Ugubulo 14:2 - Biblia Kikutu

² Mhulika sauti kulawa kuulanga, iigalile na mazi mengi vigokilima na mdudumo. Sauti imhulike ikala kamba sauti ya watowa bango viwotowa bango jao.

Ugubulo 14:2 ပူးပေါင်းရင်းမြစ်များ

2 Samweli 6:5

Daudi na Waizilaeli wose wakala ovina haulongozi wa Mndewa Imulungu kwa udahi wao wose, kwa kwimba nyila, watowa bango na kilimba na ngoma na manyanga, na vinhu viyagwe.

Zabuli 147:7

Mwimbileni Mndewa Imulungu nyila za kumgwaa nhogolwa, mtoweleni bango Imulungu wetu.

Zabuli 149:3

Waditogole twaga jake kwa kuvina, wamwimbile kwa ngoma na bango.

Zabuli 33:2

Mtogoleni Mndewa Imulungu kwa bango, mwimbileni kwa kilimba kili na nzabi longo.

Zabuli 43:4

Abaho nochola kuupango wa nhosa wa Imulungu, heyo konigwaa deng'ho na konitenda niseke. Nokushukulu kwa bango gweye Imulungu, Imulungu wangu.

Zabuli 57:8

Lamuka gweye loho yangu, lamuka gweye bango na kilimba, noilamusa imitondo.

Zabuli 92:3

kwa kilimba kili na nzabi longo, na kwa sauti ya bango.

Zabuli 93:4

Heyo mkulu kubanza mazi mengi vigobuma, heyo mkulu kubanza ng'humbi ya bahali, Mndewa Imulungu yokala uchanha ng'hani ayo mkulu.

Zabuli 98:5

Mtambikileni Mndewa Imulungu lwila kwa bango, imbeni kwa bango na kwa sauti ya lwila.

Kulawa 19:16

Imitondo siku ya kadatu kukala na ng'huwa na mimwesa na wingu kulu dilawilila kulugongo, na sauti ng'hulu ya mhalati ihulikigwa. Wanhu wose mna ing'hambi wagwaya kwa bwembwe.

Kulawa 20:18

Wanhu wona mimwesa na kuhulika ng'huwa na mhalati, na lugongo vilulavile yosi, wanhu viwagone gago wagwaya na kwima kutali.

1 Wakolinto 13:1

Hata nahadaha kulonga ulonzi wa wanhu na hata wa wasenga wa kuulanga, lakini kamba nabule unogelwa, ulonzi wangu nyangi ziiyeka kamba munhu yotowa mpatu kuna dizengele hebu nyangili.

Ugubulo 1:10

Mna isiku ya Mndewa nimema Loho wa Imulungu, mhulika sauti ng'hulu, iigalile na sauti ya mhalati, inongela kuchugu changu.

Ugubulo 1:15

magulu gake gang'ala kamba shaba isomigwe na kusunhigwa ng'hani, sauti yake ibuma kamba mazi gokilima.

Ugubulo 11:12

Abaho watula ndagu awo wabili wahulika sauti ng'hulu kuulanga, ilonga, “Izoni kuno!” Wachola kuulanga mna diwingu, kuno wanhu wawehile owalola.

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 15:2

Abaho nyona kinhu kamba bahali ya kiyoo ihanganyigwe na moto. Vivija niwona wanhu waja wadihumile dija ding'onyo na sanamu yake na dijo twaga jake dolagusigwa kwa namba. Wanhu awo wema kumgwazo wa ija ibahali ya kiyoo kuno wagoga mabango gawagweleligwe na Imulungu.

Ugubulo 18:22

Sauti za bango na sauti za vilonge longe na mhalati, honda zihulikigwe kabili mgati mwako! Kuduhu munhu yoyose yosang'hana yonda yahulikigwe kabili mgati mmwako, hebu sauti za dibwe da kudugila honda zihulikigwe kabili mgati mmwako.

Ugubulo 5:8

Bahaja viyakisolile acho ikitabu avo iviumbe vine vili na ugima hamoja na waja iwavele malongo mabili na nne wagwa kingubanguba kuulongozi wa Mwanang'hondolo. Kila imoja wao kakala na bango na bakuli za zahabu zimemile ubani, ubani awo ako kupula kwa wanhu wa Imulungu.

Ugubulo 6:1

Abaho nimona Mwanang'hondolo kobandula fundo ya uhota ya ichanduso mna zifundo saba, nimuhulika imoja wa viumbe wane weli na ugima kolonga kwa sauti ng'hulu kamba ya ng'huwa, “Izo!”

Ugubulo 8:7

Msenga wa kuulanga wa ichanduso katowa mhalati yake. Mvula ya mabwe na moto, vihanganyigwe na damu vikutuligwa mwiisi. Selusi imoja ya isi ilukula na selusi imoja ya mibiki ilukula na mijani mibisi yose ilukula.