Tito 2:11 - Biblia Kikutu

¹¹ Kwavija ng'hekewa ya Imulungu igubuligwa kwa kuwakombola wanhu wose.

Tito 2:11 ပူးပေါင်းရင်းမြစ်များ

Zabuli 67:2

Nzila zako zijuwigwe mwiisi yose, na ukombola wako hagati ya iwanhu wa isi zose.

Zabuli 84:11

Kwavija gweye Mndewa Imulungu ayo zuwa na ngao, Mndewa Imulungu kolava ganogile na ukulu, huwanyima kinhu chochose kinogile, iwanhu welibule kitala.

Zabuli 96:10

Longeni mwiisi yose, “Mndewa Imulungu kotawala, ona isi yose igogwa sikuitigisigwe, kowatagusa iwanhu kamba viilondigwa!”

Matayo 28:19

Avo gendeni mkawatende wanhu wa isi zose wawe wanahina zangu, muwabatize kwa twaga da Tata na Mwana na Loho Yang'alile,

Maluko 16:15

Kawalongela, “Choleni mwiisi yose mukawapetele wanhu wose Mbuli Inogile.

Luka 24:47

kwa twaga jake, usenga opetigwa kwa wanhu wa isi zose, kusongela Yelusalemu, ili waleke nzambi zao na Imulungu yazigele kumgongo.

Luka 3:6

Wanhu wose okona Imulungu kowakombola wanhu!’ ”

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Yohana 1:9

Uno ukala mulenge kweli, mulenge wizile mwiisi kuwamwemwesela wanhu wose.

Sang'hano 11:23

Viyavikile na kona vija Imulungu viyawagwelele ng'hekewa, kadeng'helela na kawapula wagendelele kumtamanila Mndewa kwa mizoyo yao yose.

Sang'hano 13:43

Wanhu viwasegele mumting'hano Wayahudi wengi na wanhu haweli Wayahudi waitogole dini ya Kiyahudi wawakweleleza Paulo na Balinaba. Watumigwa wawagangamiza wagendelele kukala mna ing'hekewa ya Imulungu.

Sang'hano 13:47

Kwavija dino ijo lagizo diyatugwee Mndewa, ‘Niwatenda mulenge kwa wanhu haweli wayahudi, ili wanhu wose wa mwiisi wakomboligwe.’ ”

Sang'hano 17:30

Imulungu kaitenda halola kipindi kija wanhu viwakalile wabozi. Lakini lelo kowalagiza wanhu kila hanhu wazileke nzambi zao.

Sang'hano 20:24

Lakini siutonga ugima wangu kamba kinhu, nogesa kuumambukiza utumigwa na sang'hano iyanigwelele Mndewa Yesu kuisang'hana, nayo iyo kuwapetela wanhu Mbuli Inogile ya ng'hekewa ya Imulungu.”

Walumi 10:18

Lakini niye nouza, vino hawauhulike usenga? Ona, kuuhulika wauhulika, kwavija Maandiko Gang'alile golonga, “Nyangi zao zihulikigwa mwiisi yose, mbuli zao zivika kuuhelelo wa isi.”

Walumi 5:15

Lakini vinhu vino vibili haviigalile, kwavija nhunza ya Imulungu haiigalile na nzambi ya Adamu. Kweli hata kamba wanhu wengi wafa kwa nzambi ya munhu ayo imoja, lakini ng'hekewa ya Imulungu ibanza ng'hani na nhunza yake yenela kwa wanhu wengi kubitila ng'hekewa ya munhu imoja, Yesu Kilisito.

Walumi 5:2

Kwa kumtamanila heyo, Yesu katugalila ng'hekewa ya Imulungu, itukala nayo sambi, avo tobetela kwa kudeng'helela kwingila muukulu wa Imulungu.

2 Wakolinto 6:1

Kwavija tosang'hana hamoja na Imulungu, towapula mweye mubokele ng'hekewa ya Imulungu, sikumutogole yage bule.

Wagalatia 2:21

Siilema ng'hekewa ya Imulungu. Kwavija kamba munhu kotendigwa kanoga mgameso ga Imulungu kwa kugagoga Malagizo, avo Kilisito kafa bule!

Waefeso 2:5

hata vitukalile tofa kwa nzambi, katutenda wagima hamoja na Kilisito. Kwa ng'hekewa ya Imulungu mweye mukomboligwa.

Waefeso 2:8

Kubitila ng'hekewa ya Imulungu mukomboligwa kwa kumtamanila. Mbuli ino hailawilile kwa udahi wenu, lakini ilawilila kwa nhunza ya Imulungu,

Wakolosai 1:23

Kamba mwahagendelela kugangamala mditamanilo mulinajo, sikumutogole kutigisigwa na kuleka tamanilo jenu mudipatile vimuhulike Mbuli inogile. Kwa Mbuli ino Inogile, niye Paulo niwa msang'hanaji wa Mbuli ino Inogile, ipetigwe kwa kila munhu mwiisi.

Wakolosai 1:6

Mbuli ino Inogile yokwenela mwiisi yose na yowagalusa wanhu watende ganogile, kamba viitendile kumwenu toka siku dija vimuihulike na kuujuwa ukweli wa ng'hekewa ya Imulungu.

2 Wasesalonike 2:16

Tompula Mndewa wetu Yesu Kilisito mwenyego na Imulungu Tataetu, yatunogele, na mna ing'hekewa katugela moyo siku zose na tamanilo dinogile,

1 Timoseo 1:14

Avo, kangwaa ng'hekewa ng'hani na kanigwaa kutamanila na unogelwa uli wetu kwa kuilumba na Yesu Kilisito.

1 Timoseo 2:4

yolonda wanhu wose wakomboligwe na waujuwe ukweli.

2 Timoseo 1:10

Lakini sambi ng'hekewa yake igubuligwa kumwetu kubitila kwiza kwa Mkombola wetu Yesu Kilisito. Kauhuma udahi wa ifa, na kubitila Mbuli Inogile kaugubula ugima ulibule ifa.

2 Timoseo 4:17

Lakini Mndewa kanhaza na kanigwaa nguvu, niwapetela wanhu usenga wake, ili wanhu haweli Wayahudi wauhulike. Mndewa kanihonya na ifa kamba mudilomo da simba.

Waebulania 12:15

Iteganyeni sikumwagize ng'hekewa ya Imulungu. Munhu yoyose sikuyatogole kuigala na biki da usungu dikulaga na kuwananga wanhu bwando kwa sumu yake.

Waebulania 2:9

Lakini tomona Yesu yatendigwe munhu mdodo kubanza wasenga wa kuulanga kwa kipindi kidodo, ili mbuli ya ng'hekewa ya Imulungu kumwetu Yesu kafa mbuli ya wanhu wose. Sambi tomona kavazigwa taji ya ukulu na kutegelezigwa mbuli ya kugaya kwake mbaka kufa.