Ugubulo 21:3 - Biblia Kikutu

³ Abaho mhulika sauti ng'hulu kulawa kukigoda cha undewa, “Sambi kae ya Imulungu ya hamoja na wanhu! Kokala nao, na hewo okuwa wanhu zake. Imulungu mwenyego kokuwa nao. Nayo kokuwa Imulungu wao.

Ugubulo 21:3 ပူးပေါင်းရင်းမြစ်များ

Kulawa 25:8

Vivija wanhu olondigwa wanitendele hema ding'alile, ili ng'hale hamoja nao.

Kulawa 29:45

Avo, niye nokala na Waizilaeli, na nokuwa Imulungu wao.

Kupetigwa 9:16

Vivo viikalile kila siku, imisi wingu digubika dihema na ikilo joneka kamba moto.

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Yohana 14:23

Yesu kamwidika, “Munhu yoyose yoninogela niye kogagoga mafundizo gangu. Tatangu komnogela munhu ayo, niye na Tatangu tomwizila na kukala nayo.

2 Wakolinto 6:16

Vino Ng'anda ya Imulungu yoilumbaze na vinyago va imilungu? Avo siye twa Ng'anda ya Imulungu yeli mgima! Kamba viyalongile Imulungu mwenyego, “Nokala nao na kutembela hamoja nao. Niye nokuwa Imulungu wao, na wao okuwa wanhu zangu.”

2 Wakolinto 6:18

Nokuwa Tataenu, na mweye mokuwa wanangu wa kimbigalo na wa kitwanzi, kolonga Mndewa yeli na Udahi wose.”

1 Wasesalonike 3:11

Tompula Imulungu, Tataetu mwenyego na Mndewa wetu Yesu watutandile nzila ya kwiza kumwenu!

Waebulania 11:16

Lakini wasulukila isi inogile ng'hani, isi ya kuulanga. Avo Imulungu hakona kinyala awo kumkema heyo Imulungu wao, kwavija kawatandila buga jao.

Waebulania 8:10

Avo, dino dijo lagano donda nitende na wanhu wa Izilaeli ako kumwande, nowatenda wagese malagizo gangu na kugeka mmizoyo yao. Nokuwa Imulungu wao, na wao okuwa wanhu zangu.

Waebulania 8:2

Nayo kosang'hana hanhu hong'ala, ndiyo kulonga, mgati mwa hema da kutambikila da ukweli dizengigwe na Mndewa, hadizengigwe kwa makono ga wanhu.

Ugubulo 10:4

Bahaja vizilongile zija zing'huwa nilonda kwandika, lakini mhulika sauti kulawa kuulanga, ilonga, “Mbuli azo zilongigwe na ng'huwa saba zifise, sambiuzandike!”

Ugubulo 10:8

Abaho sauti ija imhulike aho haichanduso kulawa kuulanga, inongela kabili, “Genda kakisole kitabu kifunguligwe kili mumkono wa msenga wa kuulanga yemile mbahali na mwiisi inyalile.”

Ugubulo 12:10

Abaho mhulika sauti kuulanga ilonga, “Sambi Imulungu kawakombola wanhu wake na Imulungu mndewa wetu kolagusa nguvu zake! Sambi Kilisito iyamsagule kalagusa mamulaka gake! Kwavija yuyo yakalile yokwima kuulongozi wa Imulungu imisi na ikilo kuwalavila vitala ndugu zetu kasigwa hasi.

Ugubulo 21:7

Munhu yonda yahume kopata vinhu avo vose, na niye nokuwa Imulungu wake, nayo kokuwa mwanangu.

Ugubulo 22:3

Kuduhu chochose kiduwiligwe na Imulungu chonda kikale kudibuga dijo. Kigoda cha undewa wa Imulungu na cha Mwanang'hondolo chokuwa kudibuga dijo, na wasang'hanaji zake omsang'hanila.

Ugubulo 7:15

Lekaavo wema kuulongozi wa kigoda cha undewa wa Imulungu na omsang'hanila imisi na ikilo mng'anda yake. Ayo yokala mkigoda cha undewa kokala nao na kowakaliza.