Ugubulo 2:26 - Biblia Kikutu

²⁶ Munhu yonda yahume, ija yogendelela mbaka kuuhelelo kusang'hana gonilonda, nomgwaa udahi wa kuwatawala wanhu wa isi zose.

Ugubulo 2:26 ပူးပေါင်းရင်းမြစ်များ

Zabuli 2:8

Nipule na niye nokugwaa iwanhu wa isi zose wawe uhazi wako, na isi yose yokuwa yako gweye.

Zabuli 2:9

Kowabena kwa fimbo ya zuma na kowahonda vihande vihande kamba nongo ya mulumba.”

Zabuli 49:14

Kamba ng'hondolo ochola kuzimu, na ifa yowalongoza. Iwanhu wanogile owatawala imitondo, na ng'huli zao zokola kudipanga, okala kutali na ming'anda yao inogile.

Matayo 10:22

Wanhu wose owehila mweye mbuli ya twaga jangu. Lakini yoyose yonda yafunge umoyo mbaka kukimambukizo, kokomboligwa.

Matayo 19:28

Yesu kawalongela, “Nowalongeleni ukweli, Mwana wa Munhu vondayakale mna ikigoda chake cha ukulu mna iisi yonda ize, mweye wanahina zangu longo na wabili mokala mna ivigoda va ukulu na mogatawala makabila longo na mabili ga Izilaeli.

Matayo 24:13

lakini munhu yonda yafunge umoyo mbaka kukimambukizo kokomboligwa.

Yohana 6:29

Yesu kawedika, “Kinhu choolonda Imulungu mweye mutende, mumtogole ija yamtumile.”

Walumi 2:7

Wanhu wayagwe ogendelela kutenda ganogile kuno olonda ukulu kwa Imulungu na kutogoligwa na Imulungu na kuleka kufa. Wanhu awo Imulungu kowagwaa ugima wa milele.

Walumi 8:37

Bule, mzimbuli zose zino tuhuma ng'hani kubitila heyo yotunogela siye!

1 Wasesalonike 3:5

lekaavo nimtuma Timoseo kumwenu. Sidahile kuwamba ng'hani, avo nimtuma mhate mbuli za kutamanila kwenu. Avo nidumba Mwenembago sikuyawageze na sang'hano yetu yose ipolete bule!

Waebulania 3:6

Lakini heyo Kilisito kotamaniligwa kamba Mwana yeli na udahi kwa wanhu weli ng'anda ya Imulungu. Siye wao ng'anda yake kamba twahagendelela kuwa magalu na kugangamala mna iditamanilo dituigodela.

Yakobo 2:20

Gweye kwa mbozi! Vino kolonda kulagusiligwa tamanilo bila sang'hano hadifaya?

1 Yohana 2:19

Wanhu awo walawa mna ikibumbila chetu lakini hawalawile kweli mna kibumbila chetu, kwavija maza walawile mkibumbila chetu, wahasigale hamoja na siye, lakini kusegela kwao kolagusa kamba hawakalile hamoja na siye.

1 Yohana 3:23

Lagizo jake dijo dino, tumtogole Mwanage Yesu Kilisito, na tuinogele wenyego kamba viyatulagize.

1 Yohana 5:5

Vino nani yodaha kuihuma isi? Ni munhu ija yaiyeka yomtogola Yesu Kilisito kamba Mwana wa Imulungu.

Ugubulo 2:11

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume honda yalumizigwe na ifa ya kabili.

Ugubulo 2:17

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Wanhu onda wahume nowagwaa ndiya ifisigwe ikemigwa mana. Vivija nomgwaa kila munhu dibwe zelu jandikigwe twaga da sambi hadijuwigwe na munhu yoyose ila ayo yadibokele.

Ugubulo 2:7

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume nomuleka yaje matunda ga biki da ugima dili mkihati cha Imulungu.

Ugubulo 20:4

Abaho nyona vigoda va undewa, na wanhu wavikalile wagweleligwa udahi wa kutagusa. Vivija nyona loho za wanhu waja wakanhigwe mapala mbuli ya kugoga ukweli ugubuligwe na Yesu na mbuli ya kuwapetela wanhu mbuli ya Imulungu. Hawaditambikile dija ding'onyo hebu sanamu yake, vivija hawekigwe kilaguso mvihanga vao hebu mmakono gao. Wagweleligwa ugima kabili na olongoza hamoja na Kilisito kwa miyaka elufu imoja.

Ugubulo 21:7

Munhu yonda yahume kopata vinhu avo vose, na niye nokuwa Imulungu wake, nayo kokuwa mwanangu.

Ugubulo 22:5

Honda kuwe na ikilo kabili, na wanhu okala mumo honda walonde taa hebu zuwa, kwavija Mndewa Imulungu kokuwa mulenge wao, na otawala kamba wandewa siku zose.

Ugubulo 3:12

Ija yonda yahume nomtenda mhanda mng'anda ya Imulungu wangu, na honda yalawe bule mumo. Nokwandika kumwake twaga da Imulungu wangu na twaga da buga da Imulungu wangu, Yelusalemu ya sambi, yonda ihumuluke kuulanga kwa Imulungu wangu. Vivija nokwandika kumwake twaga jangu da sambi.

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.

Ugubulo 3:5

Munhu yonda yahume kovazigwa vivo kwa viwalo vizelu, na sidisegesa bule twaga jake mna ikitabu cha ugima. Mgameso ga Tatangu na wasenga zake nolonga kwa mulomo wangu kamba heyo munhu wangu.