Ugubulo 1:8 - Biblia Kikutu

⁸ “Niye na Alufa na Omega, wa ichanduso na wa ikimambukizo,” kolonga Mndewa Imulungu yeli na Udahi wose, yakalile baha, yeli baha, na yonda yawe baha.

Ugubulo 1:8 ပူးပေါင်းရင်းမြစ်များ

Mwanduso 17:1

Abulamu viyavikize miyaka malongo tisa na tisa, Mndewa Imulungu kamulawilila, kamulongela, “Niye na Imulungu yeli na Udahi wose, nhegeleze na utende ganogile.

Mwanduso 28:3

Imulungu yeli na Udahi wose yakutendele ganogile na yakugwee wana bwando, ili uwe tata wa makabila mengi.

Mwanduso 35:11

Nayo Imulungu kamulongela, “Niye iyo Imulungu nili na Udahi wose, ulele ng'hani na mongezeke. Makabila mengi golawa kumwako na wandewa olawa mkigudi chako.

Mwanduso 43:14

Imulungu yeli na Udahi wose yawatende moneligwe bazi na munhu ayo, yamulekese ija ndugu yenu iyagwe na Benjamini wabwele hamoja na mweye. Kumwangu niye kamba yahakuwa kwagiligwa na wanangu iwe vivo.”

Mwanduso 48:3

Yakobo kamulongela Yusufu, “Imulungu yeli na Udahi wose kanilawilila ving'halile ako Luzu mwiisi ya Kanaani, kanitenda nimwede.

Mwanduso 49:25

mbuli ya Imulungu wa tatako, yakutazile, mbuli ya Imulungu yeli na Udahi wose yakutendile umwede kwa mbuli zinogile za kuulanga, na kumweda kulawa hasi mwiibahali, kumweda kwa kuwa na fugo nyingi na wana heleketwaa.

Kulawa 3:14

Imulungu kamulongela Musa, “Nene iyo Nene. Vino vivo viulondigwa kuwalongela Waizilaeli, ‘Ija yokemigwa Nene iyo Nene, kanhuma kumwenu.’ ”

Kulawa 6:3

Nimulawilila Abulahamu na Isaka na Yakobo, njuwika kamba Imulungu yeli na Udahi wose, lakini siwalongele bule kamba twaga jangu Mndewa Imulungu.

Kupetigwa 24:4

Usenga wa munhu yahulike mbuli za Imulungu. Munhu yalagusiligwe kinhu na Mndewa Imulungu yeli na Udahi wose. Munhu yagwile kingubanguba na kugona gose.

2 Wakolinto 6:18

Nokuwa Tataenu, na mweye mokuwa wanangu wa kimbigalo na wa kitwanzi, kolonga Mndewa yeli na Udahi wose.”

Ugubulo 1:11

Inongela, “Wandike mkitabu mbuli zino ziwona, abaho kigale ikitabu kwa wanhu wamtogole Yesu mvibumbila vili mna gamabuga gano saba, Efeso na Simuna na Peligamoni na Tuatila na Salide na Filadelifia na Laodikea.”

Ugubulo 1:17

Vinimulolile nigwa mmagulu gake kamba munhu yafile, keka mkono wake wa kudila uchanha yangu kanongela, “Sikuudumbe! Niye na wa ichanduso na wa ikimambukizo.

Ugubulo 1:4

Niye Yohana nowandikila wanhu wamtogole Yesu mna ivibumbila saba vili ako Asiya. Ng'hekewa na tindiwalo kulawa kwa Imulungu, yakalile baha, yeli baha na yonda yawe baha, na kulawa kwa loho saba zili kuulongozi wa kigoda chake cha undewa,

Ugubulo 11:17

walonga, “Tokugwaa asente Imulungu uli na Udahi wose, uli baha na ukalile baha! Kwavija kwa nguvu yako ng'hulu, kusonga kutawala!

Ugubulo 15:3

Wemba lwila lwa Musa msang'hanaji wa Imulungu na lwila lwa Mwanang'hondolo, “Gweye Mndewa Imulungu uli na Udahi wose, sang'hano zako ng'hulu na za unzonza! Mndewa wa isi zose, nzila zako zinoga na za ukweli!

Ugubulo 16:14

Zino azo loho ndatu za vinyamkela otenda unzonza. Loho azo ndatu zochola kwa wandewa wose wa mwiisi, kuweka hamoja kwa ng'hondo mna isiku ng'hulu ya Imulungu yeli na Udahi wose.

Ugubulo 16:7

Abaho mhulika sauti kulawa muupango wa kulavila nhosa ilonga, “Ona, Mndewa Imulungu uli na Udahi wose! Nhaguso zako ni za kweli na vivo viilondigwa!”

Ugubulo 19:15

Sime dikutwa dilawa mmulomo wake, na kwa sime dijo wanhu wa isi zose ohumwa. Kowatawala kwa mkongoja wa zuma, na koikama divai hanhu ha kukamila zabibu ha ng'hasiliki ya Imulungu yeli na Udahi wose.

Ugubulo 19:6

Abaho mhulika kinhu kamba sauti ya lunhu mkulu lwa wanhu na sauti ya mazi mengi vigokilima na mdudumo, ilonga, “Imulungu yatogoligwe! Kwavija Mndewa Imulungu wetu yeli na Udahi wose kotawala!

Ugubulo 2:8

“Kwa msenga wa kuulanga wa kibumbila cha wanhu wamtogole Yesu ako Simuna wandike vino, “Usenga uno olawa kwa ayo yeli wa ichanduso na wa ikimambukizo, yakalile yafile, abaho kawa mgima kabili.

Ugubulo 21:22

Siyonile bule Ng'anda ya Imulungu kudibuga dijo kwavija Mndewa Imulungu yeli na Udahi wose na Mwanang'hondolo wao Ng'anda ya buga dijo.

Ugubulo 21:6

Abaho kanongela, “Imala kutendeka! Niye na Alufa na Omega, wa ichanduso na wa ikimambukizo. Munhu yoyose yeli na ng'hilu nomgwaa bule yang'we mazi ga nzasa ya ugima.

Ugubulo 22:13

Niye na Alufa na Omega, wa ichanduso na wa ikimambukizo, mwanduso na uhelelo wa vinhu vose.

Ugubulo 4:8

Viumbe avo vine vili na ugima vikala na mabawa sita kila kimoja, gamemile meso kunze na mgati. Kuduhu kubwihila, imisi na ikilo vokwimba, “Kang'ala, kang'ala, kang'ala, Mndewa Imulungu yeli na Udahi wose, yakalile baha, yeli baha, na yonda yawe baha.”