Ugubulo 22:12 - Biblia Kikutu

¹² Yesu kolonga, “Tegeleza! Nokwiza hima hamoja na nhunza yonda nimgwee kila munhu kamba viyasang'hane.

Ugubulo 22:12 ပူးပေါင်းရင်းမြစ်များ

Zabuli 28:4

Walihe kamba viwasang'hane na kamba viwatendile gehile, wagwelele kamba sang'hano ya makono gao viili, uwalihe gaja golondigwa.

Matayo 16:27

Kwavija Mwana wa Munhu kokwiza muukulu wa Tatake hamoja na wasenga wa kuulanga, abaho komgwaa kila munhu nhunza yake iigalile na sang'hano yake.

Walumi 14:12

Kila munhu vitwili, komulongela Imulungu mbuli zake mwenyego.

1 Wakolinto 3:14

Kamba kija kizengigwe uchanha mwa ichandusilo chokala bila kulukula moto, mzengaji kobokela nhunza.

1 Wakolinto 3:8

Munhu yahandile na munhu yaigelele mazi wose wa kinhu kimoja, Imulungu komgweka kila imoja kwa sang'hano yake yaitendile.

Ugubulo 11:18

Wanhu wa isi zose wagevuzika, lakini kipindi cha ng'hasiliki yako kivika, kipindi cha kutagusigwa wanhu wafile. Kipindi kivika cha kuwagwaa nhunza watula ndagu, awo iwasang'hanaji wako, wanhu wako wose okugwaa ukulu, wakulu kwa wadodo. Kipindi cha kuwananga wanhu wanangile isi kivika!”

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.

Ugubulo 20:12

Abaho nyona wanhu wafile, wakulu kwa wadodo, wema kuulongozi wa kigoda cha undewa, na vitabu vifunguligwa. Abaho kitabu kiyagwe kifunguligwa, nacho acho kitabu cha ugima. Wanhu wafile watagusigwa kamba viwatendile, na kamba viyandikigwe mvitabu vivo.

Ugubulo 22:20

Yesu yagubule ukweli wa mbuli zose zino, kolonga, “Ona nokwiza hima!” Niye nilonga, Ona. Izo, Mndewa Yesu!

Ugubulo 22:7

“Tegeleza! Nokwiza hima. Kamweda munhu yozigoga mbuli za ulaguzi zili mkitabu kino.”

Ugubulo 3:11

Hima nokwiza. Goga ng'hani kija kiulinacho ili munhu yoyose sambiyakuboke nhunza yako ya kuhuma.