Ugubulo 22:11 - Biblia Kikutu

¹¹ Munhu yotenda gehile yagendelele kutenda gehile, munhu mchafu yagendelele kuwa mchafu na munhu yotenda ganogile yagendelele kutenda ganogile na munhu yong'ala yagendelele kung'ala.”

Ugubulo 22:11 ပူးပေါင်းရင်းမြစ်များ

Zabuli 81:12

Avo niwaleka muudulu wa mizoyo yao, wakweleleze nzila zao wenyego.

Nongezi 14:32

Yosang'hana gehile konangigwa na gehile gake, lakini yeli na haki kana hanhu ha kukimbilila mwiiifa yake.

Nongezi 4:18

Nzila za wanhu wene haki ziigala na zuwa da imitondo, viding'ala ng'hani mbaka imisi.

Matayo 15:14

Sikumuwatonge! Awo vilongozi hawalola wa wanhu hawalola, kamba munhu halola komulongoza munhu halola miyage, wose wabili otumbukila mdikolombo.”

Matayo 21:19

Behi na nzila kajona biki da mtini kadicholela, yalole kamba kodaha kupata tunda jojose, lakini honile kinhu ila majani gaiyeka. Avo kadilongela, “Sikuulele matunda ng'o!” Bahaja biki dijo dinyala gogodaa.

Matayo 25:10

Avo waja iwabozi wachola kugula mavuta, viwakalile ochola, munhu yosola kavika. Waja watano waitandile wengila nayo mna ing'anda ya dizengele, lwivi luhindigwa.

Matayo 5:45

baho mokuwa wana wa Tataenu yeli kuulanga. Kwavija heyo kowamwemwesela zuwa jake wanhu wehile na wanogile, na kowagwaa mvula waja otenda goyolonda na waja otenda gomgevuza.

Matayo 5:6

Wamweda wanhu waja weli na nzala na ng'hilu ya kutenda gaja goyolonda Imulungu, kwavija Imulungu kowatenda wegute!

Yohana 8:21

Yesu kawalongela kabili, “Niye nosegela, mweye monizahila, lakini mofa na nzambi zenu. Hamudaha kuchola kuja kunyhola.”

Waefeso 5:27

ili wawe wanhu wang'alile na wanogile ng'hani, wanhu welibule dowa, kwiha hebu chochose kili kamba acho.

Wakolosai 1:22

Lakini sambi kwa ifa ya lukuli lwa Mwanage, Imulungu kawatenda muilumbe nayo, ili yawagale kumwake kuno mung'ala, mwabule ubananzi na mwabule kitala.

2 Timoseo 3:13

Wanhu otenda gehile na wavizi obanza kutenda gehile ng'hani, kuwavizila wayagwe na wao wenyego oviziligwa.

Yuda 1:24

Kumwake heyo yodaha kuwakaliza sikumugwe na yodaha kuwagala haulongozi wake kuno mung'ala na bila kitala na ndeng'helelo ng'hulu.

Ugubulo 16:21

Mvula ya mabwe makulu geli na uzito wa kilo hamsini kila dibwe dimoja, iwatowela wanhu. Wanhu wamuliga Imulungu mbuli ya mikubulo ayo ya mvula ya mabwe kwavija ikala mikubulo mikulu ng'hani.

Ugubulo 22:3

Kuduhu chochose kiduwiligwe na Imulungu chonda kikale kudibuga dijo. Kigoda cha undewa wa Imulungu na cha Mwanang'hondolo chokuwa kudibuga dijo, na wasang'hanaji zake omsang'hanila.