Tito 1:6 - Biblia Kikutu

⁶ Mvele wa kibumbila cha wanhu wamtogole Yesu sikuyalongigwe vihile na wanhu na yawe na mwehe imoja na wanage olondigwa wamtogole Yesu na wanhu sikuwawalonge kwa gehile ng'hani.

Tito 1:6 ပူးပေါင်းရင်းမြစ်များ

Mwanduso 18:19

Nimsagula heyo ili yawalagize wanage na ulelo wao wagoge nzila ya Mndewa Imulungu kwa kutenda gaja goyolonda Mndewa, avo Mndewa yagavikize gaja gayamulongele Abulahamu.”

Nongezi 28:7

Mwana yogoga malagizo kana nzewele, lakini mbwiga wa wamelo komgela kinyala tatake.

Walawi 21:14

Sikuyasole mtwanzi mgane hebu mtwanzi yasigwe hebu mtwanzi mgoni, lakini yasole mtwanzi mhambe kulawa mulukolo lwake mwenyego,

Walawi 21:7

“ ‘Mulava nhosa sikuyasole mtwanzi yakalile mgoni hebu mtwanzi yasigwe hebu siyo mhambe, sikuyatende vivo kwavija heyo munhu yang'alile kwa Imulungu wake.

Luka 1:5

Kipindi acho Helode viyakalile mndewa wa Yudea, kukala na mulava nhosa, twaga jake Zakalia, wa kibumbila cha Abiya. Mwehe wake kakala Elizabeti, nayo vivija kalawa mulukolo lwa mulava nhosa Haluni.

Waefeso 5:18

Sikumukoligwe, kwavija ayo yowabananga, lakini mumemezigwe Loho Yang'alile.

1 Wasesalonike 5:14

Ndugu zetu, towamba kuwapula muwazume wanhu wanyeke, muwasamhuse waliduhu nguvu, muwataze wanyolile na fungeni umoyo kwa wanhu wose.

1 Timoseo 1:9

Tolondigwa tujuwe kamba Malagizo hagekigwe kwa wanhu otenda ganogile, lakini kwa hewo obena Malagizo na otenda gehile na wanhu hawamtegeleza Imulungu na hewo otenda nzambi na kwa hewo hawamtambikila Imulungu hebu hawatogola chochose na kwa hewo owakoma tata zao hebu mama zao na kwa hewo wakomaji,

1 Timoseo 3:12

Mtazaji wa kibumbila cha wanhu wamtogole Yesu yawe na mwehe imoja na yadahe kuwalongoza goya wanage na wanhu wose okala mng'anda yake.

Tito 1:10

Kwavija kuna wanhu wengi hawalonda kutegeleza, na olonga mbuli za ubozi na owagiza wanhu, ng'hani ng'hani wanhu walawile mkibumbila cha Wayahudi na sambi wamtogola Yesu.

1 Samweli 2:11

Abaho Elikana kabwela ukae ako Lama. Lakini mbwanga ayo Samweli kamsang'hanila Mndewa Imulungu kuulongozi wa Eli imulava nhosa.

1 Samweli 2:22

Kipindi acho Eli kakala mvele ng'hani. Kahulika gose gawatendile wanage wa kimbigalo kwa iwanhu wose wa Izilaeli, na viwakalile owasa na waja iwatwanzi wakalile osang'hana kuna ulwivi lwa dihema da mting'hano.