Ugubulo 22:19 - Biblia Kikutu

¹⁹ Na munhu yoyose yahasegesa mbuli yoyose kulawa mkitabu kino cha ulaguzi, Imulungu komsegesela hanhu ha fungu mna dibiki da ugima na mna dibuga ding'ala, vilongigwe mna ikitabu kino.

Ugubulo 22:19 ပူးပေါင်းရင်းမြစ်များ

Zabuli 69:28

Wasegeswe mkitabu cha wagima, sikuwandikigwe mumsafa wa matwaga ga iwanhu otenda ganogile.

Kulawa 32:33

Mndewa Imulungu kamwidika Musa, “Munhu yoyose yatendile nzambi nodilava twaga jake mna ikitabu changu.

Nongezi 30:6

Sikuwengeze mbuli mzimbuli zake, sambi yakukomhokele na gweye kokoneka kwa mvizi.

Luka 11:52

“Mogaya mweye wafundiza Malagizo ga Musa! Kwavija mofisa luvugulo lwa kuvugulila lwivi lwa ng'anda ya kuifunzila. Mweye wenyego hamwingila bule, abaho muwagomesa waja wakalile olonda kwingila sikuwengile!”

Kumbukumbu 12:32

“Sang'haneni kila kinhu kamba viniwalagize, sikumongeze kinhu hebu kuhunguza kinhu.

Kumbukumbu 4:2

Sikumwengeze kinhu chochose hebu kusegesa kinhu chochose mna gamalagizo goniwagwelela, lakini gagogeni malagizo ga Mndewa Imulungu, Imulungu wenu, gano goniwagwelela.

Ugubulo 1:3

Kamweda munhu yosoma mbuli zili mkitabu kino kili na mbuli za ulaguzi, na wamweda wanhu otegeleza na kuzigoga mbuli za ulaguzi zandikigwe mna ikitabu kino! Kwavija kipindi cha mmabehi baho zolawilila mbuli zose zino.

Ugubulo 11:2

Lakini sikuupime lubuga lwa kunze ya Ng'anda ya Imulungu, kwavija wagweleligwa wanhu haweli Wayahudi, wao odibojoga buga ding'alile kwa kipindi cha miyezi malongo mane na mbili.

Ugubulo 13:8

Wanhu wose okala mwiisi oditambikila ng'onyo ajo, ila waja waiyeka matwaga gao gandikigwe mna ikitabu cha ugima cha Mwanang'hondolo yachinjigwe isi ing'hali hainalumbigwa.

Ugubulo 14:13

Abaho mhulika sauti kulawa kuulanga yolonga, “Yandika! Wamweda wanhu waja kulawa sambi ofa kuno wailumba na Mndewa!” Nayo Loho wa Imulungu kolonga, “Obwihila na magayo gao, kwavija gaja gawasang'hane gowakweleleza.”

Ugubulo 2:11

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume honda yalumizigwe na ifa ya kabili.

Ugubulo 2:26

Munhu yonda yahume, ija yogendelela mbaka kuuhelelo kusang'hana gonilonda, nomgwaa udahi wa kuwatawala wanhu wa isi zose.

Ugubulo 2:7

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume nomuleka yaje matunda ga biki da ugima dili mkihati cha Imulungu.

Ugubulo 21:2

Nyona buga ding'alile, Yelusalemu ya sambi, dihumuluka kulawa kuulanga. Dikala ditandigwe vinogile kamba mtwanzi yosoligwa viyohambigwa yakaiting'hane na mkasano wake.

Ugubulo 21:5

Abaho ayo yokala mna ikigoda cha undewa kalonga, “Novitenda va sambi vinhu vose!” Vivija kalonga, “Yandika mbuli ino, kwavija mbuli zino za ukweli na zakutamaniligwa.”

Ugubulo 22:12

Yesu kolonga, “Tegeleza! Nokwiza hima hamoja na nhunza yonda nimgwee kila munhu kamba viyasang'hane.

Ugubulo 22:2

Lwanda ulo lukilima hagati ha nzila ng'hulu ya buga. Kila mwambu wa lwanda ulo kukala na biki da ugima, dilelaga matunda miyanza longo na mibili kwa mwaka, ndiyo kulonga, dilelaga kila mwezi na majani gake dawa ya kuwahonya wanhu wa isi zose.

Ugubulo 22:7

“Tegeleza! Nokwiza hima. Kamweda munhu yozigoga mbuli za ulaguzi zili mkitabu kino.”

Ugubulo 3:12

Ija yonda yahume nomtenda mhanda mng'anda ya Imulungu wangu, na honda yalawe bule mumo. Nokwandika kumwake twaga da Imulungu wangu na twaga da buga da Imulungu wangu, Yelusalemu ya sambi, yonda ihumuluke kuulanga kwa Imulungu wangu. Vivija nokwandika kumwake twaga jangu da sambi.

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.