Ugubulo 2:17 - Biblia Kikutu

¹⁷ “Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Wanhu onda wahume nowagwaa ndiya ifisigwe ikemigwa mana. Vivija nomgwaa kila munhu dibwe zelu jandikigwe twaga da sambi hadijuwigwe na munhu yoyose ila ayo yadibokele.

Ugubulo 2:17 ပူးပေါင်းရင်းမြစ်များ

Zabuli 25:14

Mndewa Imulungu mbwiga wa awo omdumba, heyo kowakumbusa lagano jake.

Zabuli 36:8

Okwiguta ukunona kwa ivinhu va mng'anda yako, na kowagwaa king'waji kulawa kuulwanda lwa ganogile gako.

Kulawa 16:33

Musa kamulongela Haluni, “Sola mhishi imoja ya Mana na uike kuulongozi wa Mndewa Imulungu, ikalizigwe mbuli ya wazukulu zenu.”

Nongezi 14:10

Moyo otanga usungu wake wenyego, mgeni hadaha kuilumba na deng'ho jake.

Nongezi 3:32

Kwavija wehile omgevuza Mndewa Imulungu, lakini heyo mbwiga wa waja osang'hana ganogile.

Matayo 13:11

Yesu kawedika, “Mweye mumweda kuzijuwa mbuli zifisigwe za Undewa wa kuulanga, lakini kumwao awo haili vivo.

Maluko 7:16

Munhu yeli na magwiti yahulike.

Yohana 4:32

Lakini Yesu kawedika, “Ninao ndiya mweye hamuijuwile.”

1 Wakolinto 2:14

Munhu yoyose yeliduhu Loho Yang'alile hadaha kubokela vinhu kulawa kwa Loho wa Imulungu. Wanhu wano hawazijuwa mbuli azo, kumwao zokoneka ubozi, kwavija mbuli azo zodahika kufambuligwa kwa kutazigwa na Loho Yang'alile yaiyeka.

Wakolosai 3:3

Kwavija mweye mufa na ugima wenu ufisigwa hamoja na Kilisito mgati mwa Imulungu.

Ugubulo 14:3

Wakala okwimba lwila lwa sambi kuulongozi wa kigoda cha undewa na kuulongozi wa viumbe vine vili na ugima na waja iwavele. Kuduhu munhu yadahile kuifunza lwila lulo ila wanhu waja waiyeka laki moja na elufu alobaini na nne wakomboligwe mwiisi.

Ugubulo 19:16

Mkiwalo chake na mdihaza jake jandikigwa twaga dino, “Mndewa wa iwandewa na Mkulu wa iwakulu.”

Ugubulo 2:11

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume honda yalumizigwe na ifa ya kabili.

Ugubulo 2:7

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Munhu yonda yahume nomuleka yaje matunda ga biki da ugima dili mkihati cha Imulungu.

Ugubulo 3:22

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu!”

Ugubulo 3:6

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu!