Ugubulo 11:17 - Biblia Kikutu

¹⁷ walonga, “Tokugwaa asente Imulungu uli na Udahi wose, uli baha na ukalile baha! Kwavija kwa nguvu yako ng'hulu, kusonga kutawala!

Ugubulo 11:17 ပူးပေါင်းရင်းမြစ်များ

Mwanduso 17:1

Abulamu viyavikize miyaka malongo tisa na tisa, Mndewa Imulungu kamulawilila, kamulongela, “Niye na Imulungu yeli na Udahi wose, nhegeleze na utende ganogile.

Zabuli 21:13

Utogoligwe gweye Mndewa Imulungu, mbuli ya nguvu zako. Siye tokwimba na kuutogola udahi wako.

Zabuli 57:11

Gweye Imulungu, utogolwe uchanha kuulanga, na isi yose imemezwe ukulu wako.

Matayo 11:25

Mna ikipindi acho Yesu kalonga, “Tata, Mndewa wa kuulanga na mwiisi, nokutogola kwavija kuwafisa mbuli zino wanhu weli na nzewele na ubala, na kuwagubulila wana wadodo.

Luka 10:21

Kipindi kija Yesu kadeng'helela kwa udahi wa Loho Yang'alile, kalonga, “Tata, Mndewa wa kuulanga na mwiisi! Nokutogola kwavija kuwafisa mbuli zino wanhu weli na nzewele na ubala, na kuwagubulila wana wadodo. Ona, Tata, vino vivo viulondile.

Yohana 11:41

Wadikwesa hamgwazo idibwe, Yesu kalola uchanha kalonga, “Nokugwaa nhogolwa gweye Tata, kwavija konhegeleza.

2 Wakolinto 2:14

Lakini, Imulungu yagweleligwe nhogolwa, yotulongoza mna ikibumbila cha kudeng'helela kuhuma kubitila Kilisito na kubitila siye topwililisa kila hanhu usenga wa Kilisito kamba mnung'ho.

2 Wakolinto 9:15

Tumgwee nhogolwa Imulungu mbuli ya nhunza yake iswelile ulonzi wa kuisimulila!

1 Timoseo 1:12

Nomgwaa nhogolwa Yesu Kilisito Mndewa wetu yanigwelele nguvu kwa sang'hano yangu. Nomgwaa nhogolwa kwa kunhenda niye nifaye na kanisagula nimsang'hanile.

Ugubulo 1:4

Niye Yohana nowandikila wanhu wamtogole Yesu mna ivibumbila saba vili ako Asiya. Ng'hekewa na tindiwalo kulawa kwa Imulungu, yakalile baha, yeli baha na yonda yawe baha, na kulawa kwa loho saba zili kuulongozi wa kigoda chake cha undewa,

Ugubulo 1:8

“Niye na Alufa na Omega, wa ichanduso na wa ikimambukizo,” kolonga Mndewa Imulungu yeli na Udahi wose, yakalile baha, yeli baha, na yonda yawe baha.

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 15:3

Wemba lwila lwa Musa msang'hanaji wa Imulungu na lwila lwa Mwanang'hondolo, “Gweye Mndewa Imulungu uli na Udahi wose, sang'hano zako ng'hulu na za unzonza! Mndewa wa isi zose, nzila zako zinoga na za ukweli!

Ugubulo 16:14

Zino azo loho ndatu za vinyamkela otenda unzonza. Loho azo ndatu zochola kwa wandewa wose wa mwiisi, kuweka hamoja kwa ng'hondo mna isiku ng'hulu ya Imulungu yeli na Udahi wose.

Ugubulo 16:5

Nimuhulika msenga wa kuulanga mulolesaji wa mazi kolonga, “Gweye ung'alile, gweye uli baha na ukalile baha. Gweye kutagusa viilondigwa!

Ugubulo 16:7

Abaho mhulika sauti kulawa muupango wa kulavila nhosa ilonga, “Ona, Mndewa Imulungu uli na Udahi wose! Nhaguso zako ni za kweli na vivo viilondigwa!”

Ugubulo 18:8

Mbuli ya gago mikubulo impata kwa siku dimoja, mitamu na kunyunyuwala na lufilili lwa nzala. Kosomigwa moto, kwavija Mndewa Imulungu yomtagusa kana udahi.”

Ugubulo 19:11

Abaho nyona ulanga uvuguligwa na kukala na falasi mzelu. Ayo yomkwela kakemigwa, “Yotamaniligwa” na “Kweli.” Ayo kotagusa na koitowa kwa mbuli ya gaja golondigwa.

Ugubulo 19:6

Abaho mhulika kinhu kamba sauti ya lunhu mkulu lwa wanhu na sauti ya mazi mengi vigokilima na mdudumo, ilonga, “Imulungu yatogoligwe! Kwavija Mndewa Imulungu wetu yeli na Udahi wose kotawala!