Ugubulo 22:3 - Biblia Kikutu

³ Kuduhu chochose kiduwiligwe na Imulungu chonda kikale kudibuga dijo. Kigoda cha undewa wa Imulungu na cha Mwanang'hondolo chokuwa kudibuga dijo, na wasang'hanaji zake omsang'hanila.

Ugubulo 22:3 ပူးပေါင်းရင်းမြစ်များ

Zabuli 16:11

Konilagusila nzila ya ugima, kuulongozi wako kuna deng'ho, na mumkono wako wa ukudila kuna ganogile gakalaga milele.

Zabuli 17:15

Lakini niye nokilola kihanga chako mna ihaki, nahalamuka nokwiguta kihanga chako.

Matayo 25:21

Mkulu wake kalonga, ‘Kutenda goya, msang'hanaji unogile na utamaniligwa! Kwavija kotamaniligwa kwa kulolesa vinhu vidodo, avo nokwika ulolese vinhu vingi. Wize udeng'helele hamoja na niye!’

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Yohana 12:26

Munhu yoyose yolonda kuwa msang'hanaji wangu kolondigwa yanikweleleze, avo msang'hanaji wangu kokuwa na niye aho honda niwe. Tatangu komgwaa nhogolwa munhu yoyose yonisang'hanila.

Yohana 13:32

Na kamba ukulu wa Imulungu ogubuligwa kubitila heyo, baho Imulungu kougubula ukulu wa Mwana wa Munhu kumwake mwenyego, na kotenda vivo himahima.

Yohana 14:3

Nahachola na kuwatandileni hanhu, nobwela na kuwasola ili mkale na niye aho honikala.

Yohana 17:24

“Tata, kunigwaa wao. Nolonda wao wakale hamoja na niye aho hanili, ili wawone ukulu wangu. Uno awo ukulu uunigwelele kwavija kuninogela isi ing'hali hainalumbigwa.

Kumbukumbu 27:26

“ ‘Yaduwiligwe munhu yoyose yolema kugagoga malagizo gano.’ Na wanhu wose wedike, ‘Ona!’

Ugubulo 7:10

Wakemelela ng'hani, “Ukombola olawa kwa Imulungu wetu, yokala mkigoda cha undewa, na vivija olawa kwa Mwanang'hondolo!”

Ugubulo 7:9

Abaho ndola, nyona lunhu lwa wanhu mkulu ng'hani, kuduhu munhu yodaha kuwapeta, wanhu awo walawa kila isi na lukolo na ulonzi na kabila. Wema kuulongozi wa kigoda cha undewa na kuulongozi wa Mwanang'hondolo. Wavala viwalo vizelu na wagoga mibunho ya biki da mtende.