Tito 1:7 - Biblia Kikutu

⁷ Kwavija kilongozi wa kibumbila cha wanhu wamtogole Yesu koilola goya sang'hano ya Imulungu kolondigwa yawe munhu halongigwa vihile na wanhu, sikuyaitape, sikuyagevuzike himahima, sikuyakoligwe, sikuyakomhoke na sikuyasulukile kupata vinhu kwa nzila ihile.

Tito 1:7 ပူးပေါင်းရင်းမြစ်များ

Mwanduso 49:6

Lakini niye siilumba nao mna ikija kiwolonda kutenda, niye siilumba nao mumting'hano wao, kwavija kwa ng'hasiliki yao wawakoma wanhu na kwa utundu wao wakanha migiha ya ng'ombe.

Nongezi 14:17

Yogundumuka himahima kosang'hana ubozi, na munhu yopanga gehile kokwihiligwa.

Nongezi 15:18

Munhu yogevuzika himahima kogala ndwagi, lakini yoleka kugevuzika himahima kolamula ndwagi.

Nongezi 16:32

Yoleka kugevuzika himahima vinoga kubanza munhu yeli na nguvu, yoitawala loho yake kanoga kubanza munhu yodiboka buga.

Walawi 10:9

“Gweye na wanago mwahengila mna dihema da mting'hano sikumung'we ugimbi hebu divai bule mofa. Lagizo dino mudigoge kwa ulelo wenu wose onda wize.

Matayo 24:45

“Nani yeli msang'hanaji yotamaniligwa na yeli na nzewele? Ayo ija mkulu wake kamwika yawalolese goya wasang'hanaji wayagwe na kowagwaa ndiya mna isaa inogile.

Luka 12:42

Mndewa kamwidika, “Vino msang'hanaji gani yotamaniligwa na yeli na nzewele? Ayo ija mkulu wake komwika yalolese wasang'hanaji wayagwe, na yawagwee ndiya mna isaa inogile.

Waefeso 5:18

Sikumukoligwe, kwavija ayo yowabananga, lakini mumemezigwe Loho Yang'alile.

Wafilipi 1:1

Niye Paulo na Timoseo, twa wasang'hanaji wa Yesu Kilisito, towandikila mweye wanhu wa Imulungu muli ako Filipi, mweye muilumbile na Yesu Kilisito, hamoja na vilongozi na watazaji wa wanhu wamtogole Yesu.

Tito 1:5

Nikuleka ako Kilete ili wike goya kila kinhu na kuwasagula wavele wa vibumbila va wanhu wamtogole Yesu mna kila buga, kamba vinikulagize.

Tito 2:3

Vivija walongele watwanzi wavele wakale ugima wa kung'ala, sikuwawalonge vihile wanhu hebu kuwa watumwa wa ugimbi. Olondigwa kufundiza mbuli zinogile,

1 Petulo 4:10

Kila munhu yaisang'hanile nhunza iyagweleligwe na Imulungu kwa kuwatenda wayagwe wamwede. Mutamaniligwe kwa kuzisang'hanila vinogile nhunza mbasakanyo ziyawagwelele Imulungu.

1 Petulo 5:2

mdisusile bumbila da Imulungu dili mmakono genu, mdilolese goya, siyo kwa kunanahizigwa lakini kwa kulonda wenyego, kamba Imulungu viyolonda. Sikumusulukile sente, lakini muwambe kusang'hana.

2 Petulo 2:10

Ng'hani ng'hani wanhu waja okweleleza vizisulukila ng'huli zao na oubeza udahi wa Imulungu. Wanhu awo wavizi na oitapa, hawadumba kuviliga vinhu ving'ala viumbigwe vili ako kuulanga.