Ugubulo 22:5 - Biblia Kikutu

⁵ Honda kuwe na ikilo kabili, na wanhu okala mumo honda walonde taa hebu zuwa, kwavija Mndewa Imulungu kokuwa mulenge wao, na otawala kamba wandewa siku zose.

Ugubulo 22:5 ပူးပေါင်းရင်းမြစ်များ

Zabuli 36:9

Kumwako gweye kuna nzasa ya ugima, kudilenge jako tokona mulenge.

Zabuli 84:11

Kwavija gweye Mndewa Imulungu ayo zuwa na ngao, Mndewa Imulungu kolava ganogile na ukulu, huwanyima kinhu chochose kinogile, iwanhu welibule kitala.

Matayo 19:28

Yesu kawalongela, “Nowalongeleni ukweli, Mwana wa Munhu vondayakale mna ikigoda chake cha ukulu mna iisi yonda ize, mweye wanahina zangu longo na wabili mokala mna ivigoda va ukulu na mogatawala makabila longo na mabili ga Izilaeli.

Matayo 25:34

Abaho Mndewa kowalongela waja wakalile mwambu wa mkono wake wa kudila, ‘Izoni mweye munogeligwe na Tatangu! Bokeleni uhazi wenu, undewa umutandiligwe tangu kulumbigwa kwa isi.

Matayo 25:46

Wano ogaligwa mmagazo ga milele, lakini waja watendile goyolonda Imulungu ogenda muugima wa milele.”

Walumi 5:17

Kwa nzambi za munhu imoja ifa itawala. Lakini kija kiyatendile munhu ija imoja, Yesu Kilisito, kikulu ng'hani. Wanhu wose oipata ng'hekewa imemile ya Imulungu na nhunza ng'hulu, otendigwa wanoga mgameso ga Imulungu na otawala muugima kubitila munhu imoja, Yesu Kilisito.

2 Timoseo 2:12

Kamba twahagendelela kufunga umoyo, vivija totawala hamoja nayo. Kamba twahambela, na heyo vivija kotubela.

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 18:23

Mulenge wa taa honda oneke kabili mgati mmwako, na sauti ya munhu yosola na mtwanzi yosoligwa honda zihulikigwe kabili mgati mmwako. Wachuuza vinhu wako wakala wakulu mwiisi na kwa uhawi wako kuwagiza wanhu wose wa mwiisi!”

Ugubulo 20:4

Abaho nyona vigoda va undewa, na wanhu wavikalile wagweleligwa udahi wa kutagusa. Vivija nyona loho za wanhu waja wakanhigwe mapala mbuli ya kugoga ukweli ugubuligwe na Yesu na mbuli ya kuwapetela wanhu mbuli ya Imulungu. Hawaditambikile dija ding'onyo hebu sanamu yake, vivija hawekigwe kilaguso mvihanga vao hebu mmakono gao. Wagweleligwa ugima kabili na olongoza hamoja na Kilisito kwa miyaka elufu imoja.

Ugubulo 20:6

Wamweda na wang'ala wanhu onda wawe mumo muuzilibuko uno wa ichanduso. Ifa ya kabili honda iwagoge kabili, okuwa walava nhosa wa Imulungu na Kilisito, na olongoza hamoja nayo miyaka elufu imoja.

Ugubulo 21:11

ding'ala kwa ukulu wa Imulungu. Buga dija ding'ala kamba dibwe da bei ng'hulu ng'hani kamba yasipi na kamba kiyoo.

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.