Ugubulo 13:11 - Biblia Kikutu

¹¹ Abaho nijona ng'onyo diyagwe dolawa mwiisi. Dikala na mhembe mbili kamba mhembe za ng'hondolo, dilonga kamba dija dizoka.

Ugubulo 13:11 ပူးပေါင်းရင်းမြစ်များ

Matayo 7:15

“Iteganyeni na watula ndagu wa uvizi. Owezila kwa kukoneka kwa kunze kamba ng'hondolo, lakini mgati mmwao waigala na mbwizi.

Walumi 16:18

Kwavija wose otenda kamba vivo hawamsang'hanila Mndewa wetu Kilisito, lakini osang'hana mbuli ya zinda zao. Kwa mbuli zao zaumulile na ulonzi wa kutewenza owavizila wanhu hawaujuwile uvizi awo choni.

2 Wasesalonike 2:4

Kovilema vinhu vose wanhu ovitambikila na kuvikema mulungu na koika mwenyego uchanha mwa kila kinhu. Baho kokwingila na kukala Mng'anda ya Imulungu na kulonga heyo ayo Imulungu.

Ugubulo 11:7

Wahamambukiza kulonga usenga wao, ng'onyo dilawa kudikolombo dilibule uhelelo doitowa nao. Najo dowahuma na dowakoma.

Ugubulo 12:17

Avo zoka dijo digevuzika ng'hani, disegela dichola kuitowa na wana wayagwe wa mtwanzi yuyo, awo wao wanhu ogoga malagizo ga Imulungu na ogoga ukweli ugubuligwe na Yesu.

Ugubulo 13:1

Abaho nijona ng'onyo dolawa mbahali. Dina mhembe longo na mapala saba, uchanha ya kila mhembe kukala na taji na uchanha ya kila pala kukala na twaga da kumuliga Imulungu.

Ugubulo 13:17

Kuduhu munhu yodaha kugula hebu kuchuuza kinhu kamba kabule kilaguso acho, kilaguso acho ni twaga da ajo ding'onyo hebu namba za twaga dijo.

Ugubulo 13:4

Wanhu wose waditambikila zoka dijo kwavija dimgwaa ajo ding'onyo udahi wake. Vivija waditambikila ajo ding'onyo walonga, “Nani yaigalile na ng'onyo dino? Nani yodaha kuitowa najo?”

Ugubulo 16:13

Abaho niwona vinyamkela wadatu waigalile na mibulwa, imoja kalawa mudilomo da dija dizoka na iyagwe mudilomo da dija ding'onyo na iyagwe mmulomo wa ija imtula ndagu wa uvizi.

Ugubulo 17:6

Nimona mtwanzi ayo kakoligwa damu ya wanhu wa Imulungu, na damu ya wanhu wakomigwe mbuli ya kugendelela kumtamanila Yesu. Vinimonile ng'hanganya ng'hani.

Ugubulo 17:8

Ng'onyo ajo diujone, aho haichanduso dikala gima lakini sambi difa. Dolawa kudikolombo dilibule uhelelo, lakini dobanangigwa. Wanhu okala mwiisi awo matwaga gao hagandikigwe mna ikitabu cha ugima toka kulumbigwa kwa isi, okanganya kujona ng'onyo ajo dikalile gima aho haichanduso na sambi difa na dolawilila kabili!