Ugubulo 17:5 - Biblia Kikutu

⁵ Mkihanga chake kandikigwa twaga dikalile na fambulo difisigwe, “Babeli buga kulu, mama wa wanhu wagoni na mbuli zigela kinyala ng'hani mwiisi.”

Ugubulo 17:5 ပူးပေါင်းရင်းမြစ်များ

Wafilipi 3:19

Wanhu awo obanangika, kwavija otambikila vija viwosulukila mzing'huli zao, na oigodela mbuli zigela kinyala na ogesa mbuli za mwiisi.

2 Wasesalonike 2:7

Avo nguvu ihile ya munhu ayo yehile isonga kusang'hana kwa kinyelegezi, lakini haikoneka mbaka ija yoigomesa yasegesigwe.

Ugubulo 1:20

Dino dijo fambulo da nhondo saba ziuwone mumkono wangu wa kudila, na vija vinhu saba va zahabu va kwikila taa. Nhondo saba awo wasenga wa kuulanga wa vibumbila saba va wanhu wamtogole Yesu, na vija vinhu saba va zahabu va kwikila taa vivo vibumbila saba va wanhu wamtogole Yesu.

Ugubulo 11:8

Mitufi yao yokala mna zinzila za buga kulu, hanhu hayawambigwe Mndewa wao. Twaga da kugwaza da buga dijo Sodoma hebu isi ya Misili.

Ugubulo 14:8

Msenga wa kabili wa kuulanga kamkweleleza ayo wa ichanduso kalonga, “Digwa! Buga kulu da Babeli digwa! Diwagwelele wanhu wa isi zose divai yake kali, divai iwatenda wanhu wasulukile kutenda ugoni!”

Ugubulo 16:19

Buga dija kulu ditulika vihande vidatu, mabuga gose ga mwiisi ganangika. Babeli buga kulu Imulungu hadisemwile kading'weza kikasi cha divai ya ng'hasiliki yake ng'hulu.

Ugubulo 17:1

Abaho imoja wa awo iwasenga saba wa kuulanga wakalile na mabakuli saba, keza kanongela, “Izo nikulagusile nhaguso ya ija imgoni mkulu, najo dijo buga kulu dizengigwe behi ya mazi mengi.

Ugubulo 17:2

Wandewa wa mwiisi watenda nayo ugoni, na wanhu okala mwiisi wakoligwa kwa divai ya ugoni wake.”

Ugubulo 17:7

Abaho ayo imsenga wa kuulanga kanongela, “Habali kokanganya? Niye nokulongela mbuli zifisigwe za mtwanzi ino na ng'onyo ajo diyakwelile dili na mapala saba na mhembe longo.

Ugubulo 18:2

Kalonga kwa sauti ng'hulu, “Kugwa! buga kulu da Babeli kugwa! Sambi kawa kae ya vinyamkela na loho zihile, kawa kae ya ndege wehile na wanyama ogevuza.

Ugubulo 18:21

Abaho, msenga imoja wa kuulanga yeli na udahi kenula dibwe diigalile na dibwe kulu da kudugila, kajasa mbahali kuno kolonga, “Vino vivo vonda jasigwe kwa nguvu, buga kulu da Babeli na honda joneke kabili.

Ugubulo 19:2

Kwavija nhaguso yake ya kweli na vivo viilondigwa! Imulungu kamtagusa ija imgoni mkulu yakalile yowagiza wanhu wa mwiisi kwa ugoni wake. Kamkoboza kwavija kawakoma wasang'hanaji zake!”

Ugubulo 7:3

Msenga ayo wa kuulanga kalonga, “Sikumwiinange isi hebu bahali hebu mibiki, mbaka tuwekile vilaguso mvihanga vao watumigwa wa Imulungu wetu.”