Ugubulo 22:18 - Biblia Kikutu

¹⁸ Niye nowazuma wanhu wose ohulika mbuli za ulaguzi zili mkitabu kino, munhu yoyose yahongeza kinhu chochose muno, Imulungu nayo komongezela mikubulo yandikigwe mna ikitabu kino.

Ugubulo 22:18 ပူးပေါင်းရင်းမြစ်များ

Nongezi 30:6

Sikuwengeze mbuli mzimbuli zake, sambi yakukomhokele na gweye kokoneka kwa mvizi.

Walawi 26:18

“ ‘Kamba mokuwa mung'hali mogendelela kutenda gehile nowakoboza miyanza saba ng'hani kubanza aho haichanduso mbuli ya nzambi zenu.

Walawi 26:28

nowakoboza vihile ng'hani, niye mwenyego nowakoboza miyanza saba ng'hani kwa nzambi zenu.

Walawi 26:37

Oigwila wenyego chaka chaka kamba munhu yokimbila ng'hondo hata kamba kuduhu munhu yomuwinga. Honda mudahe kuitowa na wanhu owehila.

Matayo 15:13

Yesu kawedika, “Biki jojose hadihandigwe na Tatangu wa kuulanga dong'oligwa.

Waefeso 4:17

Avo, nowazuma kwa twaga da Mndewa, sikumukale kabili kamba wanhu hawamjuwile Imulungu, weli na magesa gamemile ubozi wiiyeka.

Kumbukumbu 12:32

“Sang'haneni kila kinhu kamba viniwalagize, sikumongeze kinhu hebu kuhunguza kinhu.

Kumbukumbu 4:2

Sikumwengeze kinhu chochose hebu kusegesa kinhu chochose mna gamalagizo goniwagwelela, lakini gagogeni malagizo ga Mndewa Imulungu, Imulungu wenu, gano goniwagwelela.

1 Wasesalonike 4:6

Kwa mbuli ino, munhu yoyose sikuyamtendele vihile miyage hebu kumbunza. Tuwalongela mwaka mbuli ino na tuwazuma ng'hani kuwa Mndewa kowatagusa wose otenda mbuli azo.

Ugubulo 1:3

Kamweda munhu yosoma mbuli zili mkitabu kino kili na mbuli za ulaguzi, na wamweda wanhu otegeleza na kuzigoga mbuli za ulaguzi zandikigwe mna ikitabu kino! Kwavija kipindi cha mmabehi baho zolawilila mbuli zose zino.

Ugubulo 15:1

Abaho ndola kuulanga nyona kilaguso kiyagwe kikulu cha kukanganya. Kukala na wasenga saba wa kuulanga wakalile na mikubulo saba ya uhelelo, kwa mikubulo ayo saba ng'hasiliki ya Imulungu yokuwa imala.

Ugubulo 15:6

Avo waja iwasenga saba wa kuulanga wakalile na mikubulo saba walawa mng'anda ya Imulungu, kuno wavala viwalo vitengenezigwe kwa kitani inogile ing'ala na mikwiji ya zahabu ifungigwa kuzunguluka mhambaga zao.

Ugubulo 19:20

Lakini ajo ding'onyo digogigwa hamoja na mtula ndagu wa uvizi yakalile yotenda unzonza hanhu ha ding'onyo. Kwa unzonza awo kawavizila waja wakalile na kilaguso cha ajo ding'onyo na waja waitambikile sanamu ya ding'onyo ajo. Dijo ding'onyo na mtula ndagu wa uvizi wose wabili wasigwa kuno wang'hali wagima mdilamba da moto mkulu na mabwe gokwaka.

Ugubulo 20:10

Nayo Mwenembago yakalile yowavizila wanhu kasigwa mdilamba da moto na mabwe gokwaka, mumo muwakalile dija ding'onyo na mtula ndagu wa uvizi, wao ogaya imisi na ikilo, siku zose.

Ugubulo 20:15

Munhu yoyose twaga jake hajandikigwe mna ikitabu cha ugima, kasigwa mdilamba da moto.

Ugubulo 22:10

Abaho kanongela, “Sikuuzifise mbuli za ulaguzi zili mkitabu kino, kwavija kipindi chake cha kulawilila cha mmabehi.

Ugubulo 22:16

“Niye Yesu, nimtuma msenga wangu wa kuulanga yawalongele mbuli zino mna ivibumbila va wanhu wanitogole. Niye nolawa mulukolo lwa Daudi, vivija niye na nhondo ing'ala imitondo.”

Ugubulo 22:7

“Tegeleza! Nokwiza hima. Kamweda munhu yozigoga mbuli za ulaguzi zili mkitabu kino.”

Ugubulo 22:9

Lakini heyo kanongela, “Sikuutende vivo! Niye na msang'hanaji kamba gweye na ndugu zako watula ndagu wa Imulungu na wanhu wose ozigoga mbuli za kitabu kino. Gweye mtambikile Imulungu.”

Ugubulo 3:14

“Kwa msenga wa kuulanga wa kibumbila cha wanhu wamtogole Yesu ako Laodikea wandike vino, “Usenga uno olawa kwa ayo yokemigwa, Ona, yotamaniligwa na yogubula ukweli, yeli chanduso cha vinhu vose viyaumbile Imulungu.