Ugubulo 11:8 - Biblia Kikutu

⁸ Mitufi yao yokala mna zinzila za buga kulu, hanhu hayawambigwe Mndewa wao. Twaga da kugwaza da buga dijo Sodoma hebu isi ya Misili.

Ugubulo 11:8 ပူးပေါင်းရင်းမြစ်များ

Mwanduso 13:13

Wanhu wa kuko Sodoma wakala wehile na wakala omtendela Mndewa Imulungu nzambi nyingi.

Mwanduso 19:24

Bahaja kulawa kuulanga Mndewa Imulungu kahumulusa mabwe gokwaka moto mgamabuga ga Sodoma na Gomola,

Kulawa 20:2

“Niye ayo Mndewa Imulungu, Imulungu wako, nikulavile mwiisi ya Misili, kuko kuukalile mtumwa.

Kulawa 3:7

Abaho Mndewa Imulungu kamulongela, “Nigona madununzo gowopata wanhu zangu weli kuko Misili. Mhulika viwoiyalala kwa kudununzwa na waja owemilila. Kwavija nojuwa viwogaya,

Matayo 10:15

Nowalongeleni ukweli mna isiku ya nhaguso Imulungu kowonela bazi wanhu wa buga da Sodoma na Gomola kubanza buga dijo.”

Sang'hano 9:4

Kagwa hasi na kahulika sauti yomulongela, “Sauli, Sauli! Habali konidununza?”

Waebulania 13:12

Lekaavo Yesu kadununzigwa na kufa kunze kudibuga ili yawasunhe wanhu nzambi zao kwa damu yake.

Waebulania 6:6

Kwavija kamba vija wamuwamba mumsalaba kabili Mwana wa Imulungu na kumuliga mgameso ga wanhu, kwa mbuli ayo wailumiza wenyego.

2 Petulo 2:6

Imulungu kawatagusa wanhu wa mabuga mabili ga Sodoma na Gomola, na kawasakaza wanhu wose kwa moto, na kawatenda wawe kilaguso kwa kija chonda kilawilile kwa wanhu hawamtonga Imulungu.

Yuda 1:7

Vivija kumbukeni Sodoma na Gomola, na mabuga geli mmabehi, watenda ugoni na kuihindula wenyego. Wabanangwa kwa moto haufaga kamba kilaguso kwa wanhu wayagwe.

Ugubulo 11:13

Kipindi kikija kukala na mtigisiko mkulu ng'hani wa isi, hanhu ha longo ha isi inangika, na wanhu elufu saba wakomigwa kwa mtigisiko awo. Wanhu wasigale wadumba ng'hani, wamgwaa ukulu Imulungu wa kuulanga.

Ugubulo 11:9

Wanhu kulawa kila isi na lukolo na ulonzi na kabila oilola mitufi yao kwa siku ndatu na nusu na honda watogole izikigwe.

Ugubulo 14:20

Zabibu zikamigwa hanhu aho hakalile kunze ya buga, na damu ikilima kulawa hanhu aho kwa ugazi wa kuvikila mmulomo wa falasi kulawa hasi na utali wa kilometa magana madatu.

Ugubulo 14:8

Msenga wa kabili wa kuulanga kamkweleleza ayo wa ichanduso kalonga, “Digwa! Buga kulu da Babeli digwa! Diwagwelele wanhu wa isi zose divai yake kali, divai iwatenda wanhu wasulukile kutenda ugoni!”

Ugubulo 16:19

Buga dija kulu ditulika vihande vidatu, mabuga gose ga mwiisi ganangika. Babeli buga kulu Imulungu hadisemwile kading'weza kikasi cha divai ya ng'hasiliki yake ng'hulu.

Ugubulo 17:1

Abaho imoja wa awo iwasenga saba wa kuulanga wakalile na mabakuli saba, keza kanongela, “Izo nikulagusile nhaguso ya ija imgoni mkulu, najo dijo buga kulu dizengigwe behi ya mazi mengi.

Ugubulo 17:18

“Mtwanzi yuumone dijo buga kulu ditawala wandewa wa mwiisi.”

Ugubulo 17:5

Mkihanga chake kandikigwa twaga dikalile na fambulo difisigwe, “Babeli buga kulu, mama wa wanhu wagoni na mbuli zigela kinyala ng'hani mwiisi.”

Ugubulo 18:10

Okwima kutali kwa kudumba magayo gake na olonga, “Kogaya! Kogaya gweye Babeli buga kulu dili na udahi! Kwavija kutagusigwa kwa saa dimoja diiyeka!”

Ugubulo 18:18

viwajone yosi da moto ukalile udilukuza walila kwa sauti, “Hadina lawilila buga diyagwe kamba buga dino kulu!”

Ugubulo 18:2

Kalonga kwa sauti ng'hulu, “Kugwa! buga kulu da Babeli kugwa! Sambi kawa kae ya vinyamkela na loho zihile, kawa kae ya ndege wehile na wanyama ogevuza.

Ugubulo 18:21

Abaho, msenga imoja wa kuulanga yeli na udahi kenula dibwe diigalile na dibwe kulu da kudugila, kajasa mbahali kuno kolonga, “Vino vivo vonda jasigwe kwa nguvu, buga kulu da Babeli na honda joneke kabili.

Ugubulo 18:24

Buga dijo da Babeli ditagusigwa kwavija mgati mmwake yoneka damu ya watula ndagu wa Imulungu na damu ya wanhu wa Imulungu na damu ya wanhu wose wakomigwe mwiisi.