Ugubulo 19:2 - Biblia Kikutu

² Kwavija nhaguso yake ya kweli na vivo viilondigwa! Imulungu kamtagusa ija imgoni mkulu yakalile yowagiza wanhu wa mwiisi kwa ugoni wake. Kamkoboza kwavija kawakoma wasang'hanaji zake!”

Ugubulo 19:2 ပူးပေါင်းရင်းမြစ်များ

Zabuli 19:9

Kumdumba Mndewa Imulungu kunoga, kokala milele. Malagizo ga Mndewa Imulungu ga kweli na gose gana haki.

Kumbukumbu 32:35

Niye ayo yonda nilihe gehile, niye nowaliha gehile mna ikipindi vonda walemelwe, kwavija siku da kubanangigwa kwao divika, na kimambukizo chao cha mmabehi.

Kumbukumbu 32:4

Mndewa Imulungu ayo Dibwe kulu da kuifisila, nzila zake za haki. Imulungu yotamaniligwa na yelibule kitala chochose, heyo kotenda kwa haki na katelela.

Kumbukumbu 32:43

Mweye wanhu wa isi ziyagwe, wadeng'heleleni wanhu zake, kwavija heyo koliha kwa damu ya wasang'hanaji zake, kowaliha awo omulema, na koisunha isi ya wanhu zake.”

Ugubulo 15:3

Wemba lwila lwa Musa msang'hanaji wa Imulungu na lwila lwa Mwanang'hondolo, “Gweye Mndewa Imulungu uli na Udahi wose, sang'hano zako ng'hulu na za unzonza! Mndewa wa isi zose, nzila zako zinoga na za ukweli!

Ugubulo 18:20

Ulanga, deng'helela mbuli ya kunangika kwake. Wanhu wa Imulungu na watumigwa na watula ndagu, deng'heleleni! Kwavija Imulungu kaditagusa mbuli ya gaja gayasang'hane kumwenu.

Ugubulo 18:3

Kwavija wanhu wa isi wakoligwa kwa divai kali ya kuwatenda wasulukile ugoni wake, na wandewa wakulu wa mwiisi watenda nayo ugoni. Na wachuuza vinhu wa mwiisi wapata ugoli kwa kusulukila kwake vinhu vihile.”

Ugubulo 6:10

Wakemelela ng'hani, “Go Mndewa utawalaga, ung'alile na mkweli! Lini vonda uwataguse wanhu wa mwiisi na kuwakoboza kwa kutukoma siye?”