Ugubulo 12:3 - Biblia Kikutu

³ Abaho kilaguso kiyagwe cha kukanganya choneka kuulanga. Zoka kulu dung'hu yau na dikala na mapala saba na mhembe longo, na kila pala dikala na taji.

Ugubulo 12:3 ပူးပေါင်းရင်းမြစ်များ

Ugubulo 12:1

Abaho kilaguso cha kukanganya choneka kuulanga. Kukala na mtwanzi yavalile zuwa na yakalile na mbalamwezi mmagulu gake na kudipala jake kavala taji ya nhondo longo na mbili.

Ugubulo 12:13

Zoka dijo vijone jasigwa mwiisi, disonga kumsaka mtwanzi ija yalelile mwana wa ikimbigalo.

Ugubulo 12:17

Avo zoka dijo digevuzika ng'hani, disegela dichola kuitowa na wana wayagwe wa mtwanzi yuyo, awo wao wanhu ogoga malagizo ga Imulungu na ogoga ukweli ugubuligwe na Yesu.

Ugubulo 12:4

Zoka dijo kwa kila jake dibulula selusi imoja ya nhondo za kuulanga na dizasila mwiisi. Najo dima kuulongozi wa mtwanzi yuyo yakalile yolonda kulela, ili baho imwana yahavumbuka dimsukile.

Ugubulo 12:7

Abaho kulawilila ng'hondo kuulanga. Mikaeli na wasenga wayage wa kuulanga waitowa na zoka dijo, najo dizoka hamoja na wasenga zake diitowa nao,

Ugubulo 12:9

Avo zoka dijo kulu jasigwa hasi, najo dijo zoka da umwaka, dikemigwa ija Imdumuka hebu Mwenembago, najo dijo diwavizila wanhu wose wa mwiisi. Jasigwa hasi mwiisi hamoja na wasenga zake.

Ugubulo 13:1

Abaho nijona ng'onyo dolawa mbahali. Dina mhembe longo na mapala saba, uchanha ya kila mhembe kukala na taji na uchanha ya kila pala kukala na twaga da kumuliga Imulungu.

Ugubulo 13:2

Ng'onyo dijo diigala na duma, na dina mifumbi kamba ya dubu na lomo jake diigala na lomo da simba. Zoka dijo dimgwaa ajo ding'onyo nguvu yake na kigoda chake cha undewa na udahi wake.

Ugubulo 13:4

Wanhu wose waditambikila zoka dijo kwavija dimgwaa ajo ding'onyo udahi wake. Vivija waditambikila ajo ding'onyo walonga, “Nani yaigalile na ng'onyo dino? Nani yodaha kuitowa najo?”

Ugubulo 15:1

Abaho ndola kuulanga nyona kilaguso kiyagwe kikulu cha kukanganya. Kukala na wasenga saba wa kuulanga wakalile na mikubulo saba ya uhelelo, kwa mikubulo ayo saba ng'hasiliki ya Imulungu yokuwa imala.

Ugubulo 16:13

Abaho niwona vinyamkela wadatu waigalile na mibulwa, imoja kalawa mudilomo da dija dizoka na iyagwe mudilomo da dija ding'onyo na iyagwe mmulomo wa ija imtula ndagu wa uvizi.

Ugubulo 17:12

“Zija mhembe longo ziwone awo wandewa, awo wang'hali hawanasonga kutawala. Lakini ogweleligwa udahi wa kulongoza kwa saa dimoja hamoja na ajo ding'onyo.

Ugubulo 17:16

Mhembe longo ziwone na dija ding'onyo, vomwihila ija imgoni. Omboka kila kinhu kiyali nacho na omuleka mwazi, oija nyama yake na kumsoma moto.

Ugubulo 17:7

Abaho ayo imsenga wa kuulanga kanongela, “Habali kokanganya? Niye nokulongela mbuli zifisigwe za mtwanzi ino na ng'onyo ajo diyakwelile dili na mapala saba na mhembe longo.

Ugubulo 19:12

Meso gake kamba lambi da moto, na kavala mataji mengi mdipala jake. Kakala yandikigwe twaga, kuduhu yoyose yadijuwile ila heyo mwenyego yaiyeka.

Ugubulo 20:2

Kadigoga dija dizoka, zoka da umwaka najo dijo ija Imdumuka, hebu Mwenembago, kadifunga kwa kipindi cha miyaka elufu imoja.