Ugubulo 13:6 - Biblia Kikutu

⁶ Avo disonga kumuliga Imulungu, kadiliga twaga da Imulungu na hanhu hoyokala na wose okala kuulanga.

Ugubulo 13:6 ပူးပေါင်းရင်းမြစ်များ

Zabuli 73:9

Milomo yao yolonga gehile hata kwa ulanga, na olonga kwa kuitapa kwa wanhu wayagwe.

Matayo 12:34

Mweye lukolo lwa mizoka! Vino modahaze kulonga mbuli zinogile na kuno mweye wenyego mwiha? Kwavija munhu kolonga kija kimemile muumoyo.

Matayo 15:19

Kwavija muumoyo wa munhu, mumo mulawa magesa gehile, ubavi, ukomaji, ugoni, kuwalonga wayagwe vihile, uvizi na nzambi.

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Walumi 3:13

Mitundu melo yao iigala na mapanga hagafukiligwe milimi yao yolonga uvizi, na mumilomo yao zolawa mbuli zili na sumu iigalile na sumu ya mgendela hasi,

Wakolosai 1:19

Kwavija Imulungu kanogelwa kumtenda Mwanage yamuhale kwa kila kinhu.

Wakolosai 2:9

Kwavija mgati mwa Kilisito mumo ukala kutelela kwa Imulungu,

Waebulania 9:2

Hema da kutambikila dizengwa, na mwambu wa kunze wa kwingilila ukemigwa Gati Ding'alile. Mgati kukala na kingolobweda cha kwikila taa na meza na kukala na magate galavigwe kwa Imulungu.

Waebulania 9:24

Kwavija Kilisito hengile Mdigati Ding'alile dizengigwe na wanhu, dili kilaguso cha kija chenyego kili kuulanga lakini kengila kuulanga kwenyego, ako sambi ka haulongozi ha Imulungu kokoneka mbuli ya siye.

Ugubulo 11:12

Abaho watula ndagu awo wabili wahulika sauti ng'hulu kuulanga, ilonga, “Izoni kuno!” Wachola kuulanga mna diwingu, kuno wanhu wawehile owalola.

Ugubulo 12:12

Avo deng'helela gweye ulanga na wose okala mumo! Lakini zogaya isi na bahali! Kwavija Mwenembago keza kumwenu, kuno kamema ng'hasiliki, kajuwa kamba kasigaza kipindi kidodo.”

Ugubulo 15:5

Vigabitile gano nyona ng'anda ya Imulungu kuko kuulanga ivuguligwa, na mgati yake hema dilagusa Imulungu kabaho.

Ugubulo 18:20

Ulanga, deng'helela mbuli ya kunangika kwake. Wanhu wa Imulungu na watumigwa na watula ndagu, deng'heleleni! Kwavija Imulungu kaditagusa mbuli ya gaja gayasang'hane kumwenu.

Ugubulo 21:3

Abaho mhulika sauti ng'hulu kulawa kukigoda cha undewa, “Sambi kae ya Imulungu ya hamoja na wanhu! Kokala nao, na hewo okuwa wanhu zake. Imulungu mwenyego kokuwa nao. Nayo kokuwa Imulungu wao.

Ugubulo 4:1

Abaho ndagusiligwa kinhu kiyagwe, nyona lwivi luvuguligwa kuulanga. Na sauti ija imhulike ichanduso, iigalile na sauti ya mhalati, inongela, “Izo kuno uchanha, na niye nokulagusila gaja gonda galawilile aho kumwande.”

Ugubulo 4:4

Kuzunguluka kigoda cha undewa kukala na vigoda viyagwe malongo mabili na nne, na mvigoda avo wakala wavele malongo mabili na nne wavalile viwalo vizelu na wana taji ya zahabu mmapala.

Ugubulo 5:13

Abaho nihulika kila kinhu kiumbigwe kuulanga, mwiisi, hasi kowochola wanhu wafile, mbahali na vose vili mumo, vilonga, “Kumwake ayo yakalile mkigoda cha undewa na kwa Mwanang'hondolo, wabokele nhogolwa na kutegelezigwa na ukulu na udahi, siku zose!”

Ugubulo 7:15

Lekaavo wema kuulongozi wa kigoda cha undewa wa Imulungu na omsang'hanila imisi na ikilo mng'anda yake. Ayo yokala mkigoda cha undewa kokala nao na kowakaliza.

Ugubulo 7:9

Abaho ndola, nyona lunhu lwa wanhu mkulu ng'hani, kuduhu munhu yodaha kuwapeta, wanhu awo walawa kila isi na lukolo na ulonzi na kabila. Wema kuulongozi wa kigoda cha undewa na kuulongozi wa Mwanang'hondolo. Wavala viwalo vizelu na wagoga mibunho ya biki da mtende.