Ugubulo 19:1 - Biblia Kikutu

¹ Vigabitile gago mhulika kinhu kamba lunhu lwa wanhu kuulanga, olonga, “Imulungu yatogoligwe! Ukombola na ukulu na nguvu va kumwake Imulungu wetu!

Ugubulo 19:1 ပူးပေါင်းရင်းမြစ်များ

Zabuli 104:35

Wanhu wene nzambi wasegeswe mwiisi, wanhu otenda gehile sikuwoneke kabili. Gweye moyo wangu mtogole Mndewa Imulungu. Mtogoleni Mndewa Imulungu.

Zabuli 106:1

Mtogoleni Mndewa Imulungu, Mshukuluni Mndewa Imulungu kwavija kanoga, na unogelo wake hawishaga osigala milele.

Zabuli 111:1

Mtogoleni Mndewa Imulungu! Nomshukulu Mndewa Imulungu kwa moyo wangu wose, mumting'hano wa iwanhu weli na mizoyo igoloke.

Zabuli 115:18

Ila siye tuli wagima tomtogola Mndewa Imulungu, tomtogola sambi na milele. Mndewa Imulungu yatogolwe.

Zabuli 146:1

Mtogoleni Mndewa Imulungu! Loho yangu mtogole Mndewa Imulungu,

Zabuli 148:1

Mtogoleni Mndewa Imulungu. Mtogoleni Mndewa Imulungu kulawa kuulanga, mtogoleni kuko kuyeli uchanha.

Zabuli 149:1

Mtogoleni Mndewa Imulungu. Mwimbileni Mndewa Imulungu lwila lwa sambi, mumgwee nhogolwa mumting'hano wa wanhu otamanilwa.

Zabuli 150:1

Mtogoleni Mndewa Imulungu. Mtogoleni Imulungu hanhu hake hong'ala, mtogoleni ako kuulanga wake mkulu.

Zabuli 3:8

Ukombola olawa kwa Mndewa Imulungu, ukumweda kwako kukale kwa iwanhu wako.

Zabuli 62:11

Mwanza umoja Imulungu kalonga, miyanza mibili niihulika mbuli ino, kamba udahi wa Imulungu,

Matayo 6:13

Sikuutugele mmagezo, lakini utuhonye na ija Imdumuka. [Kwavija siku zose undewa ni wako na inguvu na ukulu. Ona.’]

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 12:10

Abaho mhulika sauti kuulanga ilonga, “Sambi Imulungu kawakombola wanhu wake na Imulungu mndewa wetu kolagusa nguvu zake! Sambi Kilisito iyamsagule kalagusa mamulaka gake! Kwavija yuyo yakalile yokwima kuulongozi wa Imulungu imisi na ikilo kuwalavila vitala ndugu zetu kasigwa hasi.

Ugubulo 19:6

Abaho mhulika kinhu kamba sauti ya lunhu mkulu lwa wanhu na sauti ya mazi mengi vigokilima na mdudumo, ilonga, “Imulungu yatogoligwe! Kwavija Mndewa Imulungu wetu yeli na Udahi wose kotawala!