Ugubulo 2:16 - Biblia Kikutu

¹⁶ Avo, lekeni nzambi zenu! Kamba hamuleka, sambi baha nokwiza kuitowa na wanhu awo kwa panga dilawa mmulomo wangu.

Ugubulo 2:16 ပူးပေါင်းရင်းမြစ်များ

Waefeso 6:17

Ubokeleni ukombola kamba kofiya da kuvala mdipala, na Mbuli ya Imulungu iwe kamba panga dimugweleligwe na Loho Yang'alile.

2 Wasesalonike 2:8

Baho munhu ayo yehile kokoneka, lakini Mndewa Yesu vondayabwele komkoma kwa mhumuzi ilawa mmulomo wake na kumbananga kwa mng'alo wa kwiza kwake.

Ugubulo 1:16

Mumkono wake wa kudila kakala yagogile nhondo saba, na mmulomo wake dilawa panga dikanha kuno na kuno. Kihanga chake king'ala kamba zuwa da imisi.

Ugubulo 16:9

Wanhu wasomigwa na zuwa na wadiliga twaga da Imulungu, yeli na udahi kwa mikubulo ayo. Lakini hawalekile bule nzambi zao na kumgwaa ukulu Imulungu.

Ugubulo 19:15

Sime dikutwa dilawa mmulomo wake, na kwa sime dijo wanhu wa isi zose ohumwa. Kowatawala kwa mkongoja wa zuma, na koikama divai hanhu ha kukamila zabibu ha ng'hasiliki ya Imulungu yeli na Udahi wose.

Ugubulo 19:21

Waja iwakalizi zao wakomigwa kwa sime dilawile mmulomo wa ija yakwelile falasi, na ndege wose weguta mbuli ya nyama za ng'huli zao.

Ugubulo 2:12

“Kwa msenga wa kuulanga wa kibumbila cha wanhu wamtogole Yesu ako Peligamoni wandike vino, “Usenga uno olawa kwa ayo yeli na panga dikanha kuno na kuno.

Ugubulo 2:5

Gelegeza aho haugwile! Leka nzambi zako, sang'hana kamba viutendile ichanduso. Kamba huleka nzambi zako, nokwiza kukisegesa kinhu chako cha kwikila taa kulawa hanhu hake.

Ugubulo 22:20

Yesu yagubule ukweli wa mbuli zose zino, kolonga, “Ona nokwiza hima!” Niye nilonga, Ona. Izo, Mndewa Yesu!

Ugubulo 22:7

“Tegeleza! Nokwiza hima. Kamweda munhu yozigoga mbuli za ulaguzi zili mkitabu kino.”

Ugubulo 3:19

Niye nomkomhokela na kumkoboza munhu yoyose inimnogela. Avo, wamba kusang'hana ganogile na uleke nzambi zako.