awo ako kupula kwa wanhu wa Imulungu.

Ugubulo 7:11

Wasenga wose wa kuulanga wema kukizunguluka kigoda cha undewa. Awo iwavele na viumbe vine vili na ugima wagwa kingubanguba kuulongozi wa kigoda cha undewa, watambika kwa Imulungu,

Ugubulo 9:16

Mhulika uwingi wa wakalizi okwela falasi wakala milioni magana mbili.