Ugubulo 14:15 - Biblia Kikutu

¹⁵ Abaho msenga iyagwe wa kuulanga kalawa mng'anda ya Imulungu ako kuulanga, kakemelela kamulongela ayo yakalile mdiwingu, “Chonde, sola sengo yako usenge vihandigwe, kwavija kipindi cha kusenga kivika, vihandigwe mwiisi vikangala.”

Ugubulo 14:15 ပူးပေါင်းရင်းမြစ်များ

Mwanduso 15:6

Abulamu kamtogola Mndewa Imulungu na kwa mbuli ayo Mndewa Imulungu kamgesa Abulamu kamba munhu yanogile mgameso gake.

Matayo 13:30

Lekeni uhemba na sani vikule hamoja mbaka kipindi cha kusenga. Baho nowalongela wasengaji wasonge kuikanha isani na kuifunga makinza na kuisoma moto, abaho wausole uhemba na wawike kukanho jangu.’ ”

Matayo 13:39

Ija yamwihile yahandile sani ayo Mwenembago. Kusenga ayo siku ya kimambukizo, na wasengaji ni wasenga wa kuulanga.

Matayo 23:32

Avo mambukizeni kija wakisongile wahenga zenu.

Maluko 4:29

Uhemba wahakangala, munhu ayo kosola sengo na kosonga kusenga kwavija kipindi cha kusenga kivika.”

1 Wasesalonike 2:16

Vivija walonda kutugomesa sikutuwapetele wanhu haweli Wayahudi usenga onda uwakombole. Vino avo viwamambukize nzambi zose ziwatendile siku zose. Lakini sambi Imulungu kawagevuzikila na kuwatagusa!

Ugubulo 11:19

Ng'anda ya Imulungu kuulanga ivuguligwa, na sanduku da lagano joneka mumo. Kukala na mimwesa na mdudumo na ng'huwa na mtigisiko wa isi na mvula ng'hulu ya mabwe.

Ugubulo 13:12

Dikala na udahi wose wa ajo ding'onyo da ichanduso, na diusang'hanila udahi awo hanhu ha ajo ding'onyo. Diinanahiza isi yose na wanhu okala mumo waditambikile ng'onyo ajo da ichanduso dikalile na londa kudipala abaho dihona.

Ugubulo 14:14

Abaho ndola nyona kukala na wingu zelu, na ayo yakalile mdiwingu kaigala na Mwana wa Munhu. Kakala na taji da zahabu mdipala jake na sengo ikutwa mumkono wake.

Ugubulo 14:16

Baho ayo yakalile mdiwingu kazungulusa sengo yake mwiisi, na vihandigwe mwiisi visengigwa.

Ugubulo 14:17

Abaho msenga iyagwe wa kuulanga kalawa mng'anda ya Imulungu ako kuulanga, nayo vivija kakala na sengo ikutwa.

Ugubulo 14:18

Abaho msenga iyagwe wa kuulanga, yakalile mulolesaji wa moto, kalawa muupango wa kulavila nhosa kamulongela kwa sauti ng'hulu ayo msenga wa kuulanga yakalile na sengo ikutwa, “Sola sengo yako ikutwa ukanhe vimvaba va zabibu vili mumgunda wa mizabibu uli mwiisi, kwavija zabibu zipa!”

Ugubulo 15:6

Avo waja iwasenga saba wa kuulanga wakalile na mikubulo saba walawa mng'anda ya Imulungu, kuno wavala viwalo vitengenezigwe kwa kitani inogile ing'ala na mikwiji ya zahabu ifungigwa kuzunguluka mhambaga zao.

Ugubulo 16:17

Abaho msenga wa saba wa kuulanga kakutula bakuli jake kuulanga. Mng'anda ya Imulungu kuna ikigoda cha undewa kulawa sauti, ilonga, “Imala kutendeka!”

Ugubulo 6:10

Wakemelela ng'hani, “Go Mndewa utawalaga, ung'alile na mkweli! Lini vonda uwataguse wanhu wa mwiisi na kuwakoboza kwa kutukoma siye?”