Tito 2:12 - Biblia Kikutu

¹² Ng'hekewa ino yotufunza tuleme mbuli hazimnogelaga Imulungu na kusulukila vinhu va mwiisi ino, lakini tuilongoze wenyego, tukale ugima wa kumnogela Imulungu mwiisi ino ya sambi,

Tito 2:12 ပူးပေါင်းရင်းမြစ်များ

Zabuli 105:45

ili wagagoge malagizo gake, na kugoga gaja goyolonga. Mndewa Imulungu yatogolwe.

Zabuli 4:3

Lakini muvijuwe kamba Mndewa Imulungu, kaisagulila iwanhu wake otamanilwa, Mndewa Imulungu kohulika nahamkema.

Matayo 12:32

Munhu yoyose yolonga mbuli za kumliga Mwana wa Munhu, maligo gake gogeligwa kumgongo, lakini munhu yomuliga Loho Yang'alile, maligo gake honda gageligwe kumgongo ng'o mwiisi ino hebu mwiisi yonda ize.

Matayo 16:24

Abaho Yesu kawalongela wanahina zake, “Munhu yoyose yolonda kwiza kumwangu, yaileme mwenyego, yaupape msalaba wake na yanikweleleze.

Matayo 28:20

na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi.”

Luka 1:6

Wose wabili wakala otenda ganogile mgameso ga Imulungu, na kugagoga Malagizo gose ga Mndewa Imulungu.

Luka 1:75

tuwe wanhu wang'alile na wanhu otenda goyolonda Imulungu, siku zose za ugima wetu.

Yohana 14:30

Silonga ng'hani na mweye, kwavija Mwenembago ayo mkulu wa isi ino kokwiza. Heyo kabule nguvu kumwangu,

Yohana 6:25

Wanhu viwamvikile Yesu umwambu uyagwe wa lamba, wamuuza, “Mfundiza, vino hano kwiza lini?”

Sang'hano 24:16

Avo siku zose niiyoha ng'hani sambi niwe na moyo unitagusa kamba nibananga mgameso ga Imulungu na mgameso ga wanhu.”

Sang'hano 24:25

Lakini Paulo viyakalile kolonga mbuli ya kutenda ganogile na kuigomesa mwenyego na mbuli ya Siku ya Imulungu kuwatagusa wanhu, Felikisi kadumba ng'hani kalonga, “Sambi kodaha kuchola, nokukema kabili nahapata nyafasi.”

Walumi 12:2

Sikumukweleleze vowotenda wanhu wa mwiisi ino, lakini mulekeni Imulungu yaigaluse mizoyo yenu kwa kugalusa vija vimugesa. Baho modaha kugajuwa goyolonda Imulungu, gaja ganogile na gomnogela heyo na kija kitimilike.

Walumi 6:12

Nzambi sikuzitawale kabili mzing'huli zenu zifa, avo sikumukweleleze vizilonda ng'huli zenu.

Walumi 6:19

Nolonga ulonzi uwalongaga wanhu siku zose ili mudahe kujuwa. Kamba vija umwaka vimuilavile wenyego kuwa watumwa wa nzambi na gehile gose. Vivija sambi molondigwa muilave wenyego kuwa watumwa wa kutenda goyolonda Imulungu, gogala kung'ala.

Walumi 8:13

Avo mwahakala kamba vizilonda ng'huli zenu, mofa, lakini kamba mozileka nzambi zenu kubitila Loho, mokuwa wagima.

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

Wagalatia 1:4

Kwa kutegeleza viyolonda Tataetu Imulungu, Kilisito kailava mwenyego kwa nzambi zetu, ili yatukombole na nzambi za wanhu wa lukolo luno lwa sambi.

Wagalatia 5:24

Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile.

Waefeso 1:4

Avo isi ing'hali hainalumbigwa, Imulungu katusagula siye kwa kuilumba na Kilisito, ili tung'ale na sikutuwe na nzambi mgameso gake. Mbuli ya unogelwa wake,

Waefeso 2:2

Kipindi kija mukala kwa ubananzi na kukweleleza gehile ga wanhu wa mwiisi ino, mukala momtegeleza mtawala wa gehile wa undewa wa ulanga, loho ija yowatawala wanhu iwoleka kumtegeleza Imulungu.

