Ugubulo 2:3 - Biblia Kikutu

³ Gweye kubetela, kugaya mbuli ya kunisang'hanila na hubwelile kuchugu bule.

Ugubulo 2:3 ပူးပေါင်းရင်းမြစ်များ

Zabuli 37:7

Ukale tuluu kuulongozi wa Mndewa Imulungu, na umbete kwa kufunga umoyo, sikuuigaze mbuli ya imunhu yomweda mnzila yake, na imunhu yogelegeza gehile.

Zabuli 69:7

Kwavija nisitamili kubezeligwa mbuli yako, kinyala kigubika kihanga changu.

Maluko 15:21

Viwakalile mnzila wamting'hana munhu imoja twaga jake Simoni, mwenekae wa Kilene, tatao Alekizanda na Lufo. Kipindi acho kakala kolawa kumgunda, wakalizi wamnanahiza yaupape msalaba wa Yesu.

Luka 14:27

Na munhu yoyose haupapa msalaba wake na kunikweleleza, hadaha kuwa mwanahina wangu.

Luka 18:1

Abaho Yesu kawafundiza wanahina zake kwa lusimo kamba siku zose olondigwa kumpula Imulungu na sikuwadonhe.

Luka 21:19

Mwahagangamala, moihonya wenyego.

Luka 5:5

Simoni kamwidika, “Go mkulu, tusang'hana ng'hani kilo kigima lakini hatupatile kinhu bule. Lakini kamba gweye kolonga avo, nogela mizavu yangu mgamazi.”

Luka 8:15

Lakini mbeyu zilagalile hali na udongo unogile zolagusa wanhu waja iwohulika mbuli ya Imulungu na kuika mmizoyo yao na kuitogola, ofunga umoyo mbaka olela matunda.

Yohana 15:21

Owatendela mweye gano gose kwavija mwa wanhu zangu, na kwavija hawamjuwile ayo yanhumile.

Walumi 12:12

Kumtamanila kwenu Imulungu kuwatende mudeng'helele, mwahagaya beteleni kwa kufunga umoyo, mpuleni Imulungu siku zose.

Walumi 16:12

Ndamusileni watwanzi iwomsang'hanila ng'hani Mndewa, Tulufena na Tulufosa na mbwigangu Pelisi, yamsang'hanile ng'hani Mndewa.

Walumi 2:7

Wanhu wayagwe ogendelela kutenda ganogile kuno olonda ukulu kwa Imulungu na kutogoligwa na Imulungu na kuleka kufa. Wanhu awo Imulungu kowagwaa ugima wa milele.

Walumi 8:25

Lakini kamba totamanila kija tung'hali hatunachona, tokibeta kwa kufunga umoyo.

1 Wakolinto 13:7

Yeli na unogelwa habwela kuchugu, kotamaniligwa na kotamanila gose na kogangamala.

1 Wakolinto 16:16

wategelezeni wanhu kamba wano, na munhu yoyose iyagwe yosang'hana hamoja na wao.

2 Wakolinto 10:15

Avo siye hatubanza kuigoda mbuli ya sang'hano itendigwe na wanhu wayagwe. Lakini tololela kuwa kumtamanila kwenu Imulungu kogendelela na sang'hano yetu kumwenu yokuwa ng'hulu kwa kukweleleza viyolonda Imulungu.

2 Wakolinto 11:23

Kamba wao wasang'hanaji wa Kilisito? Nolonga kamba munhu yeli na kibozi mbwelela, niye na msang'hanaji wa Kilisito kubanza awo! Niye nisang'hana sang'hano ndala ng'hani, ngodekigwa mkifungo miyanza bwando, nhoigwa miyanza bwando, ng'hala mdizumozumo da ifa miyanza bwando.

2 Wakolinto 4:1

Avo, Imulungu kwa bazi jake, katugwaa sang'hano ino, na siye hatubwela kuchugu.

2 Wakolinto 4:16

Lekaavo hatubwela kuchugu. Hata kamba ng'huli zetu zofa, lakini siku zose loho zetu zotendigwa za sambi.

2 Wakolinto 5:9

Mbuli ng'hulu, towamba ng'hani kumnogeza Mndewa, iwe tokala mwiisi ino hebu kuulanga.

2 Wakolinto 6:5

kwa kutoigwa na kwa kugodekigwa mkifungo na kwa kuding'huligwa na kwa kusang'hana ng'hani na kwa kuwasa meso na kwa nzala.

Wagalatia 6:2

Muitaze mna gamagayo, kwa kutenda avo mogagoga malagizo ga Kilisito.

Wagalatia 6:9

Avo sikutudonhe kusang'hana ganogile, kwavija kamba hatubwela kuchugu, chahavika kipindi cha kusenga tosenga.

