Ugubulo 14:7 - Biblia Kikutu

⁷ Kalonga kwa sauti ng'hulu, “Mdumbeni Imulungu na mumgwee ukulu! Kwavija kipindi chake cha kuwatagusa wanhu wa mwiisi kivika. Mtambikileni yuyo yaumbile ulanga na isi na bahali na nzasa za mazi!”

Ugubulo 14:7 ပူးပေါင်းရင်းမြစ်များ

Mwanduso 22:12

Kamulongela, “Sikuumulumize imwana. Sambi nojuwa komdumba Imulungu, kwavija hugomese bule mwanago yuumnogela.”

Zabuli 115:15

Mndewa Imulungu yalumbile ulanga na isi yawatendele ganogile.

Zabuli 124:8

Kutazigwa kwetu kolawa mditwaga da Mndewa Imulungu, yalumbile ulanga na isi yose.

Zabuli 33:6

Ulanga ulumbigwa kwa mbuli ya Mndewa Imulungu, ivinhu vose vili kuulanga vilumbigwa kwa mhumuzi ya mulomo wake.

Zabuli 36:1

Nzambi yolonga na imunhu yehile, mgati mmoyo wake, haduhu kumdumba Imulungu mgameso gake.

Zabuli 89:7

Kumting'hano wa iwanhu wa Imulungu, Imulungu kodumbigwa ng'hani, kodumbigwa kubanza wose omzunguluka.

Zabuli 95:5

Bahali yake heyo, heyo kailumba, na makono gake galumba isi inyalile.

Kulawa 20:11

Kwavija kwa siku sita niye Mndewa Imulungu, nilumba ulanga na isi na bahali na vinhu vose vili mgati yake, abaho nibwihila siku ya saba. Lekaavo niye Mndewa Imulungu, niitenda siku ya kubwihila inoga na ing'ala.

Matayo 25:13

Yesu kamambukiza kwa kulonga, “Muiteganye, kwavija hamuijuwile siku hebu saa.

Luka 17:18

Vino kuduhu iyagwe yabwelile kumgwaa nhogolwa Imulungu, ila munhu ino hali muyahudi?”

Sang'hano 14:15

“Habali motenda vivo? Siye vivija twa wanhu kamba mweye! Siye twiza hano kuwapetela Mbuli Inogile, muleke kumtendela gehile Imulungu yeli Mgima, yaumbile ulanga na isi na bahali na vose vili mgati yake.

Yoshua 7:19

Abaho Yoshua kamulongela Akani, “Mwanangu mtogole Mndewa Imulungu, Imulungu wa Izilaeli, na umgwelele nhogolwa. Nilongele gaja gautendile na sikuunifise chochose.”

1 Petulo 4:7

Ukumala kwa kila kinhu kwa mmabehi. Avo molondigwa mugese goya na muilongoze wenyego ili mudahe kumpula Imulungu.

Ugubulo 11:13

Kipindi kikija kukala na mtigisiko mkulu ng'hani wa isi, hanhu ha longo ha isi inangika, na wanhu elufu saba wakomigwa kwa mtigisiko awo. Wanhu wasigale wadumba ng'hani, wamgwaa ukulu Imulungu wa kuulanga.

Ugubulo 11:18

Wanhu wa isi zose wagevuzika, lakini kipindi cha ng'hasiliki yako kivika, kipindi cha kutagusigwa wanhu wafile. Kipindi kivika cha kuwagwaa nhunza watula ndagu, awo iwasang'hanaji wako, wanhu wako wose okugwaa ukulu, wakulu kwa wadodo. Kipindi cha kuwananga wanhu wanangile isi kivika!”

Ugubulo 15:4

Vino nani yoleka kukudumba gweye Mndewa? Vino nani yoleka kudigwaa ukulu twaga jako? Gweye wiiyeka ayo ung'alile. Wanhu wa isi zose okwiza kumwako na kukutambikila, kwavija kulagusa kotagusa bila kubagula.”

Ugubulo 16:9

Wanhu wasomigwa na zuwa na wadiliga twaga da Imulungu, yeli na udahi kwa mikubulo ayo. Lakini hawalekile bule nzambi zao na kumgwaa ukulu Imulungu.

Ugubulo 18:10

Okwima kutali kwa kudumba magayo gake na olonga, “Kogaya! Kogaya gweye Babeli buga kulu dili na udahi! Kwavija kutagusigwa kwa saa dimoja diiyeka!”

Ugubulo 18:17

Kwa saa dimoja diiyeka ugoli wako upotela!” Abaho walosaji wose na wanhu okwela meli, na wanhu osang'hana mwiimeli na wanhu wose osang'hana mbahali, wema kutali,

Ugubulo 18:19

Wagoga mapala gao, walila na kuiyalala, “Kugaya! Kugaya buga kulu! Kwavija wanhu wose weli na meli zigenda mbahali wapata ugoli kubitila ugoli wako. Na kwa saa dimoja diiyeka kwagiza kila kinhu!”

Ugubulo 19:5

Abaho ilawilila sauti kulawa mkigoda cha ukulu, ilonga, “Mtogoleni Imulungu, mweye mose muli wasang'hanaji zake, mweye mumdumba Imulungu, wose wakulu kwa wadodo.”

Ugubulo 4:11

“Mndewa wetu na Imulungu wetu, kofaya, kugweleligwa ukulu na kutegelezigwa na nguvu, kwavija kulumba kila kinhu, na kwa kulonda mwenyego viwa baho na vokoneka.”

Ugubulo 4:9

Kipindi viumbe avo vili na ugima, viwomgwaa ukulu, na kumtegeleza na kumulongela asente ayo yakalile mkigoda cha undewa ayo yeli mgima siku zose,

Ugubulo 8:10

Msenga wa kadatu wa kuulanga katowa mhalati yake. Nhondo ng'hulu, ikwaka kamba wenge da moto, igwa kulawa kuulanga na igwila selusi imoja ya mizanda ya mazi na vizanda.

1 Samweli 6:5

Avo mutende vinyago va imipute na vinyago va iwambewa obananga isi yenu na mumgwee ukulu Imulungu wa Izilaeli. Sengine koleka kuwakoboza mweye na imilungu yenu na isi yenu.