Ugubulo 12:10 - Biblia Kikutu

¹⁰ Abaho mhulika sauti kuulanga ilonga, “Sambi Imulungu kawakombola wanhu wake na Imulungu mndewa wetu kolagusa nguvu zake! Sambi Kilisito iyamsagule kalagusa mamulaka gake! Kwavija yuyo yakalile yokwima kuulongozi wa Imulungu imisi na ikilo kuwalavila vitala ndugu zetu kasigwa hasi.

Ugubulo 12:10 ပူးပေါင်းရင်းမြစ်များ

Zabuli 22:28

kwavija Mndewa Imulungu ayo mndewa, na kowatawala iwanhu wa isi zose.

Zabuli 45:6

Go Imulungu, kigoda chako cha ukulu chosigala siku zose na milele, fimbo ya undewa wako yokuwa fimbo ya haki.

Matayo 26:64

Yesu kamwidika, “Ona, vivo viulonga. Lakini nowalongeleni wose, kulawa sambi momona Mwana wa Munhu kakala muukulu mwambu wa mkono wa kudila wa Imulungu yeli na udahi, kokwiza mna gamawingu ga kuulanga!”

Matayo 28:18

Yesu kawezila, kawalongela, “Nigweleligwa udahi wose wa kuulanga na mwiisi.

Matayo 6:10

undewa wako wize, goulonda mwiisi gatendigwe, kamba viili kuulanga.

Luka 11:2

Yesu kawalongela, “Mwahampula Imulungu, longeni vino. ‘Tataetu uli kuulanga. Twaga jako ditogoligwe, Undewa wako wize.

Luka 22:31

Yesu kalonga, “Simoni, Simoni! Tegeleza! Mwenembago kampula Imulungu kuwageza mweye, kuwabagula wanogile na wehile, kamba vija mfolaji viyobagula fuya na hemba.

1 Wakolinto 5:4

Mwahaiting'hana hamoja kwa twaga da Mndewa Yesu na niye na hamoja na mweye muumoyo wangu, na nguvu ya Mndewa wetu Yesu ya hamoja na mweye,

2 Wakolinto 12:9

Lakini Mndewa kanongela, “Ng'hekewa yangu kumwako gweye yotosha, kwavija udahi wangu okuwa mkulu ng'hani gweye wahanyolila.” Avo nodeng'helela ng'hani kuigodela kunyolila kwangu, ili udahi wa Kilisito ukale kumwangu.

Tito 2:3

Vivija walongele watwanzi wavele wakale ugima wa kung'ala, sikuwawalonge vihile wanhu hebu kuwa watumwa wa ugimbi. Olondigwa kufundiza mbuli zinogile,

1 Petulo 5:8

Mugese goya na mukale meso. Ija yawehile, mwenembago kokwanga kamba simba yong'ula komzahila munhu wa kumuja.

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 2:26

Munhu yonda yahume, ija yogendelela mbaka kuuhelelo kusang'hana gonilonda, nomgwaa udahi wa kuwatawala wanhu wa isi zose.

Ugubulo 7:10

Wakemelela ng'hani, “Ukombola olawa kwa Imulungu wetu, yokala mkigoda cha undewa, na vivija olawa kwa Mwanang'hondolo!”