Wafilipi 2:16

mugoge mbuli ya ugima ili mdisiku da Kilisito niigodele mweye kamba kugaya kwangu na sang'hano yangu havagile bule.

Wafilipi 4:3

Na gweye msang'hanaji miyangu utamaniligwa, nokulonda uwataze watwanzi wano, kwavija wasang'hana ng'hani hamoja na niye kuwapetela wanhu mbuli inogile, hamoja na Kilementi na wasang'hanaji wayangu wayagwe wose, waja matwaga gao gandikigwa mna ikitabu cha ugima.

Wakolosai 1:11

Imulungu yawagangamize kwa udahi wake mkulu ili mubetele kila kinhu kwa kufunga umoyo na kudeng'helela,

1 Wasesalonike 1:3

Avo, mgameso ga Imulungu Tataetu, tokumbuka vimulagusa kumtamanila kwenu kwa kusang'hana, na unogelwa wenu uwatendile musang'hane kwa kuwamba, na tamanilo jenu kwa Mndewa wetu Yesu Kilisito vidigangamale.

1 Wasesalonike 2:9

Ndugu zetu, mweye mokumbuka siye vitugaiye! Tusang'hana imisi na ikilo ili sikutuwe mizigo kwa munhu yoyose kipindi vituwapetela Mbuli Inogile ya Imulungu.

1 Wasesalonike 5:12

Ndugu, lelo towapula, muwategeleze goya waja iwosang'hana ng'hani hagati yenu, waja owalongoza na kuwafunzeni mzimbuli za Mndewa.

2 Wasesalonike 3:13

Lakini mweye ndugu, sikumudonhe kutenda ganogile.

2 Wasesalonike 3:5

Mndewa yailongoze mizoyo yenu kuujuwa unogelwa wa Imulungu na kufunga umoyo kugaligwe na Kilisito.

2 Wasesalonike 3:8

na hatudile ndiya ya munhu yoyose bila kumuliha, lakini tugaya kusang'hana imisi na ikilo ili sikutuwe mizigo kwa munhu yoyose kumwenu.

1 Timoseo 4:10

Siye toiyoha kusang'hana ng'hani, kwavija tomulolela Imulungu yeli mgima, Mkombola wa wose na ng'hani ng'hani kwa hewo wamtogole Yesu.

1 Timoseo 5:17

Wavele owalongoza wanhu wamtogole Yesu osang'hana vinogile, olondigwa wapate fungu kulu, ng'hani ng'hani waja osang'hana ng'hani kuwapetela wanhu na kuwafundiza.

Waebulania 10:36

Molondigwa kufunga moyo ili mwahamambukiza kutenda goyolonda Imulungu, mubokele kija kiyalongile.

Waebulania 12:1

Kwavija siye tuzungulukigwa na lunhu lwa wanhu otulola, avo tusegese kila kinhu kitukimila mnzila, na nzambi ija ituzingiliza ng'hani na tukimbile kwa kuwamba mna ukuihuma kwitwikiligwe.

Waebulania 13:13

Avo sikutudumbe tumgendele kuko kunze tukaligigwe kamba viyaligigwe heyo.

Waebulania 6:10

Siku zose Imulungu kotagusa goya. Honda yaisemwe sang'hano muitendile na unogelwa umulaguse kumwake kwa kuwataza wanhu zake na mbaka sambi mogendelela kuwataza.

Waebulania 6:12

Hatulonda mweye muwe wanyeke, lakini muigale na wanhu waja otogola na kufunga umoyo na avo kubokela kija kiyalongile Imulungu kowagwaa.

Waebulania 6:15

Abulahamu kafunga umoyo kubetela na avo kabokela kija kiyalongile Imulungu.

2 Petulo 1:6

na mna ukujuwa ganogile yongezeni kuilongoza wenyego na mna ukuilongoza wenyego yongezeni kufunga umoyo na mna ukufunga umoyo yongezeni kutenda ga Imulungu,

Ugubulo 1:9

Niye Yohana ndugu yenu, na kwa kuilumba na Yesu nina fungu hamoja na mweye mna gamagayo na nina fungu hamoja na mweye muundewa wake na kufunga umoyo. Niye ngaligwa kugodekigwa mkisiwa kikemigwa Patimo mbuli ya kuwapetela wanhu mbuli ya Imulungu na kwa mbuli ya kuwalongela wanhu ukweli ugubuligwa na Yesu.

Ugubulo 3:10

Kwavija gweye kudigoga lagizo jangu da kufunga umoyo, na niye nokuhonya na magayo gonda geze mwiisi yose, kuwageza wanhu wose okala mwiisi.