Ugubulo 15:3 - Biblia Kikutu

³ Wemba lwila lwa Musa msang'hanaji wa Imulungu na lwila lwa Mwanang'hondolo, “Gweye Mndewa Imulungu uli na Udahi wose, sang'hano zako ng'hulu na za unzonza! Mndewa wa isi zose, nzila zako zinoga na za ukweli!

Ugubulo 15:3 ပူးပေါင်းရင်းမြစ်များ

Mwanduso 17:1

Abulamu viyavikize miyaka malongo tisa na tisa, Mndewa Imulungu kamulawilila, kamulongela, “Niye na Imulungu yeli na Udahi wose, nhegeleze na utende ganogile.

Zabuli 100:5

Kwavija Mndewa Imulungu ayo yanogile, unogelo wake hawishaga okala milele, na kutamanilwa kwake ulelo mbaka ulelo.

Zabuli 105:5

Kumbukeni sang'hano zake za unzonza ziyasang'hane, vilaguso vake na nhaguso ziyalongile.

Zabuli 111:2

Sang'hano za Mndewa Imulungu ukulu bae, wose ozideng'helela ozigelegeza.

Zabuli 111:7

Sang'hano zake za haki na kweli, malagizo gake gose gotamanilwa.

Zabuli 139:14

Nokushukulu kwavija kunilumba kwa unzonza mkulu na kudumbiza. Sang'hano zako za unzonza, mbuli ayo noijuwa goya.

Zabuli 145:17

Mndewa Imulungu kana haki mnzila zake zose, na kotamaniligwa na viumbe vake vose.

Zabuli 145:6

Wanhu olonga mbuli zako za kudumbiza, na niye nosimulila ukulu wako.

Zabuli 18:30

Sang'hano za Imulungu zitelela, imbuli ya Mndewa Imulungu ya kweli, heyo ayo ngao kwa iwanhu wose omkimbilila.

Zabuli 78:12

Katenda unzonza mgameso ga iwahenga zao, ako Soani mwiisi ya Misili.

Zabuli 92:5

Go Mndewa Imulungu, lola vizili ng'hulu sang'hano zako, lola vigeli mazito magesa gako.

Zabuli 99:4

Mndewa kana nguvu na koinogela haki, gweye ayo uitawala haki, kugala nhaguso na haki kwa Izilaeli.

Yohana 1:17

Imulungu kalava Malagizo kubitila Musa, lakini Yesu Kilisito katugalila ng'hekewa na ukweli.

Kumbukumbu 31:30

Abaho Musa kazibwelela mbuli zose za lwila ulo mna gamagwiti ga Waizilaeli wose waiting'hane.

Kumbukumbu 32:3

Nodisimulila twaga da Mndewa Imulungu, na mweye mulonge, ‘Imulungu wetu Mkulu!’

Kumbukumbu 34:5

Avo, Musa msang'hanaji wa Mndewa Imulungu kafa kuko Moabu, kamba Mndewa Imulungu viyalongile.

1 Timoseo 1:17

Kumwake heyo yeli Mndewa siku zose, hafa na hakoneka, yeli Imulungu yaiyeka, nhogolwa na ukulu vake heyo siku zose! Ona.

Waebulania 3:5

Heyo Musa kakala msang'hanaji yotamaniligwa mwiisang'hano yake yose ayo. Sang'hano yake ayo ikala ilagusa mbuli zonda yalonge Imulungu baho kumwande.

Yoshua 22:5

Ila molondigwa mugagoge malagizo na gaja gayawalagize Musa imsang'hanaji wa Mndewa Imulungu, mumnogele Mndewa Imulungu, Imulungu wenu, na mukweleleze nzila zake na mugoge malagizo gake na mumgoge heyo na mumsang'hanile kwa mizoyo yenu yose na kwa loho zenu zose.”

Ugubulo 1:8

“Niye na Alufa na Omega, wa ichanduso na wa ikimambukizo,” kolonga Mndewa Imulungu yeli na Udahi wose, yakalile baha, yeli baha, na yonda yawe baha.

Ugubulo 11:17

walonga, “Tokugwaa asente Imulungu uli na Udahi wose, uli baha na ukalile baha! Kwavija kwa nguvu yako ng'hulu, kusonga kutawala!

Ugubulo 14:3

Wakala okwimba lwila lwa sambi kuulongozi wa kigoda cha undewa na kuulongozi wa viumbe vine vili na ugima na waja iwavele. Kuduhu munhu yadahile kuifunza lwila lulo ila wanhu waja waiyeka laki moja na elufu alobaini na nne wakomboligwe mwiisi.

Ugubulo 14:8

Msenga wa kabili wa kuulanga kamkweleleza ayo wa ichanduso kalonga, “Digwa! Buga kulu da Babeli digwa! Diwagwelele wanhu wa isi zose divai yake kali, divai iwatenda wanhu wasulukile kutenda ugoni!”

Ugubulo 17:14

Oitowa ng'hondo na Mwanang'hondolo, lakini Mwanang'hondolo hamoja na waja yawakemile na kuwasagula waja otamaniligwa, kowahuma kwavija yuyo Mndewa wa iwandewa na Mkulu wa iwakulu.”

Ugubulo 19:16

Mkiwalo chake na mdihaza jake jandikigwa twaga dino, “Mndewa wa iwandewa na Mkulu wa iwakulu.”

Ugubulo 19:2

Kwavija nhaguso yake ya kweli na vivo viilondigwa! Imulungu kamtagusa ija imgoni mkulu yakalile yowagiza wanhu wa mwiisi kwa ugoni wake. Kamkoboza kwavija kawakoma wasang'hanaji zake!”

Ugubulo 4:8

Viumbe avo vine vili na ugima vikala na mabawa sita kila kimoja, gamemile meso kunze na mgati. Kuduhu kubwihila, imisi na ikilo vokwimba, “Kang'ala, kang'ala, kang'ala, Mndewa Imulungu yeli na Udahi wose, yakalile baha, yeli baha, na yonda yawe baha.”