Wakolosai 1:22

Lakini sambi kwa ifa ya lukuli lwa Mwanage, Imulungu kawatenda muilumbe nayo, ili yawagale kumwake kuno mung'ala, mwabule ubananzi na mwabule kitala.

1 Wasesalonike 4:7

Imulungu hatukemile bule tukale muugoni, ila tung'ale.

1 Wasesalonike 4:9

Hailondigwa kuwandikila mbuli ya kuwanogela waenu wamtogole Kilisito. Mweye wenyego mufunzigwa na Imulungu vija vimulondigwa kuinogela.

1 Timoseo 4:12

Sikuutogole munhu yakubeze kwavija gweye kwa mbwanga, lakini uwe kilaguso kwa wanhu wamtogole Yesu, kwa ulonzi wako na sang'hano zako na unogelwa wako na kutamanila kwako na ugima unogile.

1 Timoseo 6:17

Walagize wanhu weli wagoli wa vinhu va mwiisi ino sikuwaitape, na kulolela vinhu avo, lakini wamulolele Imulungu yeli na moyo unogile yotugwaa kila kinhu tudeng'helele.

1 Timoseo 6:9

Lakini waja olonda kuwa wagoli okwingila mna ukugezigwa na onamata mumtego wa kusulukila vinhu kwa ubozi, navo vowakwega mbaka kuna ukunangika na kufa.

2 Timoseo 3:12

Munhu yoyose yolonda kukala na ugima umnogeza Imulungu kwa kuilumba na Yesu Kilisito kodununzigwa.

2 Timoseo 4:10

Dema kavinogela ng'hani vinhu va mwiisi ino mbaka kandeka kachola ako Sesalonike. Kilesike kachola Galatia na Tito kachola Dalimatia.

Tito 3:3

Aho umwaka siye tukala wabozi, tuleka kutegeleza, tuviziligwa na tukala watumwa wa kusulukila vinhu vitulondile, tukala kwa gehile na migongo, wanhu watwihila na siye tuwehila.

Waebulania 8:11

Kuduhu munhu yonda yamfunze mwenekae miyage hebu yonda yamulongele ndugu yake, ‘Mjuwe Mndewa.’ Kwavija wose onijuwa niye kuwa na Imulungu wao, kusongela wanhu wadodo na wanhu wakulu.

Yakobo 1:27

Kutambika kunogile na hakufitile mgameso ga Imulungu Tata uko kuno, kuwataza wana iwakiwa na kuwataza wagane mmagayo gao na kuilolesa mwenyego sikuunangigwe na mbuli za mwiisi ino.

2 Petulo 2:9

Kamba vino vivo ili, avo Mndewa kojuwa vonda yawahonye mna ukugezigwa kwao wanhu omtegeleza, na kojuwa vonda yaweke wanhu otenda gehile mna ukubanangigwa mbaka siku ya nhaguso.

2 Petulo 3:11

Kwavija kila kinhu chonangigwa, avo mweye molondigwa muwe wanhu gani? Molondigwa mukale kwa kung'ala na kumtegeleza Imulungu,

1 Yohana 2:27

Lakini kumwenu mweye, Kilisito kawagidila Loho Yang'alile. Na kamba Loho Yang'alile kokala mgati mmwenu, hamulonda munhu yoyose yawafunze. Kwavija Loho Yang'alile kowafunza kila kinhu na kija kiyowafunza cha ukweli na si uvizi bule. Avo gagogeni mafundizo ga Loho Yang'alile, na kaleni kwa kuilumba na Kilisito.

1 Yohana 2:6

munhu yoyose yolonga kamba kokala mgati ya Imulungu, yakale kamba viyakalile Yesu.

1 Yohana 5:19

Tojuwa kamba siye twa wana wa Imulungu na wanhu wose wayagwe mwiisi otawaligwa na ija Imdumuka.

Yuda 1:18

Wawalongela, “Mzisiku za uhelelo, olawilila wanhu na owageweza, wanhu okweleleza kusulukila kwao kwihile bila kumgesa Imulungu.”

Ugubulo 14:12

Avo wanhu wa Imulungu waja ogoga malagizo ga Imulungu na omtamanila Yesu olondigwa wafunge umoyo.