Ugubulo 4:7 - Biblia Kikutu

⁷ Kiumbe kili na ugima cha ichanduso kiigala na simba, cha kabili kiigala na ng'ombe, cha kadatu kikala na kihanga kamba cha munhu, na cha ikane kiigala na mhungu yoguluka.

Ugubulo 4:7 ပူးပေါင်းရင်းမြစ်များ

Mwanduso 49:9

Gweye Yuda mwanangu kuigala na simba yapatile kija kiyasakile na kubwela hoyokala. Kamba simba koigolola na kutambalala hasi, simba yeli na nguvu nani yonda yamulamuse?

2 Samweli 1:23

Siku zose Sauli na Yonatani wanogeligwa na wanhu na wakala wanogile, kipindi cha ugima wao hawaigolile na wadanganika hamoja. Wakala wabuha kubanza mhungu, na wakala na nguvu kubanza simba.

Nongezi 28:2

Isi ili na ndwagi yokuwa na vilongozi wengi, lakini kilongozi imoja yeli na nzewele na kutanga vinhu isi yotindiwala.

Kupetigwa 23:24

Lola Waizilaeli wenuka kamba simba mtwanzi, okwima wima kamba simba mbigalo. Oigala na simba yoleka kuwasa mbaka yamambukize kuja kija kiyasakile, na kong'wa damu ya vija viyakomile.”

Kupetigwa 24:9

Kowasa kamba simba. Nani yogeza kumulamusa? Yatambikiligwe munhu yoyose yowatambikila mweye Waizilaeli. Yaduwiligwe yoyose yowaduwila mweye.”

1 Wakolinto 14:20

Ndugu zangu, sikumugese kamba wana wadodo. Kwa mbuli ya gehile mukale kamba wana ving'hele welibule vitala, lakini mugese kamba viwogesa wanhu wabala goya.

Kumbukumbu 28:49

“Mndewa Imulungu kowagalila wanhu wa isi iyagwe kulawa kutali, owavamila kwa nguvu kamba mhungu viyovamila, wanhu wa isi ayo mweye hamuujuwile ulonzi wao.

Ugubulo 4:6

Vivija kuulongozi wa kigoda cha undewa kukala na kinhu kamba bahali ya kiyoo, king'ala kamba dibwe dimetameta. Aho hagati ya kigoda acho cha undewa kizungulukigwa banzi zose na viumbe vine vili na ugima. Viumbe vine vili na ugima vikala vimemile meso kuulongozi na kuchugu.

Ugubulo 6:3

Abaho Mwanang'hondolo, kabandula fundo ya kabili ya uhota, nimuhulika kiumbe yeli na ugima wa kabili kolonga, “Izo!”

Ugubulo 6:5

Abaho Mwanang'hondolo kabandula fundo ya kadatu ya uhota, nimuhulika kiumbe yeli na ugima wa kadatu kolonga, “Izo!” Niye ndola, kalawilila falasi mtitu fii. Ayo yamkwelile kakala yagogile kinhu kili na vinhu vibili va kupimila vinhu vizamile.

Ugubulo 6:7

Abaho Mwanang'hondolo kabandula fundo ya ikane ya uhota, nimuhulika kiumbe yeli na ugima wa ikane kolonga, “Izo!”