Ugubulo 18:20 - Biblia Kikutu

²⁰ Ulanga, deng'helela mbuli ya kunangika kwake. Wanhu wa Imulungu na watumigwa na watula ndagu, deng'heleleni! Kwavija Imulungu kaditagusa mbuli ya gaja gayasang'hane kumwenu.

Ugubulo 18:20 ပူးပေါင်းရင်းမြစ်များ

Zabuli 107:42

Wanhu wanogile viwachone kinhu acho wadeng'helela, lakini wanhu wehile wanyamala tuluu.

Zabuli 109:28

Waleke waduwile, ila gweye unitambikile. Wose onivamila ogwa kinyala, lakini msang'hanaji wako kodeng'helela.

Zabuli 18:47

Imulungu ayo yanidahize kuwalihiza gehile, na kaweka hasi yangu iwanhu wa isi zose.

Zabuli 48:11

Lugongo lwa Sayuni lodeng'helela, vijiji va Yuda vodeng'helela, kwa nhaguso zako.

Zabuli 58:10

Wene haki odeng'helela wahawona wehile obwezelwa, na oibojoga damu ya iwanhu wehile.

Zabuli 94:1

Go Mndewa Imulungu, Imulungu uwabwezelaga iwanhu gehile, gweye Imulungu uwabwezelaga iwanhu gehile, umwemwese sambi.

Nongezi 11:10

Wanhu wene haki wahapata ganogile buga dodeng'helela, wasang'hana gehile wahabanangigwa wanhu oguta kwa deng'ho.

Waefeso 2:20

Na mweye vivija muzengwa mna ichandusilo kikigwe na watumigwa na watula ndagu wa Imulungu. Nayo Yesu Kilisito mwenyego ayo dibwe kulu da chandusilo.

Waefeso 3:5

Baho umwaka wanhu wakala hawavijuwile vinhu vino vifisigwe, lakini sambi Imulungu kawagubulila vinhu avo watula ndagu na watumigwa zake wang'alile kubitila Loho Yang'alile.

Waefeso 4:11

Heyo ayo, “yawagwelele wanhu nhunza.” Na kawasagula wanhu wayagwe wawe watumigwa na wayagwe wawe watula ndagu wa Imulungu, na wayagwe wawapetele wanhu Mbuli Inogile na wayagwe wawe wasusilaji na wafundiza.

Kumbukumbu 32:42

Misale yangu yokoligwa damu, sime jangu dokwiguta nyama, sime jangu dododa kwa damu ya vilonda va wafungwa, na awo onihila weli na mvili nhali.’

2 Petulo 3:2

Nolonda mukumbuke mbuli zilongigwe baho umwaka na watula ndagu wang'alile, na lagizo da Mndewa na Mkombola dimugweleligwe na watumigwa zenu.

Yuda 1:17

Lakini mweye mbwiga zangu, kumbukeni gaja gamulongeligwe baho umwaka na watumigwa wa Mndewa wetu Yesu Kilisito.

Ugubulo 12:12

Avo deng'helela gweye ulanga na wose okala mumo! Lakini zogaya isi na bahali! Kwavija Mwenembago keza kumwenu, kuno kamema ng'hasiliki, kajuwa kamba kasigaza kipindi kidodo.”

Ugubulo 18:6

Mtendeleni kamba viyawatendele mweye, mliheni miyanza mibili ya vija viyatendile. Mhanganyileni mkikasi chake kinhu kikali cha kung'wa miyanza mibili ya vija viyawagwelele mweye.

Ugubulo 6:10

Wakemelela ng'hani, “Go Mndewa utawalaga, ung'alile na mkweli! Lini vonda uwataguse wanhu wa mwiisi na kuwakoboza kwa kutukoma siye?”

Wasemi 5:31

Go, Mndewa Imulungu, iwanhu okwihila wapotele! Lakini awo okunogela gweye wawe kamba zuwa, vidilawa na kumwemwesa ng'hani!” Isi ikala itindiwale kwa miyaka malongo mane.