Ugubulo 13:3 - Biblia Kikutu

³ Pala dimoja da ng'onyo ajo joneka na ng'hovu ya londa dilondile kumkoma, lakini londa jake dihona. Wanhu wa mwiisi yose wakanganya na kudikweleleza.

Ugubulo 13:3 ပူးပေါင်းရင်းမြစ်များ

Luka 2:1

Kipindi acho, Agusito, Mndewa wa Lumi, kalagiza wanhu wose mwiisi ya Lumi wapetigwe.

Yohana 12:19

Abaho Mafalisayo wailongela, “Mona, hatudaha kutenda chochose! Loleni wanhu wose wa mwiisi omkweleleza!”

Sang'hano 8:13

Simoni nayo katogola, viyamambukize kubatizigwa kakala yokwanga na Filipo na kakanganya viyone unzonza na vilaguso vikalile vitendigwa.

Ugubulo 13:12

Dikala na udahi wose wa ajo ding'onyo da ichanduso, na diusang'hanila udahi awo hanhu ha ajo ding'onyo. Diinanahiza isi yose na wanhu okala mumo waditambikile ng'onyo ajo da ichanduso dikalile na londa kudipala abaho dihona.

Ugubulo 13:14

Diwavizila wanhu okala mwiisi kwa kubitila unzonza diutendile hanhu ha ng'onyo da ichanduso. Ajo ding'onyo diwalongela wanhu wazenge sanamu kwa kuditogola ding'onyo dikalile dilumile kwa sime lakini diwa gima kabili.

Ugubulo 17:10

Mna iwao wandewa saba, wandewa watano wabanangigwa mbe, imoja kogendelela kutawala na imoja yang'hali hanakwiza, na yaheza kotawala kwa kipindi kidodo.

Ugubulo 17:11

Ajo ding'onyo dikalile gima aho haichanduso lakini sambi hadili gima kabili ni mndewa wa nane. Nayo vivija ni imoja wa iwaja wandewa saba na kobanangigwa.

Ugubulo 17:13

Wandewa wano wose longo ogesa dimoja, na odigwaa ajo ding'onyo nguvu zao na udahi wao.

Ugubulo 17:17

Kwavija Imulungu keka magesa gake goyolonda kusang'hana mmizoyo yao, kwa hewo kuitogolela na kudigwaa ajo ding'onyo udahi wao wa kutawala mbaka gaja gayalongile Imulungu gavikizwe.

Ugubulo 17:6

Nimona mtwanzi ayo kakoligwa damu ya wanhu wa Imulungu, na damu ya wanhu wakomigwe mbuli ya kugendelela kumtamanila Yesu. Vinimonile ng'hanganya ng'hani.

Ugubulo 17:8

Ng'onyo ajo diujone, aho haichanduso dikala gima lakini sambi difa. Dolawa kudikolombo dilibule uhelelo, lakini dobanangigwa. Wanhu okala mwiisi awo matwaga gao hagandikigwe mna ikitabu cha ugima toka kulumbigwa kwa isi, okanganya kujona ng'onyo ajo dikalile gima aho haichanduso na sambi difa na dolawilila kabili!