Ugubulo 22:20 - Biblia Kikutu

²⁰ Yesu yagubule ukweli wa mbuli zose zino, kolonga, “Ona nokwiza hima!” Niye nilonga, Ona. Izo, Mndewa Yesu!

Ugubulo 22:20 ပူးပေါင်းရင်းမြစ်များ

Yohana 21:25

Kuna mbuli ziyagwe nyingi ziyatendile Yesu. Maza zandikigwe zose, vinigesa mwiisi yose sambi hawe na hanhu ha kwika ivitabu vandikigwe.

1 Wakolinto 16:22

Munhu yoyose hamnogela Mndewa, yaduwiligwe na Imulungu! Mndewa wetu izo!

2 Timoseo 4:8

Sambi nobetela kugweleligwa nhunza ya kuhuma, ya kutendigwa noge mgameso ga Imulungu. Mndewa yotagusa wanhu goya, konigwaa nhunza siku dijo. Si niye niiyeka, lakini na waja wose ombeta kwa kusulukila yalawilile.

Waebulania 10:37

Kwavija Maandiko Gang'alile golonga, “King'hali kipindi kidodo, na ija iyokwiza kokwiza, honda yakawe bule.

Waebulania 9:28

vivo ili vivija kwa Kilisito kalavigwa nhosa mwanza umoja kusegesa nzambi za wanhu wengi. Kolawilila mwanza wa kabili, hasang'hanila nzambi, ila kuwakombola wanhu waja ombeta kwa kusulukila.

Ugubulo 1:18

Niye ayo heyo yeli mgima! Ng'hala nifile, lakini sambi na mgima siku zose. Nina luvugulo lwa ifa na kowochola wanhu wafile.

Ugubulo 1:2

Nayo Yohana kasindila kila kinhu kiyawone. Yohana kasimulila usenga wa Imulungu na ukweli ugubuligwe na Yesu Kilisito.

Ugubulo 2:16

Avo, lekeni nzambi zenu! Kamba hamuleka, sambi baha nokwiza kuitowa na wanhu awo kwa panga dilawa mmulomo wangu.

Ugubulo 22:10

Abaho kanongela, “Sikuuzifise mbuli za ulaguzi zili mkitabu kino, kwavija kipindi chake cha kulawilila cha mmabehi.

Ugubulo 22:12

Yesu kolonga, “Tegeleza! Nokwiza hima hamoja na nhunza yonda nimgwee kila munhu kamba viyasang'hane.

Ugubulo 22:18

Niye nowazuma wanhu wose ohulika mbuli za ulaguzi zili mkitabu kino, munhu yoyose yahongeza kinhu chochose muno, Imulungu nayo komongezela mikubulo yandikigwe mna ikitabu kino.

Ugubulo 22:7

“Tegeleza! Nokwiza hima. Kamweda munhu yozigoga mbuli za ulaguzi zili mkitabu kino.”