Ugubulo 12:2 - Biblia Kikutu

² Kakala na inda, na kalila kwa usungu kamba usungu wa kulela mwana.

Ugubulo 12:2 ပူးပေါင်းရင်းမြစ်များ

Matayo 24:8

Gano gose kamba mwanduso wa usungu wa kulela mwana.

Yohana 16:21

Kipindi mtwanzi yahalonda kulela, konyunyuwala kwavija kipindi chake cha kugaya kivika, lakini mwana king'hele yahavumbuka, koisemwa kugaya kwake, kodeng'helela kwavija kalela mwana king'hele mwiisi.

Wagalatia 4:19

Wanangu! Kamba vija mtwanzi viyogaya kipindi cha kulela mwana, na niye nowagaiya mbaka Kilisito vonda yalumbigwe mgati mmwenu.

Wagalatia 4:27

Kwavija Maandiko Gang'alile golonga, “Deng'helela gweye mtwanzi uli mgumba, Toa lukenze gweye hupatile usungu wa kulela mwana! Kwavija wana wa mtwanzi yalekigwe okuwa wengi kubanza wana wa mtwanzi yokala na mkasano.”

Ugubulo 12:4

Zoka dijo kwa kila jake dibulula selusi imoja ya nhondo za kuulanga na dizasila mwiisi. Najo dima kuulongozi wa mtwanzi yuyo yakalile yolonda kulela, ili baho imwana yahavumbuka dimsukile.