Ugubulo 20:11 - Biblia Kikutu

¹¹ Abaho nyona kigoda kikulu cha undewa kizelu, ayo yakikalile, isi na ulanga visegela mgameso gake, na havoneke kabili.

Ugubulo 20:11 ပူးပေါင်းရင်းမြစ်များ

Mwanduso 18:25

Sigesa kamba kotenda vivo, kuwakoma wanhu wanogile hamoja na wanhu wene nzambi! Havidahika bule, kwavija msemi wa isi yose kolondigwa yataguse goya.”

Zabuli 102:26

Avo vosegela lakini gweye kosigala, vose volala kamba viwalo, na kamba viwalo kovisaula, navo volawanya.

Zabuli 47:8

Imulungu kotawala iwanhu wa isi zose, Imulungu kakala uchanha ya kigoda chake cha undewa king'ala.

Zabuli 89:14

Haki na nhaguso acho chandusilo cha kigoda chako cha undewa, unogelo hawishaga na kutamanilwa vokulongolela.

Zabuli 97:2

Mawingu na ziza vomzunguluka, haki na kutagusa avo chanduso cha kigoda chake.

Matayo 11:22

Nowalongeleni ukweli, siku ya nhaguso Imulungu kowonela bazi wanhu wa isi za Tilo na Sidoni kubanza mweye!

Matayo 24:35

Ulanga na isi vobita, lakini mbuli zangu hondazibite ng'o.

Matayo 25:31

“Mwana wa Munhu yeli Mndewa vonda yeze muukulu wake, hamoja na wasenga zake wa kuulanga, kokala mkigoda chake cha undewa.

Walumi 2:5

Lakini kuna zoyo dala na kolema kumbwelela Imulungu, avo koikila nhaguso ng'hulu mna isiku ija ya ng'hasiliki za Imulungu na nhaguso yake inogile vondaigubuligwe.

2 Petulo 3:7

Lakini ulanga na isi ya sambi vikigwa goya kwa mbuli iija ya Imulungu ili vibanangigwe kwa moto. Vikigwa kwa siku ija wanhu hawamtegeleze Imulungu vonda watagusigwe na kunangigwa.

Ugubulo 12:8

lakini zoka dijo na wasenga zake wahumwa, hawakalile na hanhu hakukala kuko kuulanga.

Ugubulo 16:20

Visiwa vose visegela na vigongo navo havoneke kabili.

Ugubulo 19:11

Abaho nyona ulanga uvuguligwa na kukala na falasi mzelu. Ayo yomkwela kakemigwa, “Yotamaniligwa” na “Kweli.” Ayo kotagusa na koitowa kwa mbuli ya gaja golondigwa.

Ugubulo 20:2

Kadigoga dija dizoka, zoka da umwaka najo dijo ija Imdumuka, hebu Mwenembago, kadifunga kwa kipindi cha miyaka elufu imoja.

Ugubulo 21:1

Abaho nyona ulanga wa sambi na isi ya sambi. Ulanga wa ichanduso na isi ya ichanduso vikala visegele, nayo bahali haikalile kuko kabili.

Ugubulo 21:5

Abaho ayo yokala mna ikigoda cha undewa kalonga, “Novitenda va sambi vinhu vose!” Vivija kalonga, “Yandika mbuli ino, kwavija mbuli zino za ukweli na zakutamaniligwa.”

Ugubulo 4:2

Bahaja nimema Loho wa Imulungu, nyona kuko kuulanga kuna kigoda cha undewa, na imoja kakala mkigoda acho.

Ugubulo 6:14

Ulanga usegela kamba vija mkeka viukunzigwa, vigongo vose na visiwa visegesigwa.