Ugubulo 19:11 - Biblia Kikutu

¹¹ Abaho nyona ulanga uvuguligwa na kukala na falasi mzelu. Ayo yomkwela kakemigwa, “Yotamaniligwa” na “Kweli.” Ayo kotagusa na koitowa kwa mbuli ya gaja golondigwa.

Ugubulo 19:11 ပူးပေါင်းရင်းမြစ်များ

Zabuli 50:6

Ulanga osimulila haki yake, kwavija Imulungu mwenyego ayo msemi.

Zabuli 96:13

kuulongozi wa Mndewa Imulungu yokwiza, ona heyo kokwiza yaitaguse isi. Koitagusa isi yose kamba viilondigwa, na iwanhu wose kwa kweli yake.

Zabuli 98:9

kuulongozi wa Mndewa Imulungu, yokwiza yaitaguse isi yose. Koitagusa isi yose kwa haki, na iwanhu wose wa mwiisi kamba viilondigwa.

Zabuli 99:4

Mndewa kana nguvu na koinogela haki, gweye ayo uitawala haki, kugala nhaguso na haki kwa Izilaeli.

Kulawa 15:3

Mndewa Imulungu kamba munhu wa ng'hondo Mndewa Imulungu dijo twaga jake.

Yohana 1:51

Yesu kawalongela, “Nowalongeleni ukweli, mouwona ulanga ugubuka na wasenga wa kuulanga okwela na kuhumuluka uchanha ya Mwana wa Munhu.”

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,

Ugubulo 11:19

Ng'anda ya Imulungu kuulanga ivuguligwa, na sanduku da lagano joneka mumo. Kukala na mimwesa na mdudumo na ng'huwa na mtigisiko wa isi na mvula ng'hulu ya mabwe.

Ugubulo 19:19

Abaho nijona dija ding'onyo hamoja na wandewa wakulu wa mwiisi na wakalizi wao, waiting'hana hamoja watende ng'hondo na ija yakwelile falasi hamoja na wakalizi zake.

Ugubulo 19:21

Waja iwakalizi zao wakomigwa kwa sime dilawile mmulomo wa ija yakwelile falasi, na ndege wose weguta mbuli ya nyama za ng'huli zao.

Ugubulo 3:14

“Kwa msenga wa kuulanga wa kibumbila cha wanhu wamtogole Yesu ako Laodikea wandike vino, “Usenga uno olawa kwa ayo yokemigwa, Ona, yotamaniligwa na yogubula ukweli, yeli chanduso cha vinhu vose viyaumbile Imulungu.

Ugubulo 3:7

“Kwa msenga wa kuulanga wa kibumbila cha wanhu wamtogole Yesu ako Filadelifia wandike vino, “Usenga uno olawa kwa ayo yong'ala na mkweli. Ayo yeli na luvugulo lwa Daudi, na yahavugula kuduhu yodaha kuhinda, na yahahinda kuduhu yodaha kuvugula.

Ugubulo 4:1

Abaho ndagusiligwa kinhu kiyagwe, nyona lwivi luvuguligwa kuulanga. Na sauti ija imhulike ichanduso, iigalile na sauti ya mhalati, inongela, “Izo kuno uchanha, na niye nokulagusila gaja gonda galawilile aho kumwande.”

Ugubulo 6:2

Niye ndola, kumbe kukala na falasi imoja mzelu chuwee. Ayo yamkwelile kakala yagogile upinde, na kakala yagweleligwe taji. Kalawa kamba muhumaji na kugendelela kuhuma.