Ugubulo 16:17 - Biblia Kikutu

¹⁷ Abaho msenga wa saba wa kuulanga kakutula bakuli jake kuulanga. Mng'anda ya Imulungu kuna ikigoda cha undewa kulawa sauti, ilonga, “Imala kutendeka!”

Ugubulo 16:17 ပူးပေါင်းရင်းမြစ်များ

Yohana 19:30

Yesu viyang'wile ija idivai, kalonga, “Gamala!” Kaidulika kafa.

Waefeso 2:2

Kipindi kija mukala kwa ubananzi na kukweleleza gehile ga wanhu wa mwiisi ino, mukala momtegeleza mtawala wa gehile wa undewa wa ulanga, loho ija yowatawala wanhu iwoleka kumtegeleza Imulungu.

Waefeso 6:12

Kwavija siye hatuitowa na wanhu ila toitowa na nguvu za loho zihile zili kuulanga, toitowa na watawala na wakulu weli na nguvu, otawala isi imemile ziza.

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 11:19

Ng'anda ya Imulungu kuulanga ivuguligwa, na sanduku da lagano joneka mumo. Kukala na mimwesa na mdudumo na ng'huwa na mtigisiko wa isi na mvula ng'hulu ya mabwe.

Ugubulo 14:15

Abaho msenga iyagwe wa kuulanga kalawa mng'anda ya Imulungu ako kuulanga, kakemelela kamulongela ayo yakalile mdiwingu, “Chonde, sola sengo yako usenge vihandigwe, kwavija kipindi cha kusenga kivika, vihandigwe mwiisi vikangala.”

Ugubulo 14:17

Abaho msenga iyagwe wa kuulanga kalawa mng'anda ya Imulungu ako kuulanga, nayo vivija kakala na sengo ikutwa.

Ugubulo 16:1

Abaho mhulika sauti ng'hulu kulawa mng'anda ya Imulungu yolonga kwa waja iwasenga saba wa kuulanga, “Gendeni mkakutule mwiisi mabakuli gago saba ga ng'hasiliki ya Imulungu.”

Ugubulo 21:6

Abaho kanongela, “Imala kutendeka! Niye na Alufa na Omega, wa ichanduso na wa ikimambukizo. Munhu yoyose yeli na ng'hilu nomgwaa bule yang'we mazi ga nzasa ya ugima.