Ugubulo 20:6 - Biblia Kikutu

⁶ Wamweda na wang'ala wanhu onda wawe mumo muuzilibuko uno wa ichanduso. Ifa ya kabili honda iwagoge kabili, okuwa walava nhosa wa Imulungu na Kilisito, na olongoza hamoja nayo miyaka elufu imoja.

Ugubulo 20:6 ပူးပေါင်းရင်းမြစ်များ

Luka 14:15

Munhu imoja mna iwaja wakalile hana indiya viyahulike avo, kamulongela Yesu, “Wamweda waja onda waje ndiya ya nyimwilinyimwili muundewa wa Imulungu!”

Walumi 12:1

Avo, ndugu zangu, kwavija Imulungu kana bazi ng'hani, nowapula ng'hani, ilaveni wenyego kwa Imulungu kamba nhosa ili ngima. Ilaveni wenyego kamba wanhu mung'alile na kumnogeza Imulungu. Ino ayo nzila inogile ya kumtambikila Imulungu.

Walumi 8:17

Kwavija siye twa wanage, kotugwaa ganogile gayawekile wanhu zake, vivija siye hamoja na Kilisito topata gaja gayamwikile, kamba tugaya nayo, vivija toupata ukulu wake.

2 Timoseo 2:12

Kamba twahagendelela kufunga umoyo, vivija totawala hamoja nayo. Kamba twahambela, na heyo vivija kotubela.

1 Petulo 2:5

Vivija na mweye kamba mabwe magima, mozengwa mng'anda ya kiloho, mosang'hana kamba walava nhosa wang'alile, molava nhosa za kiloho zimnogeza Imulungu kubitila Yesu Kilisito.

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

Ugubulo 1:6

na katutenda tuwe undewa wa walava nhosa, tumsang'hanile Imulungu, Tatake. Yesu Kilisito yagweleligwe ukulu na nguvu siku zose! Ona.

Ugubulo 14:13

Abaho mhulika sauti kulawa kuulanga yolonga, “Yandika! Wamweda wanhu waja kulawa sambi ofa kuno wailumba na Mndewa!” Nayo Loho wa Imulungu kolonga, “Obwihila na magayo gao, kwavija gaja gawasang'hane gowakweleleza.”

Ugubulo 2:11

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume honda yalumizigwe na ifa ya kabili.

Ugubulo 20:14

Abaho ifa na kowochola wanhu wafile vasigwa mdilamba da moto. Moto uno awo ifa ya kabili.

Ugubulo 21:8

Lakini wanhu odumba na oleka kutogola na wanhu otenda mbuli zigevuza na wakomaji na wagoni na wahawi na wanhu ovitambikila vinyago na wavizi, wose hanhu hao kudilamba da moto na mabwe gokwaka, ayo iyo ifa ya kabili.”

Ugubulo 22:5

Honda kuwe na ikilo kabili, na wanhu okala mumo honda walonde taa hebu zuwa, kwavija Mndewa Imulungu kokuwa mulenge wao, na otawala kamba wandewa siku zose.

Ugubulo 22:7

“Tegeleza! Nokwiza hima. Kamweda munhu yozigoga mbuli za ulaguzi zili mkitabu kino.”

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.

Ugubulo 5:10

Kuwatenda undewa na walava nhosa na wamsang'hanile Imulungu wetu, nao oilongoza isi yose.”