Ugubulo 12:12 - Biblia Kikutu

¹² Avo deng'helela gweye ulanga na wose okala mumo! Lakini zogaya isi na bahali! Kwavija Mwenembago keza kumwenu, kuno kamema ng'hasiliki, kajuwa kamba kasigaza kipindi kidodo.”

Ugubulo 12:12 ပူးပေါင်းရင်းမြစ်များ

Luka 15:10

Vivija nowalongela, wasenga wa Imulungu odeng'helela mbuli ya munhu imoja mwene nzambi yahaleka nzambi zake.”

Luka 2:14

“Ukulu kwa Imulungu yeli Uchanha Ng'hani kuulanga, na tindiwalo diwe kwa wanhu wa mwiisi yawanogele!”

Waebulania 10:37

Kwavija Maandiko Gang'alile golonga, “King'hali kipindi kidodo, na ija iyokwiza kokwiza, honda yakawe bule.

2 Petulo 3:8

Ndugu zangu, sikumuisemwe kinhu kino, mgameso ga Mndewa siku dimoja sawa na miyaka magana longo, na miyaka magana longo sawa na siku dimoja.

Ugubulo 10:6

kaiduwila kwa twaga da Imulungu yeli mgima siku zose, yaumbile ulanga na isi na bahali na vinhu vose vili mumo. Kalonga, “Kipindi cha kubetela kibita!

Ugubulo 11:10

Wanhu okala mwiisi oideng'helela ifa ya wanhu awo wabili. Otenda nyimwilinyimwili na kuigwaa nhunza, kwavija watula ndagu awo wabili wawagaza ng'hani wanhu wa mwiisi.

Ugubulo 11:14

Magayo gakabili gabita, lakini gang'hali gakadatu gokwiza sambi.

Ugubulo 12:9

Avo zoka dijo kulu jasigwa hasi, najo dijo zoka da umwaka, dikemigwa ija Imdumuka hebu Mwenembago, najo dijo diwavizila wanhu wose wa mwiisi. Jasigwa hasi mwiisi hamoja na wasenga zake.

Ugubulo 13:6

Avo disonga kumuliga Imulungu, kadiliga twaga da Imulungu na hanhu hoyokala na wose okala kuulanga.

Ugubulo 18:20

Ulanga, deng'helela mbuli ya kunangika kwake. Wanhu wa Imulungu na watumigwa na watula ndagu, deng'heleleni! Kwavija Imulungu kaditagusa mbuli ya gaja gayasang'hane kumwenu.

Ugubulo 8:13

Abaho ndola, nimuhulika mhungu koguluka uchanha ng'hani kuulanga kuno kokemelela, “Ogaya, ogaya, ogaya! Wanhu okala mwiisi, awo iwasenga wadatu wa kuulanga wasigale, wahatowa mhalati zao!”

Ugubulo 9:12

Magayo gaichanduso gabita, lakini gang'hali gayagwe mabili gokwiza.