Ugubulo 2:23 - Biblia Kikutu

²³ Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.

Ugubulo 2:23 ပူးပေါင်းရင်းမြစ်များ

Zabuli 139:1

Go Mndewa Imulungu, gweye kunilola goya vinili, kunjuwa mbaka mgati.

Zabuli 26:2

Unigeze na kunipima gweye Mndewa Imulungu, uulole moyo wangu na nzewele zangu.

Zabuli 44:21

vino Imulungu sambi yajuwe? Kwavija heyo ayo yagajuwile magesa ga kinyelegezi geli mmoyo.

Zabuli 62:12

na unogelwa hawishaga wa Mndewa, na heyo komuliha kila munhu kamba viyasang'hane.

Zabuli 7:9

Leka gehile ga iwanhu otenda gehile gavike kuuhelelo, na gweye uwemize iwanhu otenda ganogile, gweye ugezaga nzewele na mizoyo, gweye Imulungu wa haki.

Matayo 16:27

Kwavija Mwana wa Munhu kokwiza muukulu wa Tatake hamoja na wasenga wa kuulanga, abaho komgwaa kila munhu nhunza yake iigalile na sang'hano yake.

Luka 16:15

Yesu kawalongela, “Mweye awo wanhu muitenda munoga mgameso ga wanhu, lakini Imulungu kaijuwa mizoyo yenu. Kwavija vinhu vikoneka vinoga ng'hani kwa wanhu, mgameso ga Imulungu vokoneka viha.

Yohana 21:17

Mwanza wa kadatu Yesu kamuuza, “Simoni mwanage Yohana, gweye koninogela?” Petulo kona usungu kwavija Yesu kamuuza mwanza wa kadatu, “Koninogela?” Avo kamulongela, “Mndewa, gweye kojuwa kila kinhu, kojuwa niye nokunogela!” Yesu kamulongela, “Wadime ng'hondolo zangu.

Yohana 4:16

Yesu kamulongela, “Genda kamkeme mkasano wako, na wize nayo.”

Sang'hano 1:24

Abaho wampula Imulungu walonga, “Mndewa, kugajuwa goyogesa kila munhu. Avo tulagusile nani mna iwanhu wano wabili yuumsagule

Walumi 14:12

Kila munhu vitwili, komulongela Imulungu mbuli zake mwenyego.

Walumi 8:27

Ayo yolola mmizoyo yetu, kojuwa viyogesa Loho, kwavija Loho kowapulila wanhu wa Imulungu kamba viyolonda Imulungu.

2 Wakolinto 5:10

Kwavija kila munhu kokwima kuulongozi wa Kilisito yatagusigwe. Kila munhu kobokela kija kiyolondigwa, kamba vija viyasang'hane mwiisi, kamba ganoga hebu geha.

Wagalatia 6:5

Kwavija kila munhu kana mzigo wa kupapa mwenyego.

Kumbukumbu 13:11

Avo, Waizilaeli wose ohulika na kudumba, na hawatenda ng'o gehile kamba gago kabili.

Kumbukumbu 17:13

Wanhu wose ohulika na kudumba, na hawatenda kinhu bila kugelegeza.

Kumbukumbu 19:20

Na wanhu wayagwe ohulika na kudumba, avo gehile kamba gago hagatendigwa kabili hagati yenu.

Kumbukumbu 21:21

Baho iwanhu wa buga dijo wamtowe mabwe mwana ayo mbaka yafe. Avo kwa nzila ayo mogasegesa gehile hagati yenu. Kila munhu mwiisi ya Izilaeli kuihulika mbuli ayo na kodumba.

Waebulania 4:13

Kuduhu kinhu chochose kifisigwe mgameso ga Imulungu. Kila kinhu kigubuligwa na koneka mgameso gake. Kumwake heyo tolondigwa kumulongela sang'hano zetu.

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.

Ugubulo 2:11

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume honda yalumizigwe na ifa ya kabili.

Ugubulo 2:7

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume nomuleka yaje matunda ga biki da ugima dili mkihati cha Imulungu.

Ugubulo 20:12

Abaho nyona wanhu wafile, wakulu kwa wadodo, wema kuulongozi wa kigoda cha undewa, na vitabu vifunguligwa. Abaho kitabu kiyagwe kifunguligwa, nacho acho kitabu cha ugima. Wanhu wafile watagusigwa kamba viwatendile, na kamba viyandikigwe mvitabu vivo.

Ugubulo 20:13

Bahali iwalava kunze wanhu wafile wakalile mgati yake, ifa na kowochola wanhu wafile viwalava wanhu wakalile mumo. Kila munhu katagusigwa kamba viyatendile.

Ugubulo 22:12

Yesu kolonga, “Tegeleza! Nokwiza hima hamoja na nhunza yonda nimgwee kila munhu kamba viyasang'hane.

Ugubulo 6:8

Ndola kalawilila falasi imoja nyaubundi. Ayo yamkwelile kakemigwa, Ifa na kowochola wanhu wafile kamkweleleza kuchugu. Wagweleligwa udahi kwa lobo imoja ya isi yose wawakome kwa kuitowa na nzala na mitamu na ming'onyo mikali.

1 Samweli 16:7

Lakini Mndewa Imulungu kamulongela Samweli, “Sikuulole kihanga chake hebu utali wake, niye nimulema kwavija niye sitenda kamba viwotenda wanhu. Wanhu olola lukuli lwa kunze lakini niye nolola mgati muumoyo